Aṇguttara Nikāya
Pañcaka Nipāta
VII: Saññā Vagga

Sutta 70

Āsavakkhaya Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[83]

[1][pts] Evaṃ me sutaṃ:|| ||

Ekaṃ samayaṃ Bhagavā Sāvatthiyaṃ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.|| ||

Bhagavā etad avoca:|| ||

"Pañc'ime bhikkhave dhammā bhāvitā bahulī-katā āsavānaṃ khayāya saṃvaṭṭanti.|| ||

Katame pañca?|| ||

Idha, bhikkhave, bhikkhu asubhānupassī kāye viharati,||
āhāre paṭi-k-kūla-saññī,||
sabba-loke anabhirata-saññī,||
sabba-saṇkhāresu anicc'ānupassī.|| ||

Maraṇa-saññā kho panassa ajjhattaṃ sūpaṭṭhitā hoti.|| ||

Ime kho bhikkhave pañca dhammā bhāvitā bahulī-katā āsavānaṃ khayāya saṃvaṭṭantī' ti.|| ||

Saññā Vagga Dutiya|| ||