Aṅguttara Nikāya
Chakka Nipāta
X. Ānisaṁsa Vagga

Sutta 106

Taṇhā Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

 

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

2. "Tisso imā bhikkhave taṇhā pahātabbā,||
tayo ca mānā.|| ||

 

§

 

Katamā tisso tanhā pahātabbā?|| ||

Kāma-taṇhā,||
bhava-taṇhā,||
vibhava-taṇhā.|| ||

Imā tisso taṇhā pahātabbā.|| ||

■

Katame tayo mānā pahātabbā?|| ||

Māno,||
o-māno,||
ati-māno.|| ||

Ime tayo mānā pahātabbā.|| ||

 

§

 

Yato ca kho bhikkhave bhikkhuno imā tisso taṇhā pahīnā honti,||
ime ca tayo mānā,||
ayaṁ vuccati bhikkhave bhikkhū acchejjhi taṇhaṁ,||
vāvattayī saṁyojanaṁ,||
sammā mān-ā-bhisamayā antam akāsi dukkhassā" ti.|| ||

Ānisaṁsa Vagga Dasama