Aṅguttara Nikāya
Sattaka Nipāta
III: Vajjī Vaggo
Sutta 25
Pañcama Bhikkhū Aparihānīya Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati.|| ||
Satta vo bhikkhave,||
aparihānīye dhamme desissāmi.|| ||
Taṃ sunātha||
sādhukaṃ||
manasi-karotha||
bhāsissāmi ti.
'Evaṃ bhante' ti kho te bhikkhū Bhagavato paccassosuṃ.|| ||
Bhagavā etad avoca:|| ||
2. Katame ca bhikkhave, satta aparihānīyā dhammā?|| ||
Yāva kīvañ ca bhikkhave, bhikkhū anicca-saññaṃ bhāvessantī,||
vuddhi yeva bikkhave,||
bhikkhūnaṃ pāṭikaṅkhā||
no parihānīti.|| ||
Yāva kīvañ ca bhikkhave, bhikkhū anatta-saññaṃ bhāvessanti,||
vuddhi yeva bikkhave,||
bhikkhūnaṃ pāṭikaṅkhā||
no parihānīti.|| ||
Yāva kīvañ ca bhikkhave, bhikkhu asubha-saññaṃ bhāvessanti,||
vuddhi yeva bikkhave,||
bhikkhūnaṃ pāṭikaṅkhā||
no parihānīti.|| ||
Yāva kīvañ ca bhikkhave, bhikkhū ādīnava-saññaṃ bhāvessanti,||
vuddhi yeva bikkhave,||
bhikkhūnaṃ pāṭikaṅkhā||
no parihānīti.|| ||
Yāva kīvañ ca bhikkhave, bhikkhū pahāna-saññaṃ bhāvessanti,||
vuddhi yeva bikkhave,||
bhikkhūnaṃ pāṭikaṅkhā||
no parihānīti.|| ||
Yāva kīvañ ca bhikkhave bhikkhu virāga-saññaṃ bhāvessanti,||
vuddhi yeva bikkhave,||
bhikkhūnaṃ pāṭikaṅkhā||
no parihānīti.|| ||
Yāva kīvañ ca bhikkhave, bhikkhū nirodha-saññaṃ bhāvessanti, vuddhi yeva bhikkhave, bhikkhūnaṃ pāṭikaṅkhā no parihānī.|| ||
Yāva kīvañ ca bhikkhave, ime satta aparihānīyā dhammā bhikkhusu ṭhassanti.|| ||
Imesu ca sattasu aparihānīyesu dhammesu bhikkhū sandissanti,||
vuddhi yeva bhikkhave,||
bhikkhūnaṃ pāṭikaṅkhā||
no parihānī ti.
