Aṇguttara Nikāya
Chakka-Nipāta
IV: Devatā-Vagga
Sutta 34
Moggallāna Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati Jetavane anātha piṇḍikassa ārāme.|| ||
Atha kho āyasmato Mahā Moggallānassa raho-gatassa patisallinassa evaṃ cetaso parivitakko udapādi:|| ||
Katame-sānaṃ devānaṃ evaṃ ñāṇaṃ hoti?|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
[332] Tena kho pana samayena Tisso nāma bhikkhu adhunā kāla-kato aññataraṃ Brahma-lokaṃ upapanno hoti.|| ||
Tatra pi naṃ evaṃ jānanti:|| ||
"Tisso Brahmā mahiddhiko mah-ā-nubhāvo" ti.|| ||
Atha kho āyasmā Mahā Moggallāno seyyathā pi nāma balavā puriso sammiñjitaṃ vā bāhaṃ pasāreyya,||
pasāritaṃ vā bāhaṃ sammiñjeyya,||
eva meva Jetavane antara-hito tasmiṃ Brahma-loke pātur ahosi.|| ||
Addasā kho Tisso Brahmā āyasmantaṃ Mahā Moggallānaṃ dūrato va āga-c-chantaṃ disvāna āyasmantaṃ Mahā Moggallānaṃ etad avoca:|| ||
"Ehi kho mārisa Moggallāna,||
sāgataṃ mārisa Moggallāna,||
cirassaṃ kho mārisa Moggallāna,||
imaṃ pariyāyam akāsi yad idaṃ idh'āgamanāya.|| ||
Nisīda mārisa, Moggallāna, idam āsanaṃ paññattanti.|| ||
"Nisīdi kho āyasmā Mahā Moggallāno paññatte āsane.|| ||
Tisso pi kho Brahmā āyasmantaṃ Mahā Moggallānaṃ abhivādetvā eka-m-antaṃ nisīdi.|| ||
Eka-m-antaṃ nisinnaṃ kho Tissaṃ Brahmānaṃ āyasmā Mahā Moggallāno etad avoca:|| ||
"Katame-sānaṃ kho Tissa, devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā' ti?|| ||
Cātu-m-mahā-rājikānaṃ kho mārisa Moggallāna,||
devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.
Sabbesaññ'eva nu kho Tissa Cātu-m-mahā-rājikānaṃ devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti?|| ||
Na kho mārisa Moggallāna,||
sabbesaṃ Cātu-m-mahā-rājikānaṃ devānaṃ evaṃ ñāṇaṃ hoti:|| ||
"Sot'āpannamhā avinipāta dhammā niyatā sambodhi-parāyaṇā" ti.|| ||
Ye kho te mārisa Moggallāna,||
Cātu-m-mahā-rājikā devā Buddhe avecca-p-pasādena asamannāgatā,||
dhamme avecca-p-pasādena asamannāgatā,||
saṇghe avecca-p-pasādena asamannāgatā,||
ariya-kantehi sīlehi asamannāgatā,||
na tesaṃ devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Yeva kho te mārisa Moggallāna,||
Cātu-m-mahā-rājikā devā Buddhe avecca-p-pasādena samannāgatā,||
dhamme avecca-p-pasādena samannāgatā,||
saṇghe avecca-p-pasādena samannāgatā,||
ariya-kantehi silehi samannāgatā,||
tesaṃ evaṃ [333] ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
■
Cātu-m-mahā-rājikānañ ñ'eva nu kho Tissa,||
devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Udāhu Tāvatiṃsānam pi devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti?|| ||
Cātu-m-mahā-rājikānañ ñ'eva nu kho mārisa,||
devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Udāhu Tāvatiṃsānam pi mārisa, Moggallāna,||
devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Sabbesaññ'eva nu kho Tissa Tāvatiṃsānaṃ devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti?|| ||
Na kho mārisa Moggallāna,||
sabbesaṃ Tāvatiṃsānaṃ devānaṃ evaṃ ñāṇaṃ hoti:|| ||
"Sot'āpannamhā avinipāta dhammā niyatā sambodhi-parāyaṇā" ti.|| ||
Ye kho te mārisa Moggallāna,||
Tāvatiṃsā devā Buddhe avecca-p-pasādena asamannāgatā,||
dhamme avecca-p-pasādena asamannāgatā,||
saṇghe avecca-p-pasādena asamannāgatā,||
ariya-kantehi sīlehi asamannāgatā,||
na tesaṃ devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Yeva kho te mārisa Moggallāna,||
Tāvatiṃsā devā Buddhe avecca-p-pasādena samannāgatā,||
dhamme avecca-p-pasādena samannāgatā,||
saṇghe avecca-p-pasādena samannāgatā,||
ariya-kantehi silehi samannāgatā,||
tesaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
■
Tāvatiṃsānañ ñ'eva nu kho Tissa,||
devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Udāhu Yāmānam pi devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti?|| ||
Tāvatiṃsānañ ñ'eva nu kho mārisa,||
devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Udāhu Yāmānam pi mārisa, Moggallāna,||
devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Sabbesaññ'eva nu kho Tissa Yāmānaṃ devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti?|| ||
Na kho mārisa Moggallāna,||
sabbesaṃ Yāmānaṃ devānaṃ evaṃ ñāṇaṃ hoti:|| ||
"Sot'āpannamhā avinipāta dhammā niyatā sambodhi-parāyaṇā" ti.|| ||
Ye kho te mārisa Moggallāna,||
Yāmā devā Buddhe avecca-p-pasādena asamannāgatā,||
dhamme avecca-p-pasādena asamannāgatā,||
