Aṇguttara Nikāya
Sattaka Nipāta
IV. Devatā Vagga
Sutta 40
Dutiya Niddasa-Vatthu Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Kosambīyaṃ viharati Ghositārāme.|| ||
Atha ko āyasmā Ānando pubbaṇha-samayaṃ nivāsetvā patta-cīvaraṃ ādāya Kosambīyaṃ piṇḍāya pāvisi.|| ||
Atha kho āyasmato Ānandassa etad ahosi:|| ||
Atippago kho tāva Kosambīyaṃ piṇḍāya carituṃ,||
yan nūn-ā-haṃ yena aññatittiyānaṃ paribbājakānaṃ ārāmo ten'upasaṇkameyyan' ti.|| ||
Atha kho āyasmā Ānando yena aññatittiyānaṃ paribbājakānaṃ ārāmo ten'upasaṇkami.|| ||
Upasaṇkamitvā tehi aññatittiyehi paribbājakehi saddhiṃ sammodi.
Sammodaniyaṃ kathaṃ sārāṇīyaṃ vīti-sāretvā eka-m-antaṃ nisidi.|| ||
Tena kho pana samayena tesaṃ añña-titthiyānaṃ paribbājakānaṃ sanni-sinnānaṃ sanni-patitānaṃ ayam antarā-kathā udapādi:|| ||
'Yo hi koci āvuso, dvādasa vassāni paripuṇṇaṃ parisuddhaṃ Brahma-cariyaṃ carati,|| ||
"Niddaso bhikkhū," ti|| ||
alaṃ vacanāyā' ti.|| ||
Atha kho āyasmā Ānando tesaṃ aññātittiyānaṃ paribbājakānaṃ bhāsitaṃ n'eva abhinandi, na paṭikkosi.|| ||
Anabhinan'ditvā a-p-paṭikkositvā uṭṭhāy āsanā pakkāmi|| ||
"Bhagavato santike etassa bhāsitassa atthaṃ ājānissāmi," ti.|| ||
4. Atho kho āyasmā Ānando Kosambīyāṃ piṇḍāya caritvā pacchā-bhattaṃ piṇḍa-pāta-paṭikkanto yena Bhagavā ten'upasaṇkami.|| ||
Upasaṇkamitvā Bhagavantaṃ abhivādetvā eka-m-antaṃ nisīdi.|| ||
Eka-m-antaṃ nisinno kho āyasmā Ānando [38] Bhagavantaṃ etad avoca:|| ||
'Idh'āhaṃ bhante, pubbaṇha-samayaṃ nivāsetvā patta-cīvaraṃ ādāya Kosambīyaṃ piṇḍāya pāvisiṃ.|| ||
Tassa mayhaṃ bhante, etad ahosi:|| ||
'Atippago kho tāva Kosambīyaṃ pīṇḍāya carituṃ,||
yan nūn-ā-haṃ yana aññatittiyānaṃ paribbājakānaṃ ārāmo ten'upasaṇkameyyan' ti.|| ||
Atha khv'āhaṃ bhante, yena aññatittiyānaṃ paribbājakānaṃ ārāmo ten'upasaṇkamiṃ.|| ||
Upasaṇkamitvā tehi aññatittiyehi paribbājakehi saddhiṃ sammodiṃ.|| ||
Sammodanīya kathaṃ sārāṇīyaṃ vīti-sāretvā eka-m-antaṃ nisīdiṃ.|| ||
Tena kho pana bhante, samayena tesaṃ aññatittiyānaṃ paribbājakānaṃ sanni-sinnānaṃsanni-patitānam ayam antarā-kathā udapādi:|| ||
'Yo hi koci āvuso, dvādasa vassāni paripunṇaṃ parisuddhaṃ Brahma-cariyaṃ carati,|| ||
"Niddaso bhikkhū" ti|| ||
alaṃ vacanāyā' ti.|| ||
Atha khv'āhaṃ bhante, tesaṃ añña-titthiyānaṃ paribbājakānaṃ bhāsitaṃ n'eva abhinandiṃ, na paṭikkosiṃ.|| ||
Anabhinan'ditvā a-p-paṭikkositvā uṭṭhāy āsanā pakkamiṃ:|| ||
"Bhagavato santike etassa bhāsitassa atthaṃ ājāni-s-sāmī," ti.|| ||
Sakkā nu kho bhante, imasmiṃ Dhamma-Vinaye kevalaṃ vassagaṇanamattena|| ||
"Niddaso bhikkhū" ti|| ||
paññāpetun' ti?|| ||
No kho sakkā imasmiṃ Dhamma-Vinaye kevalaṃ vassagaṇanamattena niddaso bhikkhū paññāpetuṃ.|| ||
Satta kho imāni Ānanda,||
niddasa-vatthūni mayā sayaṃ abhiññā sacchi-katvā paveditāni.|| ||
Katamāni satta?|| ||
5. Idh'Ānanda, bhikkhu saddho hoti||
hirimā hoti||
ottapī hoti||
bahu-s-suto hoti||
āraddha-vīriyo hoti||
satimā hoti||
paññavā hoti.|| ||
Imāni kho Ānanda satta niddasavatthuni mayā sayaṃ abhiññā sacchi-katvā paveditāni.|| ||
[39] 6. Imehi kho Ānanda sattahi niddasavatthuhi samannāgato bhikkhū dvādasa ce pi vassāni paripuṇṇaṃ pirisuddhaṃ Brahma-cariyaṃ carati,||
"Niddaso bhikkhū" ti||
alaṃ vacanāyāi.|| ||
Catu-vīsatiñ ce pi vassāni paripuṇṇaṃ parisuddhaṃ Brahma-cariyaṃ carati,||
"Niddaso bhikkhū" ti||
alaṃ vacanāyā.|| ||
Cha-t-tiṃsati ce pi vassāni paripuṇṇaṃ parisuddhaṃ Brahma-cariyaṃ carati,||
"Niddaso bhikkhū" ti||
alaṃ vacanāyā.|| ||
Aṭ vattārisañ ce pi vassāni paripuṇṇaṃ parisuddhaṃ Brahma-cariyaṃcarati,||
"Niddaso bhikkhū" ti||
alaṃ vacanāyā' ti.|| ||
