Aṅguttara Nikāya
Pañcaka Nipāta
XXII. Akkosaka-Vagga

Sutta 214

Bahu-Bhāṇi Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[254]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Pañc'ime bhikkhave ādīnavā bahu-bhāṇiyasmiṁ puggale.|| ||

Katame pañca?|| ||

Musā bhaṇati,||
pisunaṁ bhaṇati,||
pharusaṁ bhaṇati,||
sampha-p-palāpaṁ bhaṇati,||
kāyassa bhedā parammaṇā apāyaṁ duggatiṁ vinipātaṁ Nirayaṁ uppajjati.|| ||

Ime kho bhikkhave pañca ādīnavā bahu-bhāṇismiṁ puggale.|| ||

 

§

 

Pañc'ime bhikkhave ānisaṁsā manta-bhāṇismiṁ puggale.|| ||

Katame pañca?|| ||

Na musā bhaṇti,||
na pisunaṁ bhaṇti,||
na pharusaṁ bhaṇati,||
na sampha-p-palāpaṁ bhaṇti,||
kāyassa bhedā param maraṇā sugatiṁ saggaṁ lokaṁ uppajjati.|| ||

Ime kho bhikkhave pañca ānisaṁsā manta-bhāṇismīṁ puggale" ti.|| ||