Abhabba Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] Evaṃ me sutaṃ:|| ||

Ekaṃ samayaṃ Bhagavā Sāvatthiyaṃ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.|| ||

Bhagavā etad avoca:|| ||

2. "Cha bhikkhave dhamme abhabbo diṭṭhi-sampanno puggalo uppādetuṃ.|| ||

Katame cha?|| ||

Sakkāya diṭṭhiṃ,||
vici-kicchaṃ,||
sīla-b-bata-parāmāsaṃ,||
apāya-gamaniyaṃ rāgaṃ,||
apāya-gamaniyaṃ dosaṃ,||
apāya-gamaniyaṃ mohaṃ.|| ||

Ime kho bhikkhave cha dhamme abhabbo diṭṭhi-sampanno puggalo uppādetun" ti.|| ||