Aṅguttara Nikāya
Catukka Nipāta
XX: Mahā Vagga

Sutta 193

Bhaddiya Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[190]

[1][pts] Evaṁ me sutaṁ:|| ||

Ekaṁ samayaṁ Bhagavā Vesāliyaṁ viharati Mahāvane Kūṭāgāra-sālāyaṁ.|| ||

Atha kho bhaddiyo Licchavi yena Bhagavā ten'upasaṅkami.|| ||

Upasaṅkamitvā Bhagavantaṁ abhivādetvā eka-m-antaṁ nisīdi.|| ||

Eka-m-antaṁ nisinno kho bhaddhiyo Licchavi Bhagavantaṁ etad avoca:|| ||

Sutaṁ me taṁ bhante:|| ||

'Māyāvī Samaṇo Gotamo āvaṭṭanim māyaṁ jānāti,||
yāya añña-titthiyānaṁ sāvake āvaṭṭetī' ti.|| ||

Ye te bhante evam āhaṁsu:|| ||

'Māyāvī Samaṇo Gotamo āvaṭṭanim māyaṁ jānāti,||
yāya añña-titthiyānaṁ sāvake āvaṭṭetī' ti.|| ||

Kacci te bhante Bhagavato vutta-vādino,||
na ca Bhagavantaṁ abhutena a-b-bhāvi-k-khanti,||
dhammassa c'ānudhammaṁ vyākaronti.|| ||

Na ca koci saha-dhammiko vādānupāto gārayihaṁ ṭhānaṁ āgacchati?|| ||

Anabbhakkhātukāmā hi mayaṁ bhante Bhagavantan ti.

[191] 2. Etha tumhe Bhaddiya,||
mā anussavena,||
mā paramparāya,||
mā itikirāya,||
mā piṭakasampadānena,||
mā takkahetu,||
mā nayahetu,||
mā ākāraparivitakkena,||
mā diṭṭhi-nijjhāna-k-khantiyā,||
mā bhabbarūpatāya,||
mā samaṇo no garūti.|| ||

Yadā tumhe Bhaddiya attanā va jāneyyātha,||
ime dhammā akusalā,||
ime dhammā sāvajjā,||
ima dhammā viññūgahahitā,||
ime dhammā samattā samādinnā ahitāya dukkhāya saṁvaṭṭantī ti.|| ||

Atha tumhe Bhaddiya pajaheyyātha.|| ||

■

3. Taṁ kiṁ maññatha Bhaddiya?|| ||

Lobho purisassa ajjhattaṁ uppajjamāno uppajjati hitāya vā ahitāya vāti?|| ||

Ahitāya bhante.|| ||

Luddho panāyaṁ Bhaddiya,||
purisa-puggalo lobhena Abhibhuto pariyādinna-citto pāṇam pi hanti,||
adinnam pi ādiyati,||
paradāram pi gacchati,||
musā pi bhaṇati,||
param pi tathattāya samādapeti.|| ||

Yaṁ sa hoti dīgha-rattaṁ ahitāya dukkhāyā ti?|| ||

"Evaṁ bhante" ti.|| ||

■

4. Taṁ kiṁ maññatha Bhaddiya?|| ||

Doso purisassa ajjhattaṁ uppajjamāno uppajjati hitāya vā ahitāya vāti?|| ||

Ahitāya bhante.|| ||

Duṭṭho panāyaṁ Bhaddiya,||
purisa-puggalo dosena Abhibhuto pariyādinna-citto pāṇam pi hanti,||
adinnam pi ādiyati,||
paradāram pi gacchati,||
musā pi bhaṇati,||
param pi tathattāya samādapeti.|| ||

Yaṁ sa hoti dīghanarattaṁ ahitāya dukkhāyāti?|| ||

"Evaṁ bhante" ti.|| ||

■

5. Taṁ kiṁ maññatha Bhaddiya?|| ||

Moho purisassa ajjhattaṁ uppajjamāno uppajjati hitāya vā ahitāya vāti?|| ||

Ahitāya bhante.|| ||

Muḷho panāyaṁ Bhaddiya, purisa-puggalo mohena Abhibhuto pariyādinna-citto pāṇam pi hanti,||
adinnam pi ādiyati,||
paradāram pi gacchati,||
musā pi bhaṇati,||
param pi tathattāya samādapeti.|| ||

