Aṅguttara Nikāya
Sattaka Nipāta
IV. Devatā Vagga

Sutta 35

Mitta Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[31]

[1][pts][than] EVAṀ ME SUTAṀ.||
Ekaṁ samayaṁ Bhagavā Sāvatthiyaṁ viharati.|| ||

"Sattahi bhikkhave, aṅgehi samannāgato mitto sevitabbo.|| ||

Katamehi sattahī?|| ||

Duddadaṁ dadāti,||
dukkaraṁ karoti,||
dukkhamaṁ khamati,||
guyham assa āvikaroti,||
guyhaṁ assa pariguhati,||
āpadāsu na jahati,||
khīṇena nātimaññati.|| ||

Imehi kho bhikkhave, sattah'aṅgehi samannāgato bhikkhu mitto sevitabbo" ti.|| ||

 

---

 

Duddadaṁ dadāti cittaṁ dukkaraṁ cāpi kubbati,||
Atho pissa duruttāni khamati dukkhamāni pi.|| ||

Guyhaṁ c'assa akkhāti guyhassa pariguhati,||
Āpadāsu na jāhāti khīṇena nātimaññati,|| ||

Yasmiṁ etāni ṭhānāni saṁvijjantīdha puggale,||
So mitto mitta-kāmena bhajitabbo tathāvidho ti.|| ||