Dhamma-Rāja Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[149]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

2. "Yo pi kho bhikkhave rājā cakka-vatti Dhammiko Dhamma-rājā,||
so pi na arājakaṁ cakkaṁ pavattetī ti.|| ||

Evaṁ vutte aññataro bhikkhu Bhagavantaṁ etad avoca:|| ||

"Ko pana bhante rañño cakka-vattissa Dhammikassa Dhamma-rañño rājā" ti?|| ||

■

"Dhammo bhikkhū" ti Bhagavā avoca.|| ||

"Idha bhikkhu rājā cakka-vatti Dhammiko Dhamma-rājā||
Dhammaṁ yeva nissāya||
Dhammaṁ sak'karonto||
Dhammaṁ garu-karonto||
Dhammaṁ apacāya-māno||
Dhammaddhajo||
Dhamma-ketu||
Dhammādhipateyyo||
Dhamimikaṁ rakkhāvaraṇa-guttiṁ saṁvidahati antojanasmiṁ.|| ||

■

Puna ca paraṁ bhikkhu rājā cakka-vatti Dhammiko Dhamma-rājā||
Dhammaṁ yeva nissāya||
Dhammaṁ sakkaronto||
Dhammaṁ garukaronato||
Dhammaṁ apacāya-māno||
Dhammadadhajo||
Dhamma-ketu||
Dhammādhipateyyo||
Dhammikaṁ rakkhāvaraṇa-guttiṁ saṁvidahati khattiyesu anuyuttesu,||
balakāyasmiṁ,||
brāhmaṇa-gahapatikesu,||
nega-majāna-padesu,||
samaṇa-brāhmaṇesu,||
miga-pakkhisu.|| ||

■

[150] Sa kho so bhikkhu rājā cakka-vatti Dhammiko Dhamma-rājā||
Dhammaṁ yeva nissāya||
Dhammaṁ sakkarontā||
Dhammaṁ garu-karonto||
Dhammaṁ apacāya-māno||
Dhammaddhajo||
Dhamma-ketu||
Dhammādhipateyyo||
Dhammikaṁ||
rakkhāvaraṇa-guttiṁ||
saṁvida-hitvā||
antojanasmiṁ,||
Dhammikaṁ rakkhācaraṇa-guttiṁ saṁvida-hitvā khattiyesu anuyuttesu,||
balakāyasmiṁ,||
brahmaṇa-gahapatikesu nega-majāna-padesu,||
samaṇa-brāhmaṇesu,||
miga-pakkisu,||
Dhammen'eva cakkaṁ pavatteti,||
taṁ hoti cakkaṁ appati-vattiyaṁ kenaci manussa-bhutena pacc'atthi-kena pāṇinā.|| ||

Evam eva kho bhikkhu Tathāgato arahaṁ Sammā Sambuddho Dhammiko Dhamma-rājā||
Dhammaṁ yeva nissāya||
Dhammaṁ sakkaronto||
Dhammaṁ garu-karonto||
Dhammaṁ apacāya-māno||
Dhammaddhajo||
Dhamma-ketu||
Dhammādhipateyyo||
Dhammikaṁ rakkhāvaraṇa-guttiṁ saṁvidahati bhikkhusu.|| ||

Eva-rūpaṁ kāya-kammaṁ sevitabbaṁ,||
eva-rūpaṁ kāya-kammaṁ na sevitabbaṁ,||
eva-rūpaṁ vacī-kammaṁ sevitabbaṁ,||
eva-rūpaṁ vacī-kammaṁ na sevitabbaṁ,||
eva-rūpaṁ mano-kammaṁ sevitabbaṁ,||
eva-rūpaṁ mano-kammaṁ na sevitabbaṁ,||
eva-rūpo ājīvo sevitabbo,||
eva-rūpo ājivo na sevitabbo,||
eva-rūpo gāmani-gamo sevitabbo,||
eva-rūpo gāmani-gamo na sevitabbo" ti.|| ||

■

Puna ca paraṁ bhikkhu Tathāgato arahaṁ Sammā Sambuddho dhamimiko Dhamma-rājā||
Dhammaṁ yeva nissāya||
Dhammaṁ sakkaronto||
Dhammaṁ garu-karonto||
Dhammaṁ apacāya-māno||
Dhammaddhajo||
Dhamma-ketu||
Dhammādhipateyyo||
Dhammikaṁ rakkhāvaraṇa-guttiṁ saṁvidahati bhikkhunīsu.|| ||

Eva-rūpaṁ kāya-kammaṁ sevitabbaṁ,||
eva-rūpaṁ kāya-kammaṁ na sevitabbaṁ||
eva-rūpaṁ vacikammaṁ sevitabbaṁ||
eva-rūpaṁ vacikammaṁ na sevibbaṁ||
eva-rūpaṁ mano-kammaṁ sevitabbaṁ,||
eva-rūpaṁ mano-kammaṁ na sevitabbaṁ,||
eva-rūpo ājīvo sevitabbo,||
eva-rūpo ājivo na sevitabbo,||
eva-rūpo gāmani-gamo sevitabbo,||
eva-rūpo gāmani-gamo na sevitabboti.|| ||

■

Eva-rūpaṁ kāya-kammaṁ sevitabbaṁ,||
eva-rūpaṁ kāya-kammaṁ na sevitabbaṁ||
eva-rūpaṁ vacikammaṁ sevitabbaṁ||
eva-rūpaṁ vacī-kammaṁ na sevitabbaṁ,||
eva-rūpaṁ mano-kammaṁ sevitabbaṁ,||
eva-rūpaṁ mano-kammaṁ na sevitabbaṁ,||
eva-rūpo ājivo sevitabbo,||
eva-rūpo ājivo na sevitabbo,||
eva-rūpo gāmani-gamo sevitabbo,||
eva-rūpo gāmani-gamo na sevitabbo ti.|| ||

■

Eva-rūpaṁ kāya-kammaṁ sevitabbaṁ||
eva-rūpaṁ kāya-kammaṁ na sevitatabbaṁ,||
eva-rūpaṁ vacī-kammaṁ sevitabbaṁ,||
eva-rūpaṁ vacī-kammaṁ na sevitabbaṁ,||
eva-rūpaṁ mano-kammaṁ sevitabbaṁ,||
eva-rūpaṁ mano-kammaṁ na sevitabbaṁ,||
eva-rūpo ājivo sevitabbo,||
eva-rūpo ājivo na sevitabbo,||
eva-rūpo gāmani-gamo sevitabbo,||
eva-rūpo gāmani-gamo na sevitabbo" ti.|| ||

■

Sa kho so bhikkhu Tathāgato arahaṁ Sammā Sambuddho [151] Dhammiko Dhamma-rājā||
Dhammaṁ yeva nissāya||
Dhammaṁ sakkaronto||
Dhammaṁ garu-karonto||
Dhammaṁ apacāya-māno||
Dhammaddhajo||
Dhamma-ketu||
Dhammādhipateyyo||
Dhammikaṁ rakkhāvaraṇa-guttiṁ saṁvida-hitvā bhikkhusu,||
Dhammikaṁ rakkhāvaraṇa-guttiṁ saṁvida-hitvā bhikkhunīsu,||
Dhammikaṁ rakkhāvaraṇa-guttiṁ saṁvida-hitvā upāsakesu,||
Dhammikaṁ rakkhāvaraṇa-guttiṁ saṁvida-hitvā upāsikāsu,||
Dhammen'eva anuttaraṁ Dhammcakkaṁ pacatteti,||
taṁ hoti cakkaṁ appati-vattiyaṁ samaṇena vā brāhmaṇena vā devena vā mārena vā brahmunā vā kenaci vā lokasmin ti.|| ||

Aṅguttara Nikāya Pañcaka Nipāta 14. Rāja Vaggo

Sutta 133

Dhamma-Rāja Suttaṁ

Aṅguttara Nikāya
Pañcaka Nipāta
14. Rāja Vaggo