Aṅguttara Nikāya
Pañcaka Nipāta
15. Tikaṇḍaki Vaggo

Sutta 146

Bhikkhu Mitta Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[171]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

2. "Pañcahi bhikkhave dhmamehi samannāgato bhikkhu mitto na sevitabbo.|| ||

Katamehi pañcahi?|| ||

3. Kammantaṁ kāreti,||
adhikaraṇaṁ ādiyati,||
pāmokkhesu bhikkhusu paṭiviruddho hoti,||
dīgha-cārikaṁ anavattha-cārikaṁ anuyutto viharati,||
na paṭibalo hoti kālena kālaṁ dhammiyā kathāya sanda-s-setuṁ sam-ā-dapetuṁ samuttejetuṁ sampahaṁsetuṁ.|| ||

Imehi kho bhikkhave pañcahi dhammehi samannāgato bhikkhu mitto na sevitabbo.|| ||

 

§

 

4. Pañcahi bhikkhave dhammehi samannāgato bhikkhu mitto, sevitabbo.|| ||

Katamehi pañcahi?|| ||

5. Na kammantaṁ kāreti,||
na adhikaraṇaṁ ādiyati,||
na pāmokkhesu bhikkhusu paṭiviruddho hoti,||
na dīgha-cārikaṁ anacatthacārikaṁ anuyutto viharati,||
paṭibalo hoti kālena kālaṁ dhammiyā kathāya sanda-s-setuṁ sam-ā-dapetuṁ samuttejetuṁ sampahaṁsetuṁ.|| ||

Imehi kho bhikkhave pañcahi dhammehi samannāgato bhikkhumitto sevitabbo" ti.|| ||