Aṅguttara Nikāya
Pañcaka-Nipāta
12. Andhakavinda Vagga

Sutta 118

Micchā-Diṭṭhika Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

 

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

2. "Pañcahi bhikkhave, dhammehi samannāgatā bhikkhunī yath'ābhataṁ nikkhittā evaṁ Niraye.|| ||

Katamehi pañcahi?|| ||

Ananuvicca apariyogāhetvā avaṇṇārahassa vaṇṇaṁ bhāsati;||
ananuvicca apariyogāhetvā vaṇṇārahassa avaṇṇaṁ bhāsati;||
micchā-diṭṭhikā ca hoti;||
micchā-saṅkappā ca;||
saddhādeyyaṁ vinipāteti.|| ||

Imehi kho bhikkhave, pañcahi dhammehi samannāgatā bhikkhunī yath'ābhataṁ nikkhittā evaṁ Niraye.|| ||

 

§

 

[141] Pañcahi bhikkhave dhammehi samannāgatā bhikkhuni yath'ābhataṁ nikkhittā evaṁ sagge.|| ||

Katamehi pañcahi?|| ||

Anuvicca pariyogāhetvā avaṇaṇārabhassa avaṇaṇaṁ bhāsati;||
anuvicca pariyogāhetvā vaṇaṇārabhassa vaṇaṇaṁ bhāsati;||
sammā-diṭṭhikā ca hoti;||
sammā-saṅkappā ca;||
saddhādeyyaṁ na vinipāteni.|| ||

Imehi kho bhikkhave pañcahi dhammehi samannāgatā bhikkhuni yath'ābhataṁ nikkhittā evaṁ saggeti.|| ||