Aṅguttara Nikāya
Pañcaka Nipāta
8. Yodhājīva Vagga

Sutta 80

Catuttha Anāgata-Bhaya Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[108]

[1][pts][than] Sāvatthi nidānaṁ|| ||

Pañc'imāni bhikkhave anāgata-bhayāni etarahi asamuppannāni āyatiṁ samuppassajjisanti||
tāni vo paṭibujjhitabbāni||
paṭibujjhitvā ca tesaṁ pahānāya vāyamitabbaṁ.|| ||

Katamāni pañca?|| ||

2. Bhavissanti bhikkhave bhikkhu anāgatam addhānaṁ civare kalyāṇakāmā,||
te cīvare kalyāṇakāmā samānā riñacissanti||
paṁsukulikattaṁ riñacissanti||
arañña-vana-pa-t-thāni pantāni sen'āsanāni||
gāmani-gama-rāja-dhānīsu osaritvā vāsaṁ kappessanti,||
cīvara-hetu ca aneka-vihitaṁ anesanaṁ appatirūpā āpajji-s-santi.|| ||

Idaṁ, bhikkhave, paṭhamaṁ anāgata-bhayaṁ||
etarahi asamuppannaṁ āyatiṁ samuppajjissati.|| ||

Taṁ vo paṭibujjhitabbaṁ||
paṭibujjhitvā ca tassa pahānāya vāyamitabbaṁ.|| ||

■

[109] 3. Puna ca paraṁ bhikkhave bhavissanti bhikkhu anāgatam addhānaṁ piṇḍa-pāte kalyāṇakāmā,||
te piṇḍa-pāte kalyāṇakāmā samānā riñacissanti piṇḍa-pātikattaṁ,||
riñacissanti araññe vana-pa-t-thāni pantāni sen'āsanāni||
gāmani-gamarāja-dhāniṁ osaritvā vāsaṁ kappessanti jivhaggena rasaggāni pariyesamānā,||
piṇḍa-pāta-hetu ca aneka-vihitaṁ anesanaṁ appaṭirūpaṁ āpajji-s-santi.|| ||

Idaṁ, bhikkhave, dutiyaṁ anāgata-bhayaṁ||
etarahi asamuppannaṁ āyatiṁ samuppajjissati.|| ||

Taṁ vo paṭibujjhitabbaṁ||
paṭibujjhitvā ca tassa pahānāya vāyamitabbaṁ.|| ||

■

4. Puna ca paraṁ bhikkhave bhavissanti bhikkhu anāgatam addhānaṁ sen'āsane kalyāṇakāmā,||
te sen'āsane kalyāṇakāmā samānā riñacissanti rukkhamulikattaṁ riñacissanti araññe vana-pa-t-thāni pantāni sen'āsanāni,||
gāmani-gamarāja-dhānisu osaritvā vāsaṁ kappessanti,||
sen'āsana-hetu ca aneka-vihitaṁ anesanaṁ appaṭirūpaṁ āpajji-s-santi.|| ||

Idaṁ, bhikkhave, tatiyaṁ anāgata-bhayaṁ||
etarahi asamuppannaṁ āyatiṁ samuppajjissati.|| ||

Taṁ vo paṭibujjhitabbaṁ||
paṭibujjhitvā ca tassa pahānāya vāyamitabbaṁ.|| ||

■

5. Puna ca paraṁ bhikkhave bhavissanti bhikkhu anāgatam addhānaṁ bhikkhunī-sikkhamānā-samaṇ'uddesehi saṁsaṭṭhā viharissanti,||
bhikkhunī-sikkhamānā-samaṇ'uddesehi saṁsagge kho pana bhikkhave sati etaṁ pāṭikaṅkhaṁ.|| ||

Anabhiratā vā Brahma-cariyaṁ carissanti,||
aññataraṁ vā saṅkiliṭṭhaṁ āpattīṁ āpajji-s-santi,||
sikkhaṁ vā paccakkhāya hīnāyā-vattissanti.|| ||

Idaṁ bhikhave catutthaṁ anāgata-bhayaṁ||
etarahi asamuppannaṁ āyatiṁ samuppajjissati.|| ||

Taṁ vo paṭibujjhitabbaṁ||
paṭibujjhitvā ca tassa pahānāya vāyamitabbaṁ.|| ||

■

6. Puna ca paraṁ bhikkhave bhavissanti bhikkhu anāgatam addhānaṁ ārāmikasamaṇ'uddesehi saṁsaṭṭhā viharissanti,||
ārāmikasamaṇ'uddesehi saṁsagge kho pana bhikkhave sati etaṁ pāṭikaṅkhaṁ:|| ||

Aneka-vihitaṁ sannidhi-kāra- [110] paribhogaṁ anuyuttā viharanti,||
oḷārikam pi nimittaṁ karissanti paṭhaviyā pi haritagge pi.|| ||

Idaṁ bhikhave pañcamaṁ anāgata-bhayaṁ||
etarahi asamuppannaṁ āyatiṁ samuppajjissati.|| ||

Taṁ vo paṭibujjhitabbaṁ||
paṭibujjhitvā ca tassa pahānāya vāyamitabbaṁ.|| ||

Imāni kho bhikkhave pañca anāgata-bhayāni etarahi asamuppannāni āyatiṁ samuppajjissanti,||
tāni vo paṭibujjhitabbāni,||
paṭibujhitvā ca tesaṁ pahānāya vāyamitabbanti.|| ||