saṇghe avecca-p-pasādena asamannāgatā,||
ariya-kantehi sīlehi asamannāgatā,||
na tesaṃ devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Yeva kho te mārisa Moggallāna,||
Yāmā devā Buddhe avecca-p-pasādena samannāgatā,||
dhamme avecca-p-pasādena samannāgatā,||
saṇghe avecca-p-pasādena samannāgatā,||
ariya-kantehi silehi samannāgatā,||
tesaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
■
Yāmānañ ñ'eva nu kho Tissa,||
devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Udāhu Tusitānam pi devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti?|| ||
Yāmānañ ñ'eva nu kho mārisa,||
devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Tusitānam pi mārisa, Moggallāna,||
devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Sabbesaññ'eva nu kho Tissa Tusitānaṃ devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti?|| ||
Na kho mārisa Moggallāna,||
sabbesaṃ Tusitānaṃ devānaṃ evaṃ ñāṇaṃ hoti:|| ||
"Sot'āpannamhā avinipāta dhammā niyatā sambodhi-parāyaṇā" ti.|| ||
Ye kho te mārisa Moggallāna,||
Tusitā devā Buddhe avecca-p-pasādena asamannāgatā,||
dhamme avecca-p-pasādena asamannāgatā,||
saṇghe avecca-p-pasādena asamannāgatā,||
ariya-kantehi sīlehi asamannāgatā,||
na tesaṃ devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Yeva kho te mārisa Moggallāna,||
Tusitā devā Buddhe avecca-p-pasādena samannāgatā,||
dhamme avecca-p-pasādena samannāgatā,||
saṇghe avecca-p-pasādena samannāgatā,||
ariya-kantehi silehi samannāgatā,||
tesaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
■
Tusitānañ ñ'eva nu kho Tissa,||
devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Udāhu Nimmāṇaratīnam pi devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti?|| ||
Tusitānañ ñ'eva nu kho mārisa,||
devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Nimmāṇaratīnam pi mārisa, Moggallāna,||
devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Sabbesaññ'eva nu kho Tissa Nimmāṇaratīnaṃ devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti?|| ||
Na kho mārisa Moggallāna,||
sabbesaṃ Nimmāṇaratīnaṃ devānaṃ evaṃ ñāṇaṃ hoti:|| ||
"Sot'āpannamhā avinipāta dhammā niyatā sambodhi-parāyaṇā" ti.|| ||
Ye kho te mārisa Moggallāna,||
Nimmāṇaratī devā Buddhe avecca-p-pasādena asamannāgatā,||
dhamme avecca-p-pasādena asamannāgatā,||
saṇghe avecca-p-pasādena asamannāgatā,||
ariya-kantehi sīlehi asamannāgatā,||
na tesaṃ devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Yeva kho te mārisa Moggallāna,||
Nimmāṇaratī devā Buddhe avecca-p-pasādena samannāgatā,||
dhamme avecca-p-pasādena samannāgatā,||
saṇghe avecca-p-pasādena samannāgatā,||
ariya-kantehi silehi samannāgatā,||
tesaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
■
Nimmāṇaratīnañ ñ'eva nu kho Tissa,||
devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Udāhu Paranimmita-vasavattinam pi devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti?|| ||
Nimmāṇaratīna ñ'eva nu kho mārisa,||
devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Paranimmita-vasavattinam pi mārisa, Moggallāna,||
devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Sabbesaññ'eva nu kho Tissa Paranimmita-vasavattinaṃ devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti?|| ||
Na kho mārisa Moggallāna,||
sabbesaṃ Paranimmita-vasavattinaṃ devānaṃ evaṃ ñāṇaṃ hoti:|| ||
"Sot'āpannamhā avinipāta dhammā niyatā sambodhi-parāyaṇā" ti.|| ||
Ye kho te mārisa Moggallāna,||
Paranimmita-vasavatti devā Buddhe avecca-p-pasādena asamannāgatā,||
dhamme avecca-p-pasādena asamannāgatā,||
saṇghe avecca-p-pasādena asamannāgatā,||
ariya-kantehi sīlehi asamannāgatā,||
na tesaṃ devānaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
Yeva kho te mārisa Moggallāna,||
Paranimmita-vasavatti devā Buddhe avecca-p-pasādena samannāgatā,||
dhamme avecca-p-pasādena samannāgatā,||
saṇghe avecca-p-pasādena samannāgatā,||
ariya-kantehi silehi samannāgatā,||
tesaṃ evaṃ ñāṇaṃ hoti:|| ||
"Sot'āpannamhā avinipāta-dhammā niyatā sambodhi-parāyaṇā" ti.|| ||
■
Atha kho āyasmā Mahā Moggallāno Tissassa brahmuno bhāsitaṃ abhinan'ditvā anumo-ditvā||
seyyathā pi nāma [334] balavā puriso sammiñjitaṃ vā bāhaṃ pasāreyya,||
pasāritaṃ vā bāhaṃ sammiñjeyya,||
evam eva Brahma-loke antara-hito Jetavane pāturahosī" ti.|| ||
