Pahīṇa Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

2. "Cha yime bhikkhave dhammā diṭṭhi-sampannassa puggalassa pahīṇā.|| ||

Katame cha?|| ||

Sakkāya diṭṭhiṁ,||
vici-kicchaṁ,||
sīla-b-bata-parāmāsaṁ,||
apāya-gamaniyaṁ rāgaṁ,||
apāya-gamaniyaṁ dosaṁ,||
apāya-gamaniyaṁ mohaṁ.|| ||

Ime kho bhikkhave cha dhammā diṭṭhi-sampannassa puggalassa pahīṇā" ti.|| ||