Aṅguttara Nikāya
Pañcaka Nipāta
11. Phāsu-Vihāra Vagga

Sutta 105

Phāsu-Vihāra Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[132]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Pañc'ime bhikkhave, phāsu-vihārā.|| ||

Katame pañca?|| ||

Idha, bhikkhave, bhikkhuno||
mettaṁ kāya-kammaṁ pacc'upatthikaṁ hoti sabrahma-cārisu||
āvi c'eva raho ca.|| ||

■

Mettaṁ vacī-kammaṁ pacc'upatthikaṁ hoti sabrahma-cārisu||
āvi c'eva raho ca.|| ||

■

Mettaṁ mano-kammaṁ pacc'upatthikaṁ hoti sabrahma-cārisu||
āci c'eva raho ca.|| ||

■

Yāni tāni sīlāni akhaṇḍāni acchiddāni asa-balāni akammā-sāni bhujissāni viññuppa-satthāni aparām-aṭṭhāni samādhi-saṁvaṭṭanikāni,||
tathā-rūpehi sīlehi sīla-sāmañña-gato viharati sabrahma-cārihi||
āvi c'eva raho ca.|| ||

■

Yāyaṁ diṭṭhi ariyā niyyānikā niyyāti takkarassa sammā dukkha-k-khayāya,||
tathā-rūpāya diṭṭhiyā diṭṭhi-sāmañña-gato viharati sabrahma-cārihi||
āvi c'eva raho ca.|| ||

Ime kho bhikkhave pañca phāsu-vihārāti.|| ||