Aṇguttara Nikāya
Pañcaka Nipāta
16. Sad'Dhamma Vaggo
Sutta 156
Tatiya Sad'Dhamma-Sammosa Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati.|| ||
Tatra kho Bhagavā bhikkhu āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
2. "Pañc'ime bhikkhave, dhammā Sad'Dhammassa sammosāya antara-dhānya saṃvaṭṭanti.|| ||
Katame pañca?|| ||
Idha, bhikkhave, bhikkhu duggahitaṃ suttantaṃ pariyāpuṇanti dunnikkhittehi pada-vyañ janehi.|| ||
Dunnikkhittassa bhikkhave pada-vyañ janassa attho pi dunnayo hoti.|| ||
Ayaṃ bhikkhave, paṭhamo dhammo Sad'Dhammassa sammosāya antara-dhānya saṃvaṭṭati.|| ||
■
3. Puna ca paraṃ bhikkhave, bhikkhu dubbacā honti do-vacassa-karaṇehi dhammehi samannāgatā,||
akkhamā appada-k-khiṇaggāhino anusāsaniṃ.|| ||
Ayaṃ bhikkhave, dutiyo dhammo Sad'Dhammassa sammosāya antara-dhānya saṃvaṭṭati.|| ||
■
[179] Puna ca paraṃ bhikkhave, ye te bhikkhū bahu-s-sutā āgatāgamā dhamma-dharā vinaya-dharā mātikā-dharā, te na sakkaccaṃ suttantaṃ paraṃ vācenti.|| ||
Tesaṃ accayena chinna-mūlako suttanto hoti appaṭi-saraṇo.|| ||
Ayaṃ bhikkhave, tatiyo dhammo Sad'Dhammassa sammosāya antara-dhānya saṃvaṭṭati.|| ||
■
Puna ca paraṃ bhikkhave, therā bhikkhu bāhulikā honti sāthalikā okkamane pubbaṇgamā paviveke nikkhitta-dhurā.|| ||
Na viriyaṃ ārabhanti appattassa pattiyā anadhigatassa adhigamāya asacchi-katassa sacchi-kiriyāya.|| ||
Tesaṃ pacchimā janatā diṭṭh'ānugatiṃ āpajjati.|| ||
Sā pi hoti bāhulikā sāthalikā okkamane pubbaṇgamā paviveke ninakkhittadhurā.|| ||
Na viriyaṃ ārabhati appattassa pattiyā anadhigatassa adhigamāya asacchi-katassa sacchi-kiriyāya.|| ||
Ayaṃ bhikkhave, catuttho dhammo Sad'Dhammassa sammosāya antara-dhānya saṃvaṭṭati.|| ||
■
Puna ca paraṃ bhikkhave, saṇgho bhinno hoti.|| ||
Saṇghe kho pana bhikkhave.|| ||
Bhinne añña-maññaṃ akkosā ca honti, añña-maññaṃ paribhāsā ca honti, añña-maññaṃ parikkhepā ca honti, añña-maññaṃ pariccajanā ca honti.|| ||
Tattha appattassa c'eva nap-pasīdanti, passannānaṃ ca eka-c-cānaṃ aññathattaṃ hoti.|| ||
Ayaṃ bhikkhave pañcamo dhammo Sad'Dhammassa sammosāya antara-dhānya saṃvaṭṭati.|| ||
Ime kho bhikkhave, pañca dhammā Sad'Dhammassa sammosāya antara-dhānya saṃvaṭṭanti.|| ||
§
Pañc'ime bhikkhave dhammā Sad'Dhammassa ṭhitiyā asammosāya anantara-dhānāya saṃvaṭṭanti.|| ||
Katame pañca?|| ||
Idha, bhikkhave, bhikkhu suggahitaṃ suttantaṃ pariyāpuṇnti sunikkhittehi pada-vyañ janehi.|| ||
Sunikkhittassa bhikkhave pada-vyañ janassa atthopi sunayo hoti.|| ||
Ayaṃ bhikkhave paṭhamo dhammo Sad'Dhammassa ṭhitiyā asammosāya anantara-dhānāya saṃvaṭṭati.|| ||
■
[180] Puna ca paraṃ bhikkhave, bhikkhu subbacā honti sovacassa-karaṇehi dhammehi samannāgatā.|| ||
Khamā pada-k-khiṇaggāhino anusāsaniṃ.|| ||
Ayaṃ bhikkhave dutiyo dhammo Sad'Dhammassa ṭhitiyā asammosāya anantara-dhānāya saṃvaṭṭati.|| ||
■
Puna ca paraṃ bhikkhave, ye te bhikkhu bahu-s-sutā āgatāgamā dhamma-dharā vinaya-dharā mātikā-dharā, te sakkaccaṃ paraṃ vācenti.|| ||
Tesaṃ accayena na chinna-mūlako suttanto hoti sappaṭi-saraṇo.|| ||
Ayaṃ bhikkhave, tatiyo dhammo Sad'Dhammassa ṭhitiyā asammosāya anantara-dhānāya saṃvaṭṭati.|| ||
■
Puna ca paraṃ bhikkhave, therā bhikkhu na bahukālikā honti na sāthalikā okkamane nikkhitta-dhurā paviveke pubbaṇgamā.|| ||
Viriyaṃ ārabhanti appattassa pattiyā anadhigatassa adhigamāya asacchi-katassa sacchi-kiriyāya.|| ||
Tesaṃ pacchimā janatā diṭṭh'ānugatiṃ āpajjati.|| ||
Sā pi hoti na bāhulikā na sāthalikā okkamane nikkhitta-dhurā paviveke pubbaṇgamā.|| ||
Viriyaṃ ārabhati appattassa pattiyā anadhigatassa adhigamāya asacchi-katassa sacchi-kiriyāya.|| ||
Ayaṃ bhikkhave, catuttho dhammo Sad'Dhammassaṭhitiyā asammosāya anantara-dhānāya saṃvaṭṭati.|| ||
■
Puna ca paraṃ bhikkhave, saṇgho bhinno samaggo sammodamāno avivadamāno ekuddeso phāsuṃ viharati.|| ||
Saṇghe kho pana bhikkhave, samagge na c'eva añña-maññaṃ akkosā honti.|| ||
Na ca añña-maññaṃ paribhāsā honti.|| ||
Na ca añña-maññaṃ parikkhepā honti.|| ||
Na ca añña-maññaṃ pariccajanā honti.|| ||
Tattha appa-sannā c'eva pasīdanti.|| ||
Passannānaṃ ca bhiyyo-bhāvo hoti.|| ||
Ayaṃ bhikkhave, pañcamo dhammo Sad'Dhammassa ṭhitiyā asammosāya anantara-dhānāya saṃvaṭṭati.|| ||
Ime kho bhikkhave, pañca dhammā Sad'Dhammassa ṭhitiyā asammosāya anantara-dhānāya saṃvaṭṭantī" ti.|| ||