Yaṁ sa hoti dīghanarattaṁ ahitāya dukkhāyāti?|| ||

"Evaṁ bhante" ti.|| ||

■

6. Taṁ kiṁ maññatha Bhaddiya?|| ||

Sārambho purisassa ajjhattaṁ uppajjamāno uppajjati hitāya vā ahitāya vāti?|| ||

Ahitāya bhante.|| ||

Sāraddho panāyaṁ Bhaddiya, purisa-puggalo sārambhena Abhibhuto pariyādinna-citto pāṇam pi hanti,||
adinnam pi ādiyati,||
paradāram pi gacchati,||
musā pi bhaṇati,||
param pi tathattāya samādapeti.|| ||

Yaṁ sa hoti dīghanarattaṁ ahitāya dukkhāyāti?|| ||

"Evaṁ bhante" ti.|| ||

■

7. Taṁ kiṁ maññatha Bhaddiya?|| ||

Ime dhammā kusalā vā akusalā vāti?|| ||

'Akusalā bhante.'|| ||

Sāvajjā vā anavajjā vāti?|| ||

'Sāvajjā bhante.'|| ||

Viññūgarahitā vā viññuppaSatthā vāti?|| ||

'Viññūgarahitā bhante.'|| ||

Samattā samādinnā ahitāya dukkhāya saṁvaṭṭanti,||
no vā kathaṁ vā ettha hotī ti?|| ||

'Samattā bhante samādinnā ahitāya dukkhāya saṁvaṭṭanti.|| ||

Evaṁ no ettha hotī' ti.|| ||

■

8. Iti kho Bhaddiya, yaṁ taṁ avocumha:||
etha tumhe Bhaddiya,||
mā anussavena||
mā paramparāya,||
mā itikirāya,||
[192] mā piṭakasampadānena,||
mā takkahetu,||
mā nayahetu,||
mā ākāraparivitakkena,||
mā diṭṭhi-nijjhāna-k-khantiyā,||
mā bhabbarūpatāya,||
mā samaṇo no garūti.|| ||

Yadā tumhe Bhaddiya attanā va jāneyyātha,||
ime dhammā akusalā,||
ime dhammā sāvajjā,||
ime dhammā viññūgarahitā,||
ime dhammā sāmattā samādinnā ahitāya dukkhāya saṁvaṭṭanti.|| ||

Atha tumhe Bhaddiya, pajaheyyāthāti||
iti yaṁ taṁ vuttaṁ,||
idam etaṁ paṭicca vuttaṁ.|| ||

■

9. Etha tumhe Bhaddiya,||
mā anassavena||
mā paramparāya||
mā itikirāya||
mā piṭakasampadānena||
mā takkahetu||
mā nayahetu||
mā ākāraparivitakkena||
mā diṭṭhi-nijjhāna-k-khantiyā||
mā bhabbarūpatāya||
mā samaṇo no garūti.|| ||

Yadā tumhe Bhaddiya, attanā va jāneyyātha:||
ime dhammā kusalā,||
ime dhammā anavajjā,||
ime dhammā viññūppasatthā,||
ime dhammā samattā samādinnā hitāya sukhāya saṁvaṭṭantī ti.|| ||

Atha tumhe Bhaddiya, upasampajja vihareyyātha.|| ||

■

9. Taṁ kiṁ maññatha Bhaddiya?|| ||

Alobho purisassa ajjhattaṁ uppajjamāno uppajjati hitāya vā ahitāya vāti?|| ||

'Hitāya bhante'.|| ||

Aluddho panāyaṁ Bhaddiya, purisa-puggalo lobhena anAbhibhuto apariyādinna-citto n'eva pāṇaṁ hanti.|| ||

Na adinnaṁ ādiyati.|| ||

Na paradāraṁ gacchati.|| ||

Na mūsā bhaṇati.|| ||

Param pi tathattāya samādapeti.|| ||

Yaṁ sa hoti dīgha-rattaṁ hitāya sukhāyāti?|| ||

'Evaṁ bhante.'|| ||

■

10. Kaṁ kiṁ maññatha Bhaddiya?|| ||

Adoso purisassa ajjhattaṁ uppajjamāno uppajjati hitāya vā ahitāya vāti?|| ||

'Hitāya bhante.'|| ||

Aduṭṭho panāyaṁ Bhaddiya, purisa-puggalo dosena anAbhibhuto apariyādinna-citto n'eva pāṇaṁ hanti.|| ||

