Aṅguttara Nikāya
Sattaka Nipāta
2. Anusaya Vagga

Sutta 17

Dukkh'ānupassi Suttaṁ — Anatt'ānupassī Suttaṁ — Nibbāne Sukh'ānupassī Suttaṁ^[ed1]

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[14]

Sutta 17 (a)

Dukkh-ā-nupassi Suttaṁ

[1][pts] EVAṀ ME SUTAṀ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

Satt'ime bhikkhave, puggalā āhuneyyā pāhuneyyā dakkhiṇeyyā añjali-karaṇīyā anuttaraṁ puñña-k-khettaṁ lokassa.|| ||

Katame satta?|| ||

Idha, bhikkhave, ekacco puggalo sabba-saṅkhāresu dukkh-ā-nupassī viharati dukkha-sañña dukkha-paṭisaṁvedī satataṁ samitaṁ abbokiṇṇaṁ cetasā adhimuccamāno paññāya pariyogāhamāno.|| ||

So āsavānaṁ khayā ceto-vimuttiṁ paññā-vimuttiṁ diṭṭhe'va dhamme sayaṁ abhiññā sacchi-katvā upasampajja viharati.|| ||

Ayaṁ bhikkhave, paṭhamo puggalo āhuneyyo pāhuneyyo dakkhiṇeyyo añjali-karaṇīyo anuttaraṁ puñña-k-khettaṁ lokassa.|| ||

■

3. Puna ca paraṁ bhikkhave, idh'ekacco puggalo dukkh-ā-nupassī viharati dukkha-sañña dukkha-paṭisaṁvedī satataṁ samitaṁ abbokiṇṇaṁ cetasā adhimuccamāno paññāya pariyogāhamāno.|| ||

Tassa apubbaṁ acarimaṁ āsava-pariyādānañ ca hoti jivita-pariyādānañ ca.|| ||

Ayaṁ bhikkhave, dutiyo puggalo āhuneyyo pāhuneyyo dakkhi neyyo añjali-karaṇeyyo anuttaraṁ puñña-k-khettaṁ lokassa.|| ||

■

4. Puna ca paraṁ bhikkhave, idh'ekacco puggalo dukkh-ā-nupassī viharati dukkha-sañña dukkha-paṭisaṁvedī satataṁ samitaṁ abbokiṇṇaṁ cetasā adhimuccamāno paññāyā-pariyogāhamāno.|| ||

So pañcannaṁ oram-bhāgiyānaṁ saṁyojanānaṁ parikkhayā antarā-parinibbāyī hoti.|| ||

Ayaṁ tatiyo puggalo āhuneyyo pāhuneyyo dakkhiṇeyyo añjali-karaṇīyo anuttaraṁ puñña-k-khettaṁ lokassa.|| ||

■

5. Puna ca paraṁ bhikkhave, idh'ekacco puggalo dukkh-ā-nupassī viharati dukkha-sañña dukkha-paṭisaṁvedī satataṁ samitaṁ abbokiṇṇaṁ cetasā adhimuccamāno paññāyā-pariyogāhamāno.|| ||

So pañcannaṁ oram-bhāgiyānaṁ saṁyojanānaṁ parikkhayā upahacca-parinibbāyi hoti.|| ||

Ayaṁ catuttho puggalo āhuneyyo pāhuneyyo dakkhiṇeyyo añjali-karaṇīyo anuttaraṁ puñña-k-khettaṁ lokassa.|| ||

■

6. Puna ca paraṁ bhikkhave, idh'ekacco puggalo dukkh-ā-nupassī viharati dukkha-sañña dukkha-paṭisaṁvedī satataṁ samitaṁ abbokiṇṇaṁ cetasā adhimuccamāno paññāyā-pariyogāhamāno.|| ||

So pañcannaṁ oram-bhāgiyānaṁ saṁyojanānaṁ parikkhayā a-saṅkhāra-parinibbāyi hoti.|| ||

Ayaṁ pañcamo puggalo āhuneyyo pāhuneyyo dakkhiṇeyyo añjali-karaṇīyo anuttaraṁ puñña-k-khettaṁ lokassa.|| ||

