Aṅguttara Nikāya
Pañcaka-Nipāta
XIX. Arañña Vaggo

Sutta 190

Patta-Piṇḍika Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[220]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Pañc'ime bhikkhave pattpiṇḍikā.|| ||

Katame pañca?|| ||

Mandattā momūhattā pattapiṇḍiko hoti.|| ||

Pāpiccho icchā-pakato pattapiṇḍiko hoti.|| ||

Ummādā cittakkhepā pattapiṇḍiko hoti.|| ||

Vaṇṇitaṁ buddhehi Buddha-sāvakehiti pattapiṇḍiko hoti appicchataṁ yeva nissāya,||
santuṭṭhiṁ yeva nissāya,||
sallekhaṁ yeva nissāya,||
pavivekaṁ yeva nissāya,||
idam atthikaṁ yeva nissāya pattapiṇḍiko hoti.|| ||

Ime kho bhikkhave pañca pattapiṇḍikā.|| ||

 

§

 

Imesaṁ kho bhikkhave pañcannaṁ pattapiṇḍikānaṁ yvāyaṁ pattapiṇḍiko appicchataṁ yeva nissāya,||
santuṭṭhiṁ yeva nissāya,||
sallekhaṁ yeva nissāya,||
pavivekaṁ yeva nissāya,||
idam atthikaṁ yeva nissāya pattapiṇḍiko hoti||
ayaṁ imesaṁ pañcannaṁ pattapiṇḍikānaṁ aggo ca||
seṭṭho ca||
mokkho ca||
uttamo ca||
pavaro ca.|| ||

■

Seyyāthā pi bhikkhave gavā khīraṁ||
khiramhā dadhi,||
dadhimhā navanītaṁ,||
navanītamhā sappi,||
sappimhā sappi-maṇḍo tattha aggam akkhāyati,||
evam eva kho, bhikkhave,||
imesaṁ pañcannaṁ pattapiṇḍikānaṁ yvāyaṁ pattapiṇḍiko [221] appicchataṁ yeva nissāya,||
santuṭṭhiṁ yeva nissāyaya,||
sallekhaṁ yeva nissāya,||
pavivekaṁ yeva nissāya,||
idam atthikaṁ yeva nissāya pattapiṇḍiko hoti,||
ayaṁ imesaṁ pañcannaṁ pattapiṇḍikānaṁ aggo ca||
seṭṭho ca||
mokkho ca||
uttamo ca||
pavaro cā" ti.|| ||

Āraññaka Vagga Catuttho