Na adinnaṁ ādiyati.|| ||

Na paradāraṁ gacchati.|| ||

Na mūsā bhaṇati.|| ||

Param pi tathattāya samādapeti.|| ||

Yaṁ sa hoti dīgha-rattaṁ hitāya sukhāyāti?|| ||

'Evaṁ bhante.'|| ||

■

11. Kaṁ kiṁ maññatha Bhaddiya?|| ||

Amoho purisassa ajjhattaṁ uppajjamāno uppajjati hitāya vā ahitāya vāti?|| ||

'Hitāya bhante.'|| ||

Amūḷho panāyaṁ Bhaddiya, purisa-puggalo mohena anAbhibhuto apariyādinna-citto n'eva pāṇaṁ hanti.|| ||

Na adinnaṁ ādiyati.|| ||

Na paradāraṁ gacchati.|| ||

Na mūsā bhaṇati.|| ||

Param pi tathattāya samādapeti.|| ||

Yaṁ sa hoti dīgha-rattaṁ hitāya sukhāyāti?|| ||

'Evaṁ bhante.'|| ||

■

12. Kaṁ kiṁ maññatha Bhaddiya?|| ||

Asārambho purisassa ajjhattaṁ uppajjamāno uppajjati hitāya vā ahitāya vati?|| ||

'Hitāya bhante.'|| ||

Asāraddho panāyaṁ Bhaddiya, purisa-puggalo asārambhena ananAbhibhuto apariyādinna-citto n'eva pāṇaṁ hanti.|| ||

Na adinnaṁ ādiyi.|| ||

Na paradāraṁ gacchati.|| ||

Na musā bhaṇati.|| ||

Parampi tathattāya samādapeti.|| ||

Yaṁ sa hoti dīgha-rattaṁ hitāya sukhāya saṁvāttatīti?|| ||

'Evaṁ bhante'|| ||

■

13. Taṁ kiṁ maññatha Bhaddiya?|| ||

Ime dhammā kusalā vā akusalā vāti?|| ||

'Kusalā bhante'|| ||

Sāvajjā vā anavajjā vāti?|| ||

'Anavajjā bhante'.|| ||

Viññūgarakahitā vā viññūppasatthā vāti?|| ||

'ViññappaSatthā bhante'|| ||

[193] Samattā samādinnā hitāya sukhāya saṁvaṭṭanti,||
no vā kathaṁ vā ettha hotī ti?|| ||

'Samattā bhante samādinnā hitāya sukhāya saṁvaṭṭanti.|| ||

Evaṁ no ettha hotī' ti.|| ||

14. Iti kho Bhaddiya, yaṁ taṁ avocumha:|| ||

"Etha tumhe Bhaddiya,||
mā anussavena||
mā paramparāya||
mā itikirāya||
mā piṭakasampadānena||
mā takkahetu||
mā nayahetu||
mā ākāraparivitakkena||
mā diṭṭhi-nijjhāna-k-khantiyā||
mā bhabbarūpatāya||
mā samaṇo no garūti."|| ||

Yadā tumhe Bhaddiya,||
"attanā va jāneyyātha||
ime dhammā anavajjā||
ime dhammā viññūppasatthā||
ime dhammā samattā samādinnā hitāya sukhāya saṁvaṭṭantī ti".|| ||

Atha tumhe Bhaddiya, upasampajja vīhareyyāthāti.|| ||

Iti yaṁ taṁ vuttaṁ idam etaṁ paṭicca vuttaṁ.|| ||

15. Ye kho te Bhaddiya, loke santo sappurisā,||
te sāvakaṁ evaṁ samādapenti:|| ||

Ehi tvaṁ amho purisa,||
lobhaṁ vineyya vineyya viharāhi,||
lobhaṁ vineyya vineyya viharanto||
na lobha-jaṁ kammaṁ karissasi,||
kāyena vācā manasā.|| ||

Dosaṁ vineyya vineyya viharāhi,||
dosaṁ vineyya vineyya viharanto||
na dosa-jaṁ kammaṁ karissasi,||
kāyena vācā manasā.|| ||

Mohaṁ vineyya vineyya viharāhi,||
mohaṁ vineyya vineyya viharanto||
na moha-jaṁ kammaṁ karissasi,||
kāyena vācā manasā.|| ||

Sārambhaṁ vineyya vineyya viharātabhi,||
sāramhaṁ vineyya vineyya viharanto||
na sārambhajaṁ kammaṁ karissasi||
kāyena vācā manasā ti.|| ||

 

§

 

16. Evaṁ vutte bhaddiyo Licchavi Bhagavantaṁ etad avoca:|| ||

Abhikkantaṁ bhante, seyyathā pi bhante,||
nikkujjitaṁ vā ukkujjeyya,||
paṭi-c-channaṁ vā vivareyya,||
mūḷhassa vā Maggaṁ ācikkheyya,||
andha-kāre vā tela-pajjotaṁ dhāreyya cakkhu-manto rūpāni dakkhintīti,||
evam eva bhotā bhante aneka-pariyāyena dhammo pakāsito.|| ||