■

7. Puna ca paraṁ bhikkhave, idh'ekacco puggalo dukkh-ā-nupassī viharati dukkha-sañña dukkha-paṭisaṁvedī satataṁ samitaṁ abbokiṇṇaṁ cetasā adhimuccamāno paññāyā-pariyogāhamāno.|| ||

So pañcannaṁ oram-bhāgiyānaṁ saṁyojanānaṁ parikkhayā sa-saṅkhāra-parinibbāyi hoti.|| ||

Ayaṁ chaṭṭhamo puggalo āhuneyyo pāhuneyyo dakkhiṇeyyo añjali-karaṇīyo anuttaraṁ puñña-k-khettaṁ lokassa.|| ||

■

8. Puna ca paraṁ bhikkhave, idh'ekacco puggalo dukkh-ā-nupassī viharati dukkha-sañña dukkha-paṭisaṁvedī satataṁ samitaṁ abbokiṇṇaṁ cetasā adhimuccamāno paññāyā-pariyogāhamāno.|| ||

So pañcannaṁ oram-bhāgiyānaṁ saṁyojanānaṁ parikkhayā uddhaṁ-soto hoti Akaniṭṭha-gāmi.|| ||

Ayaṁ bhikkhave, sattamo puggalo āhuneyyo, pāhuneyyo dakkhinayyo añjali-karaṇīyo anuttaraṁ puñña-k-khettaṁ lokassa.|| ||

Ime kho bhikkhave, satta puggalā āhuneyyā pāhuneyyā dakkhiṇeyyā añjali-karaṇīyā anuttaraṁ puñña-k-khettaṁ lokassā ti.|| ||

 

---

 

Sutta 17 (b)

Anattānupassī Suttaṁ

EVAṀ ME SUTAṀ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

Satt'ime bhikkhave, puggalā āhuneyyā pāhuneyya dakkhiṇeyyā añjalika-caraṇiyā anuttaraṁ puñña-k-khettaṁ lokassa.|| ||

Katame satta?|| ||

Idha, bhikkhave, ekacco puggalo sabba-dhammesu anatt-ā-nupassī viharati anatta-saññi anatta-paṭisaṁvedī satataṁ samitaṁ abbokiṇṇaṁ cetasā adhimuccamāno paññāya pariyogāhamāno.|| ||

So āsavānaṁ khayā ceto-vimuttiṁ paññā-vimuttiṁ diṭṭhe'va dhamme sayaṁ abhiññā sacchi-katvā upasampajja viharati.|| ||

Ayaṁ bhikkhave, paṭhamo puggalo āhuneyyo pāhuneyyo dakkhiṇeyyo añjali-karaṇīyo anuttaraṁ puñña-k-khettaṁ lokassa.|| ||

■

3. Puna ca paraṁ bhikkhave, idh'ekacco puggalo sabba-dhammesu anatt-ā-nupassī viharati anatta-saññi anatta-paṭisaṁvedī satataṁ samitaṁ abbokiṇṇaṁ cetasā adhimuccamāno paññāya pariyogāhamāno.|| ||

Tassa apubbaṁ acarimaṁ āsava-pariyādānañ ca hoti jivita-pariyādānañ ca.|| ||

Ayaṁ bhikkhave, dutiyo puggalo āhuneyyo pāhuneyyo dakkhi neyyo añjali-karaṇeyyo anuttaraṁ puñña-k-khettaṁ lokassa.|| ||

■

4. Puna ca paraṁ bhikkhave, idh'ekacco puggalo sabba-dhammesu anatt-ā-nupassī viharati anatta-saññi anatta-paṭisaṁvedī satataṁ samitaṁ abbokiṇṇaṁ cetasā adhimuccamāno paññāyā-pariyogāhamāno.|| ||

So pañcannaṁ oram-bhāgiyānaṁ saṁyojanānaṁ parikkhayā antarā-parinibbāyī hoti.|| ||

Ayaṁ tatiyo puggalo āhuneyyo pāhuneyyo dakkhiṇeyyo añjali-karaṇīyo anuttaraṁ puñña-k-khettaṁ lokassa.|| ||

■

5. Puna ca paraṁ bhikkhave, idh'ekacco puggalo sabba-dhammesu anatt-ā-nupassī viharati anatta-saññi anatta-paṭisaṁvedī satataṁ samitaṁ abbokiṇṇaṁ cetasā adhimuccamāno paññāyā-pariyogāhamāno.|| ||

