Paññāvuddhi Suttaṁ and Bahukāra Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] Evaṁ me sutaṁ:|| ||

Ekaṁ samayaṁ Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

Cattāro'me bhikkhave dhammā paññā-vuddhiyā saṁvaṭṭantī.|| ||

Katame cattāro?|| ||

Sappurisa-saṁ-sevo,||
Sad'Dhamma-savaṇaṁ,||
yoniso mana-sikāro,||
Dhammānudhamma-paṭipatti.|| ||

Ime kho bhikkhave cattāro dhammā paññā-vuddhiyā saṁvaṭṭantī ti.

Cattāro'me bhikkhave dhammā manussa-bhutassa bahu-kārā honti.|| ||

Katame cattāro?|| ||

Sappurisa-saṁ-sevo,||
Sad'Dhamma-savaṇaṁ,||
yoniso mana-sikāro,||
Dhammānudhamma-paṭipatti.|| ||

[246] Ime kho bhikkhave cattāro dhammā manussa-bhutassa bahu-kārā hontī ti.|| ||

^[ed1] The BJT Pali has this as two suttas.