Es'āhaṁ Bhagavantaṁ Gotamaṁ saraṇaṁ gacchāmi.|| ||

Dhammaṁ ca bhikkhu-saṅgaṁ ca.|| ||

Upāsakaṁ maṁ bhante Bhagavā dhāretu ajja-t-agge pāṇupetaṁ saraṇaṁ gatanti.|| ||

Api nū tāhaṁ Bhaddiya, evaṁ avacaṁ:|| ||

"Ehi me tvaṁ Bhaddiya sāvako hohi ahaṁ Satthā bhavissāmī" ti?|| ||

'No h'etaṁ bhante'.|| ||

Evaṁ vādiṁ kho maṁ Bhaddiya evam akkhāyiṁ eke samaṇa-brāhmaṇā asatā tucchā musā abhutena a-b-bhāvi-k-khanti:|| ||

Māyāvī Samaṇo Gotamo avattanīmāyaṁ jānāti yāya añña-titthiyānaṁ sāvake āvaṭṭetī ti.|| ||

[194] Bhaddikā bhante āvaṭṭanīmāyā.|| ||

Kalyāṇī bhante āvaṭṭanīmāyā.|| ||

Piyā me bhante ñātisā-lohitā imāya āvaṭṭaniyā āvaṭṭeyyuṁ.|| ||

Piyānam pi me assa ñātisā-lohitānaṁ dīgha-rattaṁ hitāya sukhāya.|| ||

Sabbe ce pi bhante khattiyā imāya āvaṭṭaniyā āvaṭṭeyyuṁ,||
sabbesampassa khattiyānaṁ dīgha-rattaṁ hitāya sukhāya.|| ||

Sabbe ce pi bhante brāhmaṇā imāya āvaṭṭeyyuṁ,||
sabbesampassa brāhmaṇānaṁ dīgha-rattaṁ hitāya sukhāya.|| ||

Sabbe ce pi bhante vessā imāya āvaṭṭeyyuṁ,||
sabbesampassa vessānaṁ dīgha-rattaṁ hitāya sukhāya.|| ||

Sabbe ce pi bhante suddā imāya āvaṭṭeyyuṁ,||
sabbesampapassa suddānaṁ dīgha-rattaṁ hitāya sukhāyāti.|| ||

■

Evam etaṁ Bhaddiya,||
evam etaṁ Bhaddiya.|| ||

Sabbe ce pi Bhaddiya, khattiyā āvaṭṭeyyuṁ akusala-dhammappahānāya kusaladhamm'ūpasampadāya,||
sabbesam p'assa khattiyānaṁ dīgha-rattaṁ hitāya sukhāya.|| ||

Sabbe ce pi Bhaddiya brāhmaṇā āvaṭṭeyyuṁ akusala-dhammappahānāya kusaladhamm'ūpasampadāya,||
sabbesampassa brāhmaṇānaṁ dīgha-rattaṁ hitāya sukhāya.|| ||

Sabbe ce pi Bhaddiya vessā āvaṭṭeyyuṁ akusala-dhammappahānāya kusaladhamm'ūpasampadāya,||
sabbesampassa vessānaṁ dīgha-rattaṁ hitāya sukhāya.|| ||

Sabbe ce pi suddā āvaṭṭeyyuṁ akusala-dhammappahānāya kusaladhamm'ūpasampadāya,||
sabbesampassa suddānaṁ dīgha-rattaṁ hitāya sukhāya.|| ||

Sadevako ce pi Bhaddiya loko sa-Mārako sabrahamko, sa-s-samaṇa-brāhmaṇī pajā sadeva-manussā āvaṭṭeyyuṁ akusala-dhammappahānāya kusaladhamm'ūpasampadāya,||
sa-devakassa lokassa sa-Mārakassa sabrahmakassa sa-s-samaṇa-brāhmaṇiyā pajāya sadeva-manussāya dīgha-rattaṁ hitāya sukhāya.|| ||

Ime ce pi Bhaddiya mahā-sālā imāya āvaṭṭaniyā āvaṭṭeyyuṁ akusala-dhammappahānāya kusaladhamm'ūpasampadāya.|| ||

Imesam p'assa mahā-sālānaṁ dīgha-rattaṁ hitāya sukhāya.|| ||

Sace ceteyyuṁ ko pana vādo manussa-bhutassāti.|| ||