So pañcannaṁ oram-bhāgiyānaṁ saṁyojanānaṁ parikkhayā upahacca-parinibbāyi hoti.|| ||

Ayaṁ catuttho puggalo āhuneyyo pāhuneyyo dakkhiṇeyyo añjali-karaṇīyo anuttaraṁ puñña-k-khettaṁ lokassa.|| ||

■

6. Puna ca paraṁ bhikkhave, idh'ekacco puggalo sabba-dhammesu anatt-ā-nupassī viharati anatta-saññi anatta-paṭisaṁvedī satataṁ samitaṁ abbokiṇṇaṁ cetasā adhimuccamāno paññāyā-pariyogāhamāno.|| ||

So pañcannaṁ oram-bhāgiyānaṁ saṁyojanānaṁ parikkhayā a-saṅkhāra-parinibbāyi hoti.|| ||

Ayaṁ pañcamo puggalo āhuneyyo pāhuneyyo dakkhiṇeyyo añjali-karaṇīyo anuttaraṁ puñña-k-khettaṁ lokassa.|| ||

■

7. Puna ca paraṁ bhikkhave, idh'ekacco puggalo sabba-dhammesu anatt-ā-nupassī viharati anatta-saññi anatta-paṭisaṁvedī satataṁ samitaṁ abbokiṇṇaṁ cetasā adhimuccamāno paññāyā-pariyogāhamāno.|| ||

So pañcannaṁ oram-bhāgiyānaṁ saṁyojanānaṁ parikkhayā sa-saṅkhāra-parinibbāyi hoti.|| ||

Ayaṁ chaṭṭhamo puggalo āhuneyyo pāhuneyyo dakkhiṇeyyo añjali-karaṇīyo anuttaraṁ puñña-k-khettaṁ lokassa.|| ||

■

8. Puna ca paraṁ bhikkhave, idh'ekacco puggalo sabba-dhammesu anatt-ā-nupassī viharati anatta-saññi anatta-paṭisaṁvedī satataṁ samitaṁ abbokiṇṇaṁ cetasā adhimuccamāno paññāyā-pariyogāhamāno.|| ||

So pañcannaṁ oram-bhāgiyānaṁ saṁyojanānaṁ parikkhayā uddhaṁ-soto hoti Akaniṭṭha-gāmi.|| ||

Ayaṁ bhikkhave, sattamo puggalo āhuneyyo, pāhuneyyo dakkhinayyo añjali-karaṇīyo anuttaraṁ puñña-k-khettaṁ lokassa.|| ||

Ime kho bhikkhave, satta puggalā āhuneyyā pāhuneyyā dakkhiṇeyyā añjali-karaṇīyā anuttaraṁ puñña-k-khettaṁ lokassā ti.|| ||

 

---

 

Sutta 17 (c)

Nibbāne Sukhānupassī Suttaṁ

EVAṀ ME SUTAṀ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

Satt'ime bhikkhave, puggalā āhuneyyā pāhuneyyā dakkhiṇeyyā añjali-karaṇiyā anuttaraṁ puñña-k-khettaṁ lokassa.|| ||

Katame satta?|| ||

Idha, bhikkhave, ekacco puggalo Nibbāne sukhānupassī viharati sukha-saññi sukha-paṭisaṁvedi satataṁ samitaṁ abbokiṇṇaṁ cetasā adhimuccamāno paññāya pariyogāhamāno.|| ||

So āsavānaṁ khayā ceto-vimuttiṁ paññā-vimuttiṁ diṭṭhe'va dhamme sayaṁ abhiññā sacchi-katvā upasampajja viharati.|| ||

Ayaṁ bhikkhave, paṭhamo puggalo āhuneyyo pāhuneyyo dakkhiṇeyyo añjali-karaṇīyo anuttaraṁ puñña-k-khettaṁ lokassa.|| ||

■

3. Puna ca paraṁ bhikkhave, idh'ekacco puggalo Nibbāne sukhānupassī viharati sukha-saññi sukha-paṭisaṁvedi satataṁ samitaṁ abbokiṇṇaṁ cetasā adhimuccamāno paññāya pariyogāhamāno.|| ||

Tassa apubbaṁ acarimaṁ āsava-pariyādānañ ca hoti jivita-pariyādānañ ca.|| ||

Ayaṁ bhikkhave, dutiyo puggalo āhuneyyo pāhuneyyo dakkhi neyyo añjali-karaṇeyyo anuttaraṁ puñña-k-khettaṁ lokassa.|| ||

■

4. Puna ca paraṁ bhikkhave, idh'ekacco puggalo Nibbāne sukhānupassī viharati sukha-saññi sukha-paṭisaṁvedi satataṁ samitaṁ abbokiṇṇaṁ cetasā adhimuccamāno paññāyā-pariyogāhamāno.|| ||

So pañcannaṁ oram-bhāgiyānaṁ saṁyojanānaṁ parikkhayā antarā-parinibbāyī hoti.|| ||

Ayaṁ tatiyo puggalo āhuneyyo pāhuneyyo dakkhiṇeyyo añjali-karaṇīyo anuttaraṁ puñña-k-khettaṁ lokassa.|| ||

■

5. Puna ca paraṁ bhikkhave, idh'ekacco puggalo Nibbāne sukhānupassī viharati sukha-saññi sukha-paṭisaṁvedi satataṁ samitaṁ abbokiṇṇaṁ cetasā adhimuccamāno paññāyā-pariyogāhamāno.|| ||

So pañcannaṁ oram-bhāgiyānaṁ saṁyojanānaṁ parikkhayā upahacca-parinibbāyi hoti.|| ||

Ayaṁ catuttho puggalo āhuneyyo pāhuneyyo dakkhiṇeyyo añjali-karaṇīyo anuttaraṁ puñña-k-khettaṁ lokassa.|| ||

■

6. Puna ca paraṁ bhikkhave, idh'ekacco puggalo Nibbāne sukhānupassī viharati sukha-saññi sukha-paṭisaṁvedi satataṁ samitaṁ abbokiṇṇaṁ cetasā adhimuccamāno paññāyā-pariyogāhamāno.|| ||

So pañcannaṁ oram-bhāgiyānaṁ saṁyojanānaṁ parikkhayā a-saṅkhāra-parinibbāyi hoti.|| ||

Ayaṁ pañcamo puggalo āhuneyyo pāhuneyyo dakkhiṇeyyo añjali-karaṇīyo anuttaraṁ puñña-k-khettaṁ lokassa.|| ||

■

7. Puna ca paraṁ bhikkhave, idh'ekacco puggalo Nibbāne sukhānupassī viharati sukha-saññi sukha-paṭisaṁvedi satataṁ samitaṁ abbokiṇṇaṁ cetasā adhimuccamāno paññāyā-pariyogāhamāno.|| ||

So pañcannaṁ oram-bhāgiyānaṁ saṁyojanānaṁ parikkhayā sa-saṅkhāra-parinibbāyi hoti.|| ||

Ayaṁ chaṭṭhamo puggalo āhuneyyo pāhuneyyo dakkhiṇeyyo añjali-karaṇīyo anuttaraṁ puñña-k-khettaṁ lokassa.|| ||

■

8. Puna ca paraṁ bhikkhave, idh'ekacco puggalo Nibbāne sukhānupassī viharati sukha-saññi sukha-paṭisaṁvedi satataṁ samitaṁ abbokiṇṇaṁ cetasā adhimuccamāno paññāyā-pariyogāhamāno.|| ||

So pañcannaṁ oram-bhāgiyānaṁ saṁyojanānaṁ parikkhayā uddhaṁ-soto hoti Akaniṭṭha-gāmi.|| ||

Ayaṁ bhikkhave, sattamo puggalo āhuneyyo, pāhuneyyo dakkhinayyo añjali-karaṇīyo anuttaraṁ puñña-k-khettaṁ lokassa.|| ||

Ime kho bhikkhave, satta puggalā āhuneyyā pāhuneyyā dakkhiṇeyyā añjali-karaṇīyā anuttaraṁ puñña-k-khettaṁ lokassā ti.|| ||

 

---

^[ed1] BJT and according to Hare, the commentary treats these as three separate suttas which looks likely. They have been arranged here as three separate fully expanded suttas grouped under one title and sutta number to be consistant with the PTS numbering where that version treats the three as one abbreviated sutta.