Aṅguttara Nikāya
Sattaka Nipāta
IV. Devatā Vagga

Sutta 39

Paṭhama Niddasa-Vatthu Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[34]

[1][pts] EVAṀ ME SUTAṀ.|| ||

Ekaṁ samayaṁ Bhagavā Sāvatthiyaṁ viharati Jetavane anātha piṇḍikassa ārāme.|| ||

Atha ko āyasmā Sāriputto pubbaṇha-samayaṁ nivāsetvā patta-cīvaraṁ ādāya Sāvattiyaṁ piṇḍāya pāvisi.|| ||

Atha kho āyasmato Sāri- [35] puttassa etad ahosi:|| ||

'Atippago kho tāva Sāvatthiyaṁ piṇḍāya carituṁ,||
yan nūn-ā-haṁ yena aññatittiyānaṁ paribbājakānaṁ ārāmo ten'upasaṅkameyyan' ti.|| ||

Atha kho āyasmā Sāriputto yena añña-titthiyānaṁ paribbājakānaṁ ārāmo ten'upasaṅkami.|| ||

Upasaṅkamitvā tehi añña-titthiyehi paribbājakehi saddiṁ sammodi.|| ||

Sammodanīyaṁ kathaṁ sārāṇīyaṁ vīti-sāretvā eka-m-antaṁ nisīdi.|| ||

2. Tena kho pana samayena tesaṁ añña-titthiyānaṁ paribbājakānaṁ sanni-sinnānaṁ sanni-panitānaṁ ayam antarā kathā udapādi:|| ||

'Yo hi koci āvuso, dvādasa vassāni paripuṇṇaṁ parisuddhaṁ Brahma-cariyaṁ carati,|| ||

"Niddaso bhikkhū," ti|| ||

alaṁ vacanāyā' ti.|| ||

Atha kho āyasmā Sāriputto tesaṁ añña-titthiyānaṁ paribbājakānaṁ bhāsitaṁ||
n'eva abhinandi||
na p-paṭikkosi;||
anabhinan'ditvā a-p-paṭikkositvā uṭṭhāy āsanā pakkāmi:|| ||

'Bhagavato santike etassa bhāsitassa atthaṁ ājāni-s-sāmī' ti.|| ||

 

§

 

3. Atha kho āyasmā Sāriputto Sāvattiyā piṇḍāya caritvā pacchā-bhattaṁ piṇḍa-pāta-paṭikkanto yena Bhagavā ten'upasaṅkami.|| ||

Upasaṅkamitvā Bhagavantaṁ abhivādetvā eka-m-antaṁ nisīdi.|| ||

Eka-m-antaṁ nisinno kho āyasmā Sāriputto Bhagavantaṁ etad avoca:|| ||

'Idh'āhaṁ bhante, pubbaṇha-samayaṁ nivāsetvā patta-cīvaraṁ ādāya Sāvatthiyaṁ piṇḍāya pāvisiṁ.|| ||

Tassa mayhaṁ bhante, etad ahosi:|| ||

Atippago kho tāva Sāvatthiyaṁ piṇḍāya carituṁ,||
yan nūn-ā-haṁ yena aññatittiyānaṁ paribbājakānaṁ ārāmo ten'upasaṅkameyyan ti.|| ||

Atha khv'āhaṁ bhante, yena añña-titthiyānaṁ paribbājakānaṁ ārāmo ten'upasaṅkamiṁ.|| ||

Upasaṅkamitvā tehi aññatittiyehi paribbājakehi saddhiṁ sammodiṁ.|| ||

Sammodanīyaṁ kathaṁ sārāṇīyaṁ vīti-sāretvā eka-m-antaṁ nisidiṁ.|| ||

Tena kho pana bhante, samayena tesaṁ añña-titthiyānaṁ paribbājakānaṁ sanni-sinnānaṁ [36] sanni-patitānaṁ ayam antarā-kathā udapādi:|| ||

'Yo hi koci āvuso, dvādasa vassāni paripuṇnaṁ parisuddhaṁ Brahma-cariyaṁ carati,|| ||

"Niddaso bhikkhū," ti|| ||

alaṁ vacanāyā' ti.|| ||

Atha khīvāhaṁ bhante, tesa añña-titthiyānaṁ paribbājakānaṁ bhāsitaṁ n'eva abhinandiṁ, na paṭikkosiṁ;||
anabhinan'ditvā a-p-paṭikkositvā uṭṭhāy āsanā pakkāmiṁ|| ||

'Bhagavato santike etassa bhāsitassa atthaṁ ājānissāmi, ti.|| ||

Sakkā nu kho bhante, imasmiṁ Dhamma-Vinaye kevalaṁ vassagaṇanamattena niddāso bhikkhū paññapetūn' ti?|| ||

■

'Na kho Sāriputta, sakkā imasmiṁ Dhamma-Vinaye kevalaṁ vassagaṇanamattena niddaso bhikkhū paññāpetuṁ.|| ||

Satta kho imāni Sāriputta, niddasa-vatthūni mayā sayaṁ abhiññā sacchi-katvā paveditāni.|| ||

Katamāni satta?|| ||

4. Idha Sāriputta, bhikkhu sikkhā-samādāne tibba-c-chando hoti||
āyatiñ ca sikkhā-samādāne avigata-pemo.|| ||

■

Dhamma-nisantiyā tibba-c-chando hoti||
āyatiñ ca Dhamma-nisantiyā avigata-pemo.|| ||

■

Icchā-vinaye tibba-c-chando hoti,||
āyatiñ ca icchā-vinaye avigata-pemo.|| ||

■

Paṭisallāne tibba-c-chando hoti,||
āyatiñ ca paṭisallāne avigata-pemo.|| ||

■

Viriy'ārambhe tibba-c-chando hoti,||
āyatiñ ca viriyāramhe avigata-pemo.|| ||

■

Sati-nepakke tibba-c-chando hoti,||
āyatiñ ca sati-nepakke avigata-pemo.|| ||

■

Diṭṭipaṭivedhe tibba-c-chando hoti,||
āyatiñ ca diṭṭipaṭivadhe aigatapemo.|| ||

Imāni kho Sāriputta, satta niddasa-vatthūni mayā sayaṁ abhiññā sacchi-katvā pavaditāni.|| ||

 

§

 

5. Imehi kho Sāriputta, sattahi niddasavatthūhi,||
samannāgato bhikkhū dvādasa ce pi vassāni paripuṇṇaṁ parisuddhaṁ Brahma-cariyaṁ carati,||
"Niddaso bhikkhū"||
ti alaṁ vacanāya.|| ||

Catu-vīsatiṁ ce pi vassāni paripuṇṇaṁ parisuddhaṁ Brahma-cariyaṁ carati,||
"Niddaso bhikkhū"||
ti [37] alaṁ vacanāya.|| ||

Cha-t-tiṁsati ce pi vassāni paripuṇṇaṁ parisuddhaṁ Brahma-cariyaṁ carati,||
"Niddaso bhikkhū"||
ti alaṁ vacanāya.|| ||

Aṭṭha-cattārīsañ ce pi vassāni paripuṇṇaṁ parisuddhaṁ Brahma-cariyaṁ carati,||
"Niddaso bhikkhū"||
ti alaṁ vacanāya' ti.|| ||