Anukampaka Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.

Bhagavā etad avoca:|| ||

"Pañcahi bhikakhave, dhammehi samannāgato āvāsiko bhikkhu gihīnaṁ anukampati.|| ||

Katame pañcahi?|| ||

2. Adhisīle samādapeti.|| ||

■

Dhamma-dassane niveseti.|| ||

■

Gilānake upasaṅkamitvā satiṁ uppādeti:|| ||

'Arahaggataṁ [264] āyasmanto satiṁ upa-ṭ-ṭh-ā-pethā' ti.|| ||

■

Mahā kho pana bhikkhu-saṅgho abhikkanto nānā-verajjakā bhikkhu,||
gihīnaṁ upasaṅkamitvā āroceti:|| ||

"Mahā kho āvuso, bhikkhu-saṅgho abhikkanto,||
nānā-verajjakā bhikkhu,||
tarotha puññāni,||
samayo puññāni kātun" ti.|| ||

■

Yaṁ kho pan'assa bhojanaṁ denti lūkhaṁ vā||
paṇitaṁ vā||
taṁ attanā paribhuñjati,||
saddhādeyyaṁ na vinipāteti.|| ||

Imehi kho bhikkhave, pañcahi dhammehi samannāgato āvāsiko bhikkhu gihīnaṁ anukampatī" ti.|| ||