Aṇguttara Nikāya
Sattaka Nipāta
2. Anusaya Vagga
Sutta 13
Kul'ūpagamana Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
"Sattahi bhikkhave, aṇgehi samannāgataṃ kulaṃ anupaganatvā vā nālaṃ upagantuṃ,||
upagantvā vā nālaṃ upanisīdituṃ.|| ||
Katamehi sattahī?|| ||
Na manāpena paccuṭṭhenti,||
na manāpena abhivādenti,||
na manāpena āsanaṃ denti,||
santamassa pariguhanti,||
bahukam pi thokaṃ denti,||
paṇītam pi ūkhaṃ denti,||
asakkaccaṃ denti no sakkacchaṃ.|| ||
Imehi kho bhikkhave, sattahi aṇgehi samannāgataṃ kulaṃ anupaganatvā vā nālaṃ upagantuṃ,||
upagantvā vā nālaṃ upanisīdituṃ.|| ||
§
Sattahi bhikkhave aṇgehi samannāgataṃ kulaṃ anupaganatvā vā alaṃ upagantuṃ,||
upagantvā vā alaṃ upa-nisidituṃ.|| ||
Katamehi sattahī?|| ||
Manāpena paccuṭṭhenti,||
manāpena abhivādenti,||
manāpena āsanaṃ denti,||
sattamassa na pariguhanti,||
bahukam pi bahukaṃ denti,||
paṇītam pi paṇītaṃ denti,||
sakkaccaṃ denti no asakkaccaṃ.|| ||
Imehi kho bikkhave sattahi aṇgehi samannāgataṃ kulaṃ anupaganatvā vā alaṃ upagantuṃ,||
upagantvā vā alaṃ upanisīditun" ti.|| ||
