Asantuṭṭhi Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

2. "Tayo me bhikkhave dhammā.|| ||

Katame tayo?|| ||

Asantuṭṭhitā,||
asampajañññaṁ,||
mah'icchatā.|| ||

Ime kho bhikkhave tayo dhammā.|| ||

Imesaṁ kho bhikkhave tiṇṇaṁ dhammānaṁ pahānāya tayo dhammā bhāvetabbā.|| ||

Katame tayo?|| ||

Asantuṭṭhitāya pahānāya santuṭṭhitā bhāvetabbā.|| ||

■

Asampajaññassa pahānāya sampajaññaṁ bhāvetabbaṁ.|| ||

■

Mah'icchatāya pahānāya appicchatā bhāvetabbā.|| ||

Imesaṁ kho bhikkhave tiṇṇaṁ dhammānaṁ pahānāya||
ime tayo dhammā bhāvetabbā" ti.|| ||