Aṅguttara-Nikāya
Pañcaka-Nipāta
25. Du-c-carita Vagga

Sutta 242

Kāya-Du-c-carita Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[267]

[1][pts] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.

Bhagavā etad avoca:|| ||

"Pañc'ime bhikkhave ādīmavā kāya-du-c-carite.|| ||

Katame pañca?|| ||

2. Attā pi attāṇaṁ upavadati,||
anuvicca viññū gArahanti,||
pāpako kitti-saddo abbhu-g-gacchati,||
sammūḷho kālaṁ karoti,||
kāyassa bhedā param maraṇā apāyaṁ duggatiṁ vinipātaṁ Nirayaṁ uppajjati.|| ||

Ime kho bhikkhave pañca ādīnavā kāya-du-c-carite.|| ||

 

§

 

3. Pañc'ime bhikkhave ānisaṁsā kāya-sucarite.|| ||

Katame pañca?|| ||

4. Attā pi attāṇaṁ na upavadati,||
anuvicca viññū pasaṁ-santi,||
kalyāṇo kitti-saddo abbhu-g-gacchati,||
asa-m-mūḷho kālaṁ karoti,||
kāyassa bhedā param maraṇā sugatiṁ saggaṁ lokaṁ uppajjati.|| ||

Ime kho bhikkhave pañca ānisaṁsā kāya-sucarite' ti.|| ||