Aṅguttara Nikāya
Pañcaka Nipāta
XXII. Akkosaka-Vagga

Sutta 211

Akkosaka Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[252]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Yo so bhikkhave bhikkhu akkosaka-paribhāsako ariy'ūpavādi sabrahma-cārinaṁ,||
tassa pañca ādīnavā paṭikaṅkhā.|| ||

Katame pañca?|| ||

Pārājiko vā hoti chinna-paripantho,||
aññataraṁ vā saṅkiliṭṭhaṁ āpattiṁ āpajjati,||
bāḷhaṁ vā rog'ātaṅkaṁ phusati,||
sammūḷho kālaṁ karoti,||
kāyassa bhedā param maraṇā apāyaṁ duggatiṁ vinipātaṁ Nirayaṁ uppajjati.|| ||

Yo so bhikkhave bhikkhu akkosaka-paribhāsako ariy'ūpavādī sabrahma-cārīnaṁ,||
tassa ime pañca ādīnavā pāṭikaṅkhāti.|| ||