Aṅguttara Nikāya
Pañcaka Nipāta
VI: Nīvaraṇa Vagga

Sutta 60

Dutiya Vuḍḍha-Pabba-Jita Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[78]

[1][pts][bodh] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Pañcahi bhikkhave dhammehi samannāgato dullabho vuḍḍha-pabba-jito.|| ||

Katamehi pañcahi?|| ||

Dullabho bhikkhave buḍaṇa-pabba-jito suvaco,||
dullabho [79] suggahītaggāhī,||
dullabho padakkhiṇaggāhī,||
dullabho Dhamma-kathiko,||
dullabho vinaya-dharo.|| ||

Imehi kho bhikkhave pañcahi dhammehi samannāgato dullabho vuḍḍha-pabba-jito" ti.|| ||