Aṅguttara Nikāya
Pañcaka Nipāta
15. Tikaṇḍaki Vaggo

Sutta 142

Ārabhati Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[165]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

2. Pañc'ime bhikkhave puggalā santo saṁvijj'amānā lokasmiṁ.|| ||

Katame pañca?|| ||

3. Idha, bhikkhave, ekacco puggalo ārabhati ca vippaṭisāri ca hoti,||
taṁ ca ceto-vimuttiṁ paññā-vimuttiṁ yathā-bhūtaṁ na-p-pajānāti,||
yatth'assa te uppannā pāpakā akusalā dhammā aparisesā nirujjhanti.|| ||

■

4. Idha pana bhikkhave ekacco puggalo ārabhati,||
na vippaṭisāri hoti,||
taṁ ca ceto-vimuttiṁ paññā-vimuttiṁ yathā-bhūtaṁ na-p-pajānāti,||
yatth'assa te uppannā pāpakā akusalā dhammā aparisso nirujjhanti.|| ||

■

5. Idha pana bhikkhave ekacco puggalo nārabhati,||
[166] vippaṭisāri hoti,||
taṁ ca ceto-vimuttiṁ paññā-vimuttiṁ yathā-bhūtaṁ na-p-pajānāti,||
yatth'assa te uppannā pāpakā akusalā dhammā aparisso nirujjhanti.|| ||

■

6. Idha pana bhikkhaveva ekacco puggalo nārabhati,||
vippaṭisāri hoti,||
taṁ ca ceto-vimuttiṁ paññā-vimuttiṁ yathā-bhūtaṁ na-p-pajānāti,||
yatth'assa to uppannā pāpakā akusalā dhammā aparisso nirujajhanti.|| ||

■

7. Idha pana bhikkhave ekacco puggalo nārabhati,||
vippaṭisāri hoti,||
taṁ ca ceto-vimuttiṁ paññā-vimuttiṁ yathā-bhūtaṁ na-p-pajānāti,||
yatth'assa te uppannā pāpakā akusalā dhammā aparisso nirujjhanti.|| ||

 

§

 

Tatra, bhikkhave, yvāyaṁ puggalo ārabhati ca,||
vippaṭisāri ca hoti,||
taṁ ca ceto-vimuttiṁ paññā-vimuttiṁ yathā-bhūtaṁ na-p-pajānāti,||
yatth'assa te uppannā pāpakā akusalā dhammā aparisesā nirujjhanti,||
so evam assa vacaniyo:|| ||

'Āyasmato kho ārambhajā āsavā saṁvijjanti;||
vippaṭi-sārajā āsavā pavaḍḍhanti;||
sādhu vatāyasmā ārambhajā āsave pahāya vippaṭisāraje āsave paṭivinodetvā cittaṁ paññaṁ ca bhāvetu;||
evam āyasmā amunā pañcamena puggalena samasamo bhavissatī' ti.|| ||

■

Tatra, bhikkhave, yvāyaṁ puggalo ārabhati,||
na vippaṭisāri hoti,||
taṁ ca ceto-vimuttiṁ paññā-vimuttiṁ yathā-bhūtaṁ na-p-pajānāti,||
yatth'assa te uppannā pāpakā akusalā dhammā aparisesā nirujjhanti,||
so evam assa vacaniyo:|| ||

'Āyasmato kho ārambhajā āsavā saṁvijjanti;||
vippaṭi-sārajā āsavā nappavaḍḍhanti;||
sādhu vatāyasmā ārambhajā āsave pahāya cittaṁ ca bhāvetu;||
evam āyasmā amunā pañcamena puggalena samasamo bhavissatī' ti.|| ||

■

Tatra, bhikkhave, yvāyaṁ puggalo nārabhati,||
na vippaṭisāri hoti,||
taṁ ca ceto-vimuttiṁ paññā-vimuttiṁ yathā-bhūtaṁ na-p-pajānāti,||
yatth'assa te uppannā pāpakā akusalā dhammā aparisesā nirujjhanti, so evam assa vacaniyo:|| ||

[167] 'Āyasmato kho ārambhajā āsavā na saṁvijjanti.|| ||

Vippaṭisārajā āsavā pavaḍḍhanti.|| ||

Sādhu vatāyasmā vippaṭisāraje āsave paṭivinodetvā cittaṁ paññaṁ ca bhāvetu;||
evam āyasmā amunā pañcamena puggalena samasamo bhavissatī' ti.|| ||

■

Tatra, bhikkhave, yvāyaṁ puggalo nārabhati,||
na vipipaṭisāri hoti,||
taṁ ca ceto-vimuttiṁ paññā-vimuttiṁ yathā-bhūtaṁ na-p-pajānāti,||
yatth'assa te uppannā pāpakā akusalā dhammā aparisesā nirujjhanti, so evam assa vacaniyo:|| ||

'Āyasmato kho ārambhajā āsavā na saṁvijjanti.|| ||

Vippaṭisārajā āsavā nappaḍḍhanti.|| ||

Sādhu vatāyasmā cittaṁ paññaṁ ca bhāvetu;||
evam āyasmā amunā pañcamena puggalena samasamo bhavissatī' ti.|| ||

Iti kho bhikkhave ime cattāro puggalā amunā pañcamena puggalena evaṁ ovadiyamānā||
evaṁ anusāsiyamānā anupubbena āsavānaṁ khayaṁ pāpuṇantī" ti.|| ||