Macchariya-Pahāna Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][than] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Pañc'annaṁ bhikkhave macchariyānaṁ pahānāya samucchedāya Brahma-cariyaṁ vussati.|| ||

Katamesaṁ pañacannaṁ?|| ||

Āvāsa-macchariyassa pahānāya samucchedāya Brahma-cariyaṁ vussati.|| ||

Kula-macchariyassa pahāṇāya samucchedāya Brahma-cariyaṁ vussati.|| ||

Lābha-macchariyassa pahānāya samucchedāya Brahma-cariyaṁ vussati.|| ||

Vaṇṇa-macchariyassa pahānāya samucchedāya Brahma-cariyaṁ vussati.|| ||

Dhamma-macchariyassa pahānāya samucchedāya Brahma-cariyaṁ vussati.|| ||

Imesaṁ kho bhikkhave, pañcannaṁ macchariyānaṁ pahānāya samucchedāya Brahma-cariyaṁ vussat" ti.|| ||