Upāsaka Aparihānīya Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] EVAṀ ME SUTAṀ.|| ||

Sāvatthi nidānaṁ|| ||

Satt'ime bhikkhave, dhammā upāsakassa parihānāya saṁvaṭṭanti.|| ||

Katame satta?|| ||

2. Bhikkhu dassanaṁ hāpeti.|| ||

■

Sad'Dhamma-savaṇaṁ pamajjati.|| ||

■

Adisīle na sikkhati.|| ||

■

A-p-pasāda-bahulo hoti bhikkhūsu||
theresu c'eva||
navesu ca||
majjhamesu ca.|| ||

■

Upārambha-citto Dhammaṁ suṇāti randha-gavesī.|| ||

■

Ito ca bahiddhā dakkhiṇeyyaṁ gavesati.|| ||

■

Idha ca pubba-kāraṁ karoti.|| ||

Ime kho bhikkhave, satta dhammā upāsakassa parihānāya saṁvaṭṭanti.|| ||

Satt'imi bhikkhave, dhammā upāsakassa aparihānāya saṁvaṭṭanti.|| ||

Katame satta?|| ||

Bhikkhu-dassanaṁ na hāpeti.|| ||

■

Sad'Dhamma-savaṇaṁ na p-pamajjati.|| ||

■

Adhisīle sikkhati.|| ||

■

Pasāda-bahulo hoti bhikkhūsu theresu c'eva||
navesu ca||
majjhamesu ca.|| ||

■

Anupārambha-citto dhammaṁ suṇāti||
na randha-gavesī.|| ||

■

Na ito bahiddhā dakkhiṇeyyaṁ gavesati.|| ||

■

Idha ca pubba-kāraṁ karoti.|| ||

Ime kho bhikkhave, satta dhammā upāsakassa aparivānāya saṁvaṭṭantī ti.|| ||

Dassanaṁ bhāvit'attāṇaṁ yo hāpeti upāsako,||
Savaṇaṁ ca ariya-Dhammānaṁ adisile na sikkhati.|| ||

Appasādo ca bhikkhūsu bhiyyo bhiyyo pavaḍḍhati,||
Upārambha-citto ca Sad'Dhammaṁ sotumicchati.|| ||

Ito ca bhahiddhā aññaṁ dakkhiṇeyyaṁ gavesati,||
Tatth'eva ca pubba-kāraṁ yo karoti upāsako,|| ||

Ete kho parihānīye satta dhamme sudesite,||
Upāsako seva-māno Sad'Dhammā parihāyati.|| ||

Dassanaṁ bhāvit'attāṇaṁ yo na hāpeti upāsako,||
Savaṇaṁ ca ariya-Dhammānaṁ adhisīle ca sikkhati.|| ||

Pasādo c'assa bhikkhūsu bhiyyo bhiyyo pavaḍḍhati,||
Anupārambha-citto ca Sad'Dhammaṁ sotumicchati.|| ||

Na ito bahiddhā aññaṁ dakkhiṇeyyaṁ gavesati,||
Idh'eva ca pubba-kāraṁ yo karoti upāsako.|| ||

Ete ko aparihānīye satta dhamme sudesite,||
Upāsako seva-māno Sad'Dhammā na parihāyatī ti.|| ||