Aṅguttara Nikāya
VIII. Aṭṭhaka Nipāta
V. Uposatha Vagga
Sutta 50
Dutiya Idha-Loka-Vijaya Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evaṃ me sutaṃ:|| ||
Ekaṃ samayaṃ Bhagavā Sāvatthiyaṃ viharati Pubbārāme Migāra-mātu pāsāde.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
2. Catuhi kho bhikkhave, dhammehi samannāgato mātu-gāmo idha-loka-vijayāya paṭipanno hoti,||
ayaṃsā loko āraddho hoti.|| ||
Katamehi catūhi?|| ||
3. Idha bhikkhave, mātu-gāmo su-saṃvihita-kammanto hoti saṅghahita-parijanā,||
bhattu manāpaṃ carati,||
sambhataṃ anurakkhati.|| ||
■
4. Kathañ ca bhikkhave, mātu-gāmo su-saṃvihita-kammanto hoti?|| ||
Idha bhikkhave, mātu-gāmo ye te bhattu abbhantarā kammantā 'uṇṇā' ti vā 'kappāsā' ti vā,||
tattha dakkhā hoti analasā,||
tatrupāyāya vimaṃsāya samannāgatā alaṃ kātuṃ alaṃ saṃvidhātuṃ.|| ||
Evaṃ kho bhikkhave, mātu-gāmo susaṃ [270] vihita-kammanto hoti.|| ||
■
5. Kathañ ca bhikkhave mātu-gāmo saṅgahita-parijano hoti?|| ||
Idha bhikkhave mātu-gāmo yo so bhattu abbhantaro antojano 'dāsā' ti vā 'pessā' ti vā 'kamma-karā' ti vā,||
tesaṃ katañ ca katato jānāti.|| ||
Akatañ ca akatato jānāti,||
gilāna-kānāñ ca bal-ā-balaṃ jānāti,||
khādanīya-bhojanīyañ c'assa paccaṃsena saṃvibhajati.|| ||
Evaṃ kho bhikkhave, mātu-gāmo saṅgahita-parijano hoti.|| ||
■
6. Katañ ca bhikkhave, mātu-gāmo bhattu manāpaṃ carati?|| ||
Idha bhikkhave, mātu-gāmo yaṃ bhattu amanāpa-saṅkhātaṃ,||
taṃ jīvitahetu pi na ajjhāvarati.|| ||
Evaṃ kho bhikkhave, mātu-gāmo bhattu manāpaṃ carati.|| ||
■
7. Kathañ ca bhikkhave mātu-gāmo sambhataṃ anurakkhati?|| ||
Idha bhikkhave, mātu-gāmo yaṃ bhattā āharati dhanaṃ vā dhaññaṃ vā rajataṃ vā jāta-rūpaṃ vā,||
taṃ ārakkhena guttiyā sampādeti.|| ||
Tattha ca hoti adhutti athenī asoṇḍī avināsikā.|| ||
Evaṃ kho bhikkhave, mātu-gāmo samabhataṃ anurakkhati.|| ||
Imehi kho bhikkhave, catūhi dhammehi samannāgato mātu-gāmo idha loka-vijayāya paṭipanno hoti,||
ayaṃsā loko āraddho hoti.|| ||
§
8. Catuhi kho bhikkhave, dhammehi samannāgato mātu-gāmo paraloka-vijayāya paṭipanno hoti,||
parassā loko āraddho hoti.|| ||
Katamehi catūhi?|| ||
9. Idha bhikkhave, mātu-gāmo saddhā sampanno hoti,||
sīla-sampanno hoti,||
cāga-sampanno hoti,||
paññā-sampanno hoti.|| ||
■
10. Kathañ ca bhikkhave mātu-gāmo saddhā-sampanno hoti?|| ||
Idha bhikkhave, mātu-gāmo saddho hoti,||
sadda-hati Tathāgatassa bodhiṃ||
'iti pi so Bhagavā arahaṃ Sammā Sambuddho vijjā-caraṇa-sampanno Sugato loka-vidū anuttaro purisa-damma-sārathī Satthā deva-manussānaṃ Buddho Bhagavā' ti.|| ||
Evaṃ kho bhikkhave, mātu-gāmo saddhā-sampanno hoti.|| ||
■
11. Kathañ ca bhikkhave, mātu-gāmo sīla-