Paṭhama Samaya-Vimutta Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][olds] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

2. "Pañc'ime bhikkhave dhammā samaya-vimuttassa bhikkhuno parihānāya saṁvaṭṭanti.|| ||

Katame pañca?|| ||

Kamm'ārāmatā,||
bhassārāmatā,||
niddārāmatā,||
saṅgaṇ'ikārāmatā,||
yathā-vimuttaṁ cittaṁ na pacc'avekkhati.|| ||

Ime kho bhikkhave pañca dhammā samaya-vimuttassa bhikkhuno parihānāya saṁvaṭṭanti.|| ||

Pañc'ime bhikkhave dhammā samaya-vimuttassa bhikkhuno aparihānāya saṁvaṭṭanti.|| ||

Katame pañca?|| ||

Na kammārāmatā,||
na bhassārāmatā,||
na niddārāmatā,||
na saṅgaṇ'ikārāmatā,||
yathā-vimuttaṁ cittaṁ pacc'avekkhati.|| ||

Ime kho bhikkhave pañca dhammā samaya-vimuttassa bhikkhuno aparihānāya saṁvaṭṭantī" ti.|| ||