Aṅguttara Nikāya
Pañcaka Nipāta
XXII. Akkosaka-Vagga

Sutta 213

Sīla Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[252]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Pañc'ime bhikkhave ādīnavā du-s-sīlassa sīla-vipattiyā.|| ||

Katame pañca?|| ||

2. Idha, bhikkhave,||
du-s-sīlo sīla-vipanno pamādādhikaraṇaṁ mahatiṁ bhoga-jāniṁ nigacchati.|| ||

Ayaṁ bhikkhave paṭhamo ādīnavo du-s-sīlassa sīla-vipattiyā.|| ||

■

3. Puna ca paraṁ bhikkhave du-s-sīlassa sīla-vipannassa pāpako kitti-saddo abbhu-g-gacchati.|| ||

Ayaṁ bhikkhave dutiyo ādīnavo du-s-sīlassa sīla-vipattiyā.|| ||

■

[253] 4. Puna ca paraṁ bhikkhave du-s-sīlo sīla-vipanno yañññad eva parisaṁ upasaṅkamati:||
yadi khattiya-parisaṁ||
yadi brāhmaṇa-parisaṁ||
yadi gahapati-parisaṁ||
yadi samaṇa-parisaṁ,||
avisārado upasaṅkamati||
maṅku-bhuto.|| ||

Ayaṁ bhikkhave tatiyo ādīnavo du-s-sīlassa sīla-vipattiyā.|| ||

■

5. Puna ca paraṁ bhikkhave du-s-sīlo sīla-vipanno sammūḷho kālaṁ karoti.|| ||

Ayaṁ bhikkhave catuttho ādīnavo du-s-sīlassa sīla vipattiyā.|| ||

■

6. Puna ca paraṁ bhikkhave du-s-sīlo sīla-vipanno kāyassa bhedā param maraṇā apāyaṁ duggatiṁ vinipātaṁ Nirayaṁ uppajjati.|| ||

Ayaṁ bhikkhave pañcamo ādīnavo du-s-sīlassa sīla-vipattiyā.|| ||

Ime kho bhikkhave pañca ādīnavā du-s-sīlassa sīla-vippattiyā.|| ||

 

§

 

7. Pañc'ime bhikkhave ānisaṁsā sīla-vato sīla-sampadāya.|| ||

Katame pañca?|| ||

8. Idha, bhikkhave,||
sīlavā sīla-sampanno appamādādhikaraṇaṁ mahantaṁ bhoga-k-khandhaṁ adhigacchati.|| ||

Ayaṁ bhikkhave paṭhamo ānisaṁso sīla-vato sīla-sampadāya.|| ||

■

9. Puna ca paraṁ bhikkhave sīla-vato sīla-sampannassa kalyāṇo kitti-saddo abbhu-g-gacchati.|| ||

Ayaṁ bhikkhave dutiyo ānisaṁso sīla-vato sīla-sampadāya.|| ||

■

10. Puna ca paraṁ bhikkhave sīlavā sīla-sampanno yaṁ yad eva parisaṁ upasaṅkamiti||
yadi khattiya-parisaṁ||
yadi brāhmaṇa-parisaṁ||
yadi gahapati-parisaṁ||
yadi samaṇa-parisaṁ,||
visārado upasaṅkamati,||
amaṅku-bhuto|| ||

Ayaṁ bhikkhave tatiyo ānisaṁso sīla-vato sīla-sampadāya.|| ||

■

11. Puna ca paraṁ bhikkhave sīlavā sīla-sampanno asa-m-mūḷho kālaṁ karoti.|| ||

Ayaṁ bhikkhave catuttho ānisaṁso sīla-vato sīla-sampadāya.|| ||

■

12. Puna ca paraṁ bhikkhave sīlavā sīla-sampanno kāyassa bhedā param maraṇā sugatiṁ saggaṁ lokaṁ uppajjati.|| ||

Ayaṁ bhikkhave pañcamo ānisaṁso silavato sīla-sampadāya.|| ||

[254] Ime kho bhikkhave pañca ānisaṁsā sīla-vato sila-sampadāyā" ti.|| ||