Sāḷaha Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[200]

[1][pts] Evaṁ me sutaṁ:|| ||

Ekaṁ samayaṁ Bhagavā Vesāliyaṁ viharati Mahāvane Kūṭāgāra-sālāyaṁ.|| ||

Atha kho sāḷho ca Licchavi Abhayo ca Licchavi yena Bhagavā ten'upasaṅkamiṁsu.|| ||

Upasaṅkamitvā Bhagavantaṁ abhivādetvā eka-m-antaṁ nisīdiṁsu.|| ||

Eka-m-antaṁ nisinno kho Sāḷho Licchavi Bhagavantaṁ etad avoca:|| ||

Santi bhante eke samaṇa-brāhmaṇā dvayena oghassa nittharaṇaṁ paññāpenti sīla-visuddhi-hetu ca tapo-jigucchā-hetu ca.|| ||

Idha bhante Bhagavā kimāhā ti?|| ||

2. Sīla-visuddhiṁ kho ahaṁ Sāḷhā aññataraṁ sāmaññaṅgan ti vadāmi.|| ||

Ye te Sāḷhā samaṇa-brāhmaṇā tapo-jigucchāvādā tapo-jigucchāsārā tapo-jigucchā-allīnā viharanti,||
abhabbā te oghassa nittharaṇāya.|| ||

Ye pi te Sāḷhā samaṇa-brāhmaṇā a-parisuddha-kāya-samā-cārā a-parisuddha-vacī-samā-cārā a-parisuddha-mano-samā-cārā a-parisuddhā-jīvā,||
abhabbā te ñāṇa-dassanāya anuttarāya sambodhāya.|| ||

3. Seyyathā pi Sāḷhā puriso nadiṁ taritukāmo,||
tiṇhaṁ kuṭhāriṁ ādāya vanaṁ paviseyya,|| ||

So tattha passeyya mahatiṁ sāla-laṭṭhiṁ ujuṁ navaṁ akukkuccajātaṁ,||
tam enaṁ mūle chindeyya,||
mūle chetvā agge chindeyya,||
agge chetvā,||
sākhāpalāsaṁ su-visodhitaṁ visodheyya,||
sākhāpalāsaṁ su-visodhitaṁ visodhetvā kuṭhārīhi taccheyya,||
kuṭhārīhi taccheyya,||
kuṭhārīhi tacchetvā,||
vāsīhi taccheyya,||
vāsīhi tacchetvā,||
lekhaniyā likheyya,||
lekhaṇiyā likhitvā,||
pāsāṇaguḷena dhopeyya||
pāsāṇaguḷena dhopetvā,||
nidiṁ patāreyya.|| ||

Taṁ kiṁ maññasi Sāḷhā,||
bhabbo nu kho so puriso nadiṁ taritun ti?|| ||

No bh'etaṁ bhante.|| ||

4. Taṁ kissa hetu?|| ||

Asu hi bhante sāla-laṭṭhi bahiddhā [201] suparikammakatā anto avisuddhā.|| ||

Tass'etaṁ pāṭikaṅkhaṁ:|| ||

Sālalaṭṭhi saṁsidissati,||
puriso anaya-vyasanaṁ āpajjissatī ti.|| ||

Evam eva kho Sāḷhā ye te samaṇa-brāhmaṇā tapo-jigucchāvādā tapo-jigucchāsārā tapo-jigucchā-allīnā viharanti,||
abhabbā te oghassa nittharaṇāya.|| ||

Ye ca kho te Sāḷhā samaṇa-brāhmaṇā na tapo-jigucchāvādā na tapo-jigucchāsārā na tapo-jigucchā-allīnā viharanti,||
bhabbā te oghassa nittharaṇāya.|| ||

Ye pi te Sāḷhā samaṇa-brāhmaṇā parisuddha-kāya-samā-cārā parisuddha-vacī-samā-cārā parisuddha-mano-samā-cārā parisuddhā-jīvā,||
bhabbā te ñāṇa-dassanāya anuttarāya sambodhāya.|| ||

5. Seyyathā pi Sāḷhā puriso nadiṁ taritukāmo,||
tiṇhaṁ kuṭhāriṁ ādāya vanaṁ paviseyya.|| ||

So tattha passeyya mahatiṁ sāla-laṭṭhiṁ ujuṁ navaṁ akukkuccakajātaṁ,||
tam enaṁ mūle chindeyya,||
mūle chetvā,||
agge chindeyya,||
agge chetvā,||
sākhāpalāsāṁ su-visodhitaṁ visodheyya,||
sākhāpalāsaṁ su-visodhitaṁ visodhetvā,||
kuṭhārīhi taccheyya,||
kuṭhārīhi tacchetvā,||
vāsīhi taccheyya,||
vāsīhi tacchetvā nikhādanaṁ ādāya anto su-visodhitaṁ visodheyya,||
anto su-visodhitaṁ visodhetvā,||
lekhaniyā likheyya,||
lekhaniyā likhitvā,||
pāsāṇaguḷena dhopeyya,||
pāsāṇaguḷena dhopetvā,||
nāvaṁ kareyya,||
nāvaṁ karitvā,||
piyārittaṁ bandheyya,||
nāvaṁ katva piyārittaṁ bhandhitvā nadiṁ patāreyya.|| ||

Taṁ kīṁ maññasi sāḷnahā,||
bhabbo nu kho so puriso nadiṁ taritun ti?|| ||

"Evaṁ bhante" ti.|| ||

6. Taṁ kissa hetu?|| ||

Asu hi bhante sāla-laṭṭhi bahiddhā suparikammakatā anto suvisuddhā nāvā katā,||
piyārittaṁ baddhā.|| ||

Tass'etaṁ pāṭikaṅkhaṁ:||
nāvā na saṁsīdissati puriso sotthinā pāraṁ gamissatī ti.|| ||

Evam eva kho Sāḷhā ye te samaṇa-brāhmaṇā na tapo-jigucchāvādā na tapo-jigucchāsārā na tapo-jigucchā-allīnā viharanti,||
bhabbā te oghassa nittharaṇāya.|| ||

Ye pi te Sāḷhā samaṇa-brāhmaṇā [202] parisuddha-kāya-samā-cārā parisuddha-vacī-samā-cārā parisuddha-mano-samā-cārā parisuddhā-jīvā,||
bhabbā te ñāṇa-dassanāya anuttarāya sambodhāya.|| ||

7. Seyyathāpā Sāḷhā yodh'ājīvo bahūnī ce pi kaṇḍacittakāni jānāti,||
atha kho so tīhi ṭhānehi rājā-raho hoti rāja-bhoggo||
rañño aṅgaṇa t'eva saṅkhaṁ gacchati.|| ||

Katamehi tīhi?|| ||

Dūre pātī ca,||
akkhaṇa-vedhī ca,||
mahato ca kāyassa padāletā.|| ||

8. Seyyathā pi Sāḷhā yodh'ājīvo dūre pātī,||
evam eva kho Sāḷhā ariya-sāvako||
sammā-samādhi hoti||
sammā-samādhi Sāḷhā ariya-sāvako||
yaṁ kiñci rūpaṁ atīt-ā-nāgata-pacc'uppannaṁ||
ajjhattaṁ vā||
bahiddhā vā||
oḷārikaṁ vā||
sukhumaṁ vā||
hīnaṁ vā||
paṇitaṁ vā||
yaṁ dūre santike vā||
sabbaṁ rūpaṁ||
n'etaṁ mama||
n'eso'ham asmi,||
na meso attā ti,||
evam etaṁ yathā-bhūtaṁ samma-p-paññāya passati.|| ||

Yā kāci vedanā atīt-ā-nāgata-pacc'uppannaṁ||
ajjhattaṁ vā||
bahiddhā vā||
oḷārikaṁ vā||
sukhumaṁ vā||
hīnaṁ vā||
paṇitaṁ vā||
yaṁ dūre santike vā||
sabbaṁ vedanā||
n'etaṁ mama||
n'eso'ham asmi,||
na meso attā ti,||
evam etaṁ yathā-bhūtaṁ samma-p-paññāya passati.|| ||

Yā kāci saññā atīt-ā-nāgata-pacc'uppannaṁ||
ajjhattaṁ vā||
bahiddhā vā||
oḷārikaṁ vā||
sukhumaṁ vā||
hīnaṁ vā||
paṇitaṁ vā||
yaṁ dūre santike vā||
sabbaṁ saññā||
n'etaṁ mama||
n'eso'ham asmi,||
na meso attā ti,||
evam etaṁ yathā-bhūtaṁ samma-p-paññāya passati.|| ||

Ye keci saṅkhārā atīt-ā-nāgata-pacc'uppannaṁ||
ajjhattaṁ vā||
bahiddhā vā||
oḷārikaṁ vā||
sukhumaṁ vā||
hīnaṁ vā||
paṇitaṁ vā||
yaṁ dūre santike vā||
sabbaṁ saṅkhārā||
n'etaṁ mama||
n'eso'ham asmi,||
na meso attā ti,||
evam etaṁ yathā-bhūtaṁ samma-p-paññāya passati.|| ||

Yaṁ kiñci viññāṇaṁ atīt-ā-nāgata-pacc'uppannaṁ||
ajjhattaṁ vā||
bahiddhā vā||
oḷārikaṁ vā||
sukhumaṁ vā||
hīnaṁ vā||
paṇitaṁ vā||
yaṁ dūre santike vā||
sabbaṁ viññāṇaṁ||
n'etaṁ mama||
n'eso'ham asmi,||
na meso attā ti,||
evam etaṁ yathā-bhūtaṁ samma-p-paññāya passati.|| ||

9. Seyyathā pi Sāḷhā yodh'ājīvo akkhaṇa-vedhī,||
evam eva kho Sāḷhā ariya-sāvako sammā-diṭṭhī hoti.|| ||

Sammā-diṭṭhī Sāḷhā ariya-sāvako|| ||

'Idaṁ dukkhan' ti yathā-bhūtaṁ pajānāti.|| ||

'Ayaṁ dukkha-samudayo' ti yathā-bhūtaṁ pajānāti.|| ||

'Ayaṁ dukkha-nirodho' ti yathā-bhūtaṁ pajānāti.|| ||

'Ayaṁ dukkha-nirodha-gāminī paṭipadā' ti yathā-bhūtaṁ pajānāti.|| ||

10. Seyyathā pi Sāḷhā yodh'ājīvo mahato kāyassa padāletā,||
evam eva kho Sāḷhā ariya-sāvako sammā-vimuttī hoti.|| ||

Sammā-vimuttī Sāḷhā ariyasāmako mahantaṁ avijjā-k-khandhaṁ padāletī ti.|| ||

Aṅguttara Nikāya Catukka Nipāta XX: Mahā Vagga

Sutta 196

Sāḷaha Suttaṁ

Aṅguttara Nikāya
Catukka Nipāta
XX: Mahā Vagga