Aṅguttara Nikāya
Pañcaka Nipāta
11. Phāsu-Vihāra Vagga

Sutta 106

Ānanda Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[132]

[1][pts][than] Evaṁ me sutaṁ:|| ||

Ekaṁ samayaṁ Bhagavā Kosambīyaṁ viharati Ghositārāme.|| ||

Atha kho āyasmā Ānando yena Bhagavā ten'upasaṅkami.|| ||

Upasaṅkamitvā Bhagavannaṁ abhivādetvā eka-m-antaṁ nisidi.|| ||

Eka-m-antaṁ nisinno kho āyasmā Ānando Bhagavantaṁ etad avoca:|| ||

"Kittāvatā nu kho bhante,||
bhikkhu-saṅghe viharanto phāsuṁ vihareyyā" ti?|| ||

"Yato kho Ānanda [133] bhikkhu attanā sīla-sampanno hoti||
no ca paraṁ adhisīle sampavattā hoti.|| ||

Ettāvatā pi kho Ānanda bhikkhu-saṅghe viharanto phāsuṁ vihareyyā" ti.|| ||

■

"Siyā pana bhante,||
añño pi pariyāyo,||
yathā bhikkhu-saṅghe viharanto phāsu vihareyyā" ti?|| ||

"Siyā Ānanda.|| ||

Yato kho Ānanda bhikkhu attanā sila-sampanno hoti||
no ca paraṁ adhisīle sampavattā hoti,||
attānupekkhi ca hoti,||
no parānupekkhi.|| ||

Ettāvatā pi kho Ānanda bhikkhu-saṅghe viharanto phāsuṁ vihareyyā" ti.|| ||

■

"Siyā pana bhante,||
añño pi pariyāyo,||
yathā bhikkhu-saṅghe viharanto phāsu vihareyyā" ti?|| ||

"Siyā Ānanda.|| ||

Yato kho Ānanda bhikkhu attanā sila-sampanno hoti,||
no ca paraṁ adhisile sampavattā hoti,||
attānupekkhi ca hoti,||
no parānupekkhi,||
appaññāto ca hoti,||
tena ca appaññāta-kena,||
no paritassati.|| ||

Ettavatā pi kho Ānanda bhikkhu-saṅghe viharanto phāsuṁ vihareyayyā" ti.|| ||

■

"Siyā pana bhante,||
añño pi pariyāyo,||
yathā bhikkhu-saṅghe viharanto phāsu vihareyyā" ti?|| ||

"Siyā Ānanda.|| ||

Yato kho Ānanda bhikkhu attanā sīla-sampanno hoti,||
no paraṁ adhisīle sampavattā hoti,||
atatānupekkhi ca hoti,||
no parānupekkhi,||
appaññāto ca hoti,||
tena ca appaññāta-kena||
no paritassati,||
catunnañ ca jhānānaṁ abhiceta-sikānaṁ diṭṭha-dhamma-sukha-vihārānaṁ||
nikāma-lābhī hoti akiccha-lābhī akasira-lābhi.|| ||

Ettāvatā pi kho Ānanda saṅghe viharanto phāsuṁ vihareyya" ti.|| ||

■

"Siyā pana bhante,||
añño pi pariyāyo,||
yathā bhikkhu-saṅghe viharanto phāsu vihareyyā" ti?|| ||

"Siyā Ānanda.|| ||

Yato kho Ānanda bhikkhu attanā sīla-sampanno hoti,||
no ca paraṁ adhisīle sampavattā hoti,||
attānupekkhi ca hoti,||
no parānupekkhi,||
[134] appaññāto ca hoti||
tena ca appaññāta-kena,||
no paritassati,||
catunnaṁ jhānānaṁ ābhiceta-sikānaṁ diṭṭha-dhamma-sukha-vihārānaṁ||
nikāma-lābhi hoti akiccha-lābhi akasira-lābhi,||
āsavānaṁ khayā||
anāsavaṁ ceto-vimuttiṁ||
paññā-vimuttiṁ||
diṭṭhe'va dhamme sayaṁ abhiññā||
sacchi-katvā upasampajja viharati.|| ||

Ettāvatā kho Ānanda bhikkhu-saṅghe viharanto phāsuṁ vihareyya.|| ||

Imamhā c'āhaṁ Ānanda phāsu-vihārā||
añño phāsu-vihāro uttaritaro vā paṇitataro vā||
n'atthi ti vadāmi" ti.|| ||