Dutiya Dīgha-Cārika Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.

Bhagavā etad avoca:|| ||

"Pañc'ime bhīkkhave ādīnavā dīgha-cārikaṁ anavattha cārikaṁ anuyuttassa viharato.|| ||

Katame pañca?|| ||

Anadhigataṁ nādhigacchati,||
adhigataṁ parihāyati,||
adhigaten'eka-c-cena avisārado hoti ,||
gāḷhaṁ rog'ātaṅkaṁ phusati,||
na ca mittavā hoti.|| ||

Ime kho bhikkhave pañca ādīnavā dīgha-cārikaṁ anavattha cārikaṁ anuyuttassa viharato.|| ||

Pañc'ime bhikkhave ānisaṁsā sama-vattha-cāre.|| ||

Katame pañca?|| ||

Anadhigataṁ adhigacchati,||
adhigataṁ na parihāyati,||
adhigaten'eka-c-cena visārado hoti,||
na gāḷhaṁ rog'ātaṅkaṁ phusati,||
mittavā ca hoti.|| ||

Ime kho bhikkhave pañca ānisaṁsā sama-vattha-cāre" ti.|| ||