Aṅguttara Nikāya
Pañcaka Nipāta
14. Rāja Vaggo

Sutta 139

Akkhama Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][than] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

2. Pañcahi bhikkhave aṅgehi samannāgato rañño nāgo na rājā-raho hoti na rāja-bhoggo.|| ||

Na rañño aṅgantv'eva saṅkhaṁ gacchati.|| ||

Katamehi pañcahi?|| ||

Idha, bhikkhave, rañño nāgo||
akkhamo hoti rūpānaṁ,||
akkhamo saddanaṁ,||
akkhamo gandhānaṁ,||
akkhamo rasānaṁ,||
akkhamo phoṭṭhabbānaṁ.|| ||

■

Kathañ ca bhikkhave rañño nāgo akkhamo hoti rūpānaṁ?|| ||

Idha, bhikkhave, rañño nāgo saṅgāma-gato hatthikāyaṁ vā disvā assakāyaṁ vā disvā rathakāyaṁ vā disvā pattikāyaṁ vā disvā saṁsīdati visīdati na santhamhati na Sakkoti saṅgāmaṁ otarituṁ evaṁ kho bhikkhave rañño nāgo akkhamo hoti rūpānaṁ.|| ||

-◦-

Kathañ ca bhikkave rañño nāgo akkhamo hoti saddānaṁ?|| ||

Idha, bhikkhave, rañño nāgo saṅgāma-gato hatthisaddaṁ vā sutvā,||
assasaddaṁ vā sutvā rathasaddaṁ vā sutvā pattisaddaṁ vā sutvā bheripaṇava saṅkhatiṇavaninnādasaddaṁ vā sutvā saṁsīdati visīdati na santhamhati na Sakkoti saṅgāmaṁ otarituṁ.|| ||

Evaṁ kho bhikkhave rañño nāgo akkhamo hoti saddānaṁ.|| ||

-◦-

Kathañ ca bhikkhave rañño nāgo akkhamo hoti gandhānaṁ?|| ||

[158] idha bhikkhave rañño nāgo saṅgāma-gato ye te rañño nāgā abhijātā saṅgāmāvacarā,||
tesaṁ muttakarisassa gandhaṁ ghāyitvā saṁsīdati visīdati,||
na santhamhati na Sakkoti saṅgāmaṁ otarituṁ.|| ||

Evaṁ kho bhikkhave rañño nāgo akkhamo hoti gandhānaṁ.|| ||

-◦-

Kathañ ca bhikkhave rañño nāgo akkhamo hoti rasānaṁ?|| ||

Idha, bhikkhave, rañño nāgo saṅgāma-gato ekissā vā tiṇodakadattiyā vimānito,||
dvihi vā tihi vā catugi vā pañcahi vā tiṇodakadattī hi vimānito||
saṁsīdati,||
visīdati,||
na santhamhati,||
na Sakkoti saṅgāmaṁ otarituṁ.|| ||

Evaṁ kho bhikkhave rañño nāgo akkhamo hoti rasānaṁ.|| ||

-◦-

Kathañ ca bhikkhave rañño nāgo akkhamo hoti phoṭṭhabbānaṁ?|| ||

Idha, bhikkhave, rañño nāgo saṅgāma-gato ekena vā saravedhena- viddho,||
dvihi vā tihi vā catūhi vā pañca hi vā saravedhehi - viddho saṁsīdati,||
visīdati,||
na santhamhati,||
na Sakkoti saṅgāmaṁ otarituṁ.|| ||

Evaṁ kho bhikkhave rañño nāgo akkhamo hoti phoṭṭhabbānaṁ.|| ||

Imehi kho bhikkhave pañcahi aṅgehi samannāgato rañño nāgo na rājā-raho hoti na rāja-bhoggo.|| ||

Na rañño aṅganetvava saṅkhaṁ gacchati.|| ||

Evam eva kho bhikkhave pañcahi aṅgehi samannāgato bhikkhu na āhuneyyo hoti,||
na pāhuneyyo,||
na dakkhiṇeyyo,||
na añjali-karaṇiyo,||
na anuttaraṁ puñña-k-khettaṁ lokassa.|| ||

Katamehi pañcahi?|| ||

Idha, bhikkhave, bhikkhu akkhamo hoti rūpānaṁ,||
akkhamo saddānaṁ,||
akkhamo gandhānaṁ,||
akkhamo rasānaṁ,||
akkhamo phoṭṭhabbānaṁ.|| ||

■

Kathañ ca bhikkhave bhikkhu akkhamo hoti rūpānaṁ?|| ||

Idha, bhikkhave, bhikkhu cakkhunā rūpaṁ disvā rajanīye rūpe sāra-j-jati.|| ||

Na Sakkoti cittaṁ samādahituṁ evaṁ kho bhikkhave bhikkhu akkhamo hoti rūpānaṁ.|| ||

-◦-

Kathañ ca bhikkhave bhikkhu akkhamo hoti saddānaṁ?|| ||

Idha, bhikkhave, bhikkhu sotena saddaṁ sutvā rājaniye sadde na sāra-j-jati.|| ||

Na Sakkoti cittaṁ samādahituṁ evaṁ kho bhikkhav.|| ||

Bhikkhu akkhamo hoti saddānaṁ.|| ||

-◦-

[159] Kathañ ca bhikkhave bhikkhu akkhamo hoti gandhānaṁ?|| ||

Idha, bhikkhave, bhikkhu ghānena gandhaṁ ghāyitvā rājaniye gandhe sāra-j-jati.|| ||

Na Sakkoti cittaṁ samādahituṁ evaṁ kho bhikkhav.|| ||

Bhikkhu akkhamo hoti gandhānaṁ.|| ||

-◦-

Kathañ ca bhikkhave bhikkhu akkhamo hoti rasānaṁ?|| ||

Idha, bhikkhave, bhikkhu jivhāya rasaṁ sāyitvā rajaniye rase sāra-j-jati.|| ||

Na Sakkoti cittaṁ samādahituṁ evaṁ kho bhikkhav.|| ||

Bhikkhu akkhamo hoti rasānaṁ.|| ||

■

Kathañ ca bhikkhave bhikkhu akkhamo hoti phoṭṭhabbānaṁ?|| ||

Idha, bhikkhave, bhikkhu kāyena phoṭṭhabbaṁ phusitvā rajaniye phoṭṭhabbe sāra-j-jati.|| ||

Na Sakkoti cittaṁ samādahituṁ evaṁ kho bhikkhave bhikkhu akkhamo hoti phoṭṭhabbānaṁ.|| ||

Imehi kho bhikkhave pañcahi dhammehi samannāgato bhikkhu na āhuneyyo hoti,||
na pāhuneyyo,||
na dakkhiṇeyyo,||
na añjali-karaṇiyo,||
na anuttaraṁ puñña-k-khettaṁ lokassa.|| ||

Pañc'ahi bhikkhave aṅgehi samannāgato rañño nāgo rājaraho hoti rāja-bhoggo.|| ||

Rañño aṅgantv'eva va saṅkhaṁ gacchati.|| ||

Katamehi pañcahi?|| ||

Idha, bhikkhave, rañño nāgo,||
khamo hoti rūpānaṁ,||
khamo hoti saddānaṁ,||
khamo hoti gandhānaṁ,||
khamo hoti rasānaṁ,||
khamo hoti phoṭṭhabbānaṁ.|| ||

■

Kathañ ca bhikkhave rañño nāgo khamo hoti rūpānaṁ?|| ||

Idha, bhikkhave, rañño nāgo saṅgāma-gato hatthikāyaṁ vā disvā assakāyaṁ vā disvā rathakāyaṁ vā disvā pattikāyaṁ vā disvā||
na saṁsīdati,||
na visīdati,||
santhamhti,||
Sakkoti saṅgāmaṁ otarituṁ.|| ||

Evaṁ kho bhikkhave rañño nāgo khamo hoti rūpānaṁ.|| ||

-◦-

Kathañ ca bhikkhave rañño nāgo khamo hoti saddānaṁ?|| ||

[160] Idha, bhikkhave, rañño nāgo saṅgāma-gato hatthisaddaṁ vā sutvā assasaddaṁ vā sutvā rathasaddaṁ vā sutvā pattisaddaṁ vā sutvā bheripaṇavasaṅkhatiṇavaninnādasaddaṁ vā sutvā||
na saṁsīdati,||
na visīdati,||
santhamhti,||
Sakkoti saṅgāmaṁ otarituṁ.|| ||

Evaṁ kho bhikkhave rañño nāgo khamo hoti saddānaṁ.|| ||

-◦-

Kathañ ca bhikkhave rañño nāgo khamo hoti gandhānaṁ?|| ||

Idha, bhikkhave, rañño nāgo saṅgāma-gato ye te rañño nāgā abhijātā saṅgāmāvacarā,||
tesaṁ muttakarisassa gandhaṁ ghāyitvā||
na saṁsīdati,||
na visīdati,||
santhamhati,||
Sakkoti saṅgāmaṁ otarituṁ.|| ||

Evaṁ kho bhikkhave rañño nāgo khamo hoti gandhānaṁ.|| ||

-◦-

Kathañ ca bhikkhave rañño nāgo khamo hoti rasānaṁ?|| ||

Idha, bhikkhave, rañño nāgo saṅgāma-gato ekissā vā tiṇodakadattiyā vimānito,||
dvihi vā tihi vā catūhi vā pañcahi vā tiṇodakadattihi vimānito||
na saṁsīdati,||
na visīdati,||
satthamhati,||
Sakkoti saṅgāmaṁ otarituṁ.|| ||

Evaṁ kho bhikkhave rañño nāgo khamo hoti rasānaṁ.|| ||

-◦-

Kathañ ca bhikkhave rañño nāgo khamo hoti phoṭṭhabbānaṁ?|| ||

Idha, bhikkhave, rañño rañño nāgo saṅgāma-gato ekena vā saravedhena viddho,||
dvihi vā tihi vā catūhi vā pañcahi vā saravedhehi viddho||
na saṁsīdati,||
na visīdati,||
santhamhati,||
Sakkoti saṅgāmaṁ otarituṁ.|| ||

Evaṁ kho bhikkhave rañño nāgo khamo hoti phoṭṭhabbānaṁ.|| ||

Imehi kho bhikkhave pañc'ahi aṅgehi samannāgato rañño nāgo rājā-raho hoti rāja-bhoggo rañño aṅgantevava saṅkhaṁ gacchati.|| ||

Evame kho bhikkhave pañcahi dhammehi samannāgato bhikkhu āhuneyyo hoti pāhuneyyo dakkhiṇeyyo añjali-karaṇiyo anuttaraṁ puñña-k-khettaṁ lokassa.|| ||

Katamehi pañcahi?|| ||

Idha, bhikkhave, bhikkhu khamo hoti rūpānaṁ.|| ||

Khamo saddānaṁ,||
khamo gandhānaṁ,||
khamo rasānaṁ,||
khamo [161] phoṭṭhabbānaṁ.|| ||

■

Kathañ ca bhikkhave bhikkhu khamo hoti rūpānaṁ?|| ||

Idha, bhikkhave, bhikkhu cakkhunā rūpaṁ disvā rajanīye rūpe na sāra-j-jati.|| ||