Aṅguttara Nikāya
Pañcaka-Nipāta
XVIII. Upāsaka Vaggo

Sutta 174

Vera Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[204]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

"Atha kho Anāthapiṇḍiko gahapati yena Bhagavā ten'upasaṅkami.|| ||

Upasaṅkamitvā Bhagavantaṁ abhivādetvā eka-m-antaṁ nisīdi.|| ||

Eka-m-antaṁ nisinnaṁ kho Anāthapiṇḍikaṁ gahapatiṁ Bhagavā etad avoca:|| ||

2. Pañca gahapati, bhayāni verāni a-p-pahāya du-s-sīlo iti vuccati Nirayaṁ ca uppajjati.|| ||

Katamāni pañca?|| ||

Pāṇ-ā-tipātaṁ,||
adinnādānaṁ,||
kāmesu micchā-cāraṁ,||
musā-vādaṁ,||
surā-mera-yamajja-pamā-daṭṭhānaṁ.|| ||

[205] Imāni kho gahapati, pañca bhayāni verāni a-p-pahāya du-s-sīlo iti vuccati Nirayaṁ ca uppajjati.|| ||

■

3. Pañca gahapati, bhayāni verāni pahāya sīlavā iti vuccati Sugatiṁ ca uppajjati.|| ||

Katamāni pañca?|| ||

Paṇātipātaṁ,||
adinnādānaṁ,||
kāmesu micchā-cāraṁ,||
musā-vādaṁ,||
surā-mera-yamajja-pamā-daṭṭhānaṁ.|| ||

Imāni kho gahapati, pañca bhayāni verāni pahāya sīlavā iti vuccati Sugatiṁ ca uppajjatī ti.|| ||

 

§

 

4. Yaṁ gahapati, pāṇ-ā-tipātī pāṇ-ā-tipāta-paccayā diṭṭha-dhammikam pi bhayaṁ veraṁ pasavati,||
samparāyikam pi bhayaṁ veraṁ pasavati,||
ceta-sikam pi dukkhaṁ domanassaṁ paṭisaṁvedeti.|| ||

Pāṇ-ā-tipātā paṭivirato n'eva diṭṭha-dhammikaṁ bhayaṁ veraṁ pasvati,||
na samparāyikaṁ bhayaṁ veraṁ pasvati,||
na cetasikaṁ dukkhaṁ domanassaṁ paṭisaṁvedeti.|| ||

Pāṇ-ā-tipātā paṭiviratssa evaṁ taṁ bhayaṁ veraṁ vūpasantaṁ hoti.|| ||

■

5. Yaṁ gahapati, adinnadāyī adinn'ādāna-paccayā diṭṭha-dhammikam pi bhayaṁ veraṁ pasavati,||
samparāyikam pi bhayaṁ veraṁ pasavati,||
ceta-sikam pi dukkhaṁ domanassaṁ paṭisaṁvedeti.|| ||

Adinn'ādānā paṭivirato n'eva diṭṭha-dhammikaṁ bhayaṁ veraṁ pasavati,||
na samparāyikaṁ bhayaṁ veraṁ pasavati,||
na cetayikaṁ dukkhaṁ domanassaṁ paṭisaṁvedeti.|| ||

Adinn'ādānā paṭiviratassa evaṁ taṁ bhayaṁ veraṁ vūpasantaṁ hoti.|| ||

■

6. Yaṁ gahapati, kāmesu micchā-cārī kāmesu micchā-cāra paccayā diṭṭha-dhammikam pi bhayaṁ veraṁ pasavati,||
samparāyikam pi bhayaṁ veraṁ pasavati,||
ceta-sikam pi dukkhaṁ domanassaṁ paṭisaṁvedeti.|| ||

Kāmesu-micchā-cārā paṭivirato n'eva diṭṭha-dhammikaṁ bhayaṁ veraṁ pasavati,||
na samparāyikaṁ bhayaṁ veraṁ pasavati,||
na cetayikaṁ dukkhaṁ domanassaṁ paṭisaṁvedeti.|| ||

Kāmesu-micchā-cārā paṭiviratassa evaṁ taṁ bhayaṁ veraṁ vūpasantaṁ hoti.|| ||

■

7. Yaṁ gahapati, musā-vādī musā-vāda-paccayā diṭṭha-dhammikam pi bhayaṁ veraṁ pasavati,||
samparāyikam pi bhayaṁ veraṁ pasavati,||
ceta-sikam pi dukkhaṁ domanassaṁ paṭisaṁvedeti.|| ||

Musā-vādā paṭivirato n'eva diṭṭha-dhammikaṁ bhayaṁ veraṁ pasavati,||
na samparāyikaṁ bhayaṁ veraṁ pasavati,||
na cetasikaṁ dukkhaṁ domanassaṁ paṭisaṁvedeti.|| ||

Musā-vādā paṭiviratassa evaṁ taṁ bhayaṁ veraṁ vūpasantaṁ hoti.|| ||

■

8. Yaṁ gahapati, surā-mera-yamajja-pamā-daṭṭhāyī surā-mera-yamajja-pamā-daṭṭhāna-paccayā diṭṭha-dhammikam pi bhayaṁ veraṁ pasavati,||
samparāyikam pi bhayaṁ veraṁ pasavati,||
ceta-sikam pi dukkhaṁ domanssaṁ paṭisaṁvedeti.|| ||

Surā-mera-yamajja-pamā-daṭṭhānā paṭivirato n'eva diṭṭha-dhammikaṁ bhayaṁ veraṁ pasavati,||
na samparāyikaṁ bhayaṁ veraṁ pasavati,||
na cetasikaṁ dukkhaṁ domanassaṁ paṭisaṁvedeti.|| ||

Surā-mera-yamajja-pamā-daṭṭhānā paṭiviratassa evaṁ taṁ bhayaṁ veraṁ vūpasantaṁ hotī" ti.

Yo pāṇam atimāteti musā-vādañ ca bhāsati,||
Loke adinnaṁ ādiyati paradārañ ca gacchati,||
Surā-meraya-pānaṁ ca yo naro anuyuñjati;

Appahāya pañca verāni du-s-sīlo iti vuccati,||
Kāyassa bhedā duppañño Nirayaṁ so uppajjati

Yo pāṇaṁ nātipāteti musā-vādaṁ na bhāsati,||
Loke adinnaṁ nādiyati paradāraṁ na gacchati,||
[206] Surā-meraya-pānaṁ ca yo naro nānuyuñjati;

Pahāya pañca verāni sīlavā iti vuccati,||
Kāyassa bhedā sappañño sugatiṁ so uppajjati.|| ||