Aṅguttara Nikāya
Pañcaka Nipāta
9. Thera Vagga

Sutta 85

Akkhama Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[112]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

Pañcahi bhikkhave dhammehi||
samannāgato thero bhikkhu sabrahma-cārīnaṁ||
appiyo ca hoti||
amanāpo ca||
agaru ca||
abhāvanīyo ca.|| ||

Katamehi pañcahi?|| ||

Akkhamo hoti rūpānaṁ,||
akkhamo saddānaṁ,||
akkhamo gandhānaṁ,||
akkhamo rasānaṁ,||
akkhamo phoṭṭhabbānaṁ.|| ||

[113] Imehi kho bhikkhave pañcahi dhammehi||
samannāgato thero bhikkhu sabrahma-cārinaṁ||
appiyo ca hoti||
amanāpo ca||
agaru ca||
abhāvaniyo cā' ti.|| ||

 

§

 

Pañcahi bhikkhave dhammehi||
samannāgato thero bhikkhu sabrahma-cārinaṁ||
piyo ca hoti||
manāpo ca||
garu ca||
bhāvanīyo ca.|| ||

Katamehi pañcahi?|| ||

Khamo hoti rūpānaṁ,||
khamo sadudānaṁ,||
khamo gandhānaṁ,||
khamo rasānaṁ,||
khamo phoṭṭhabbānaṁ.|| ||

Imehi kho bhikkhave pañcahi dhammehi||
samannāgato thero bhikkhu sabrahma-cārīnaṁ||
piyo ca hoti||
manāpo ca||
garu ca||
bhāvaniyo cā' ti.|| ||