Dutiya Sampadā Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Pañc'imā bhikkhave sampadā.|| ||

Katamā pañca?|| ||

Sīla-sampadā,||
samādhi-sampadā,||
paññā-sampadā,||
vimutti-sampadā,||
vimutti-ñāṇa-dassana-sampadā.||

Imā kho bhikkhave pañca sampadā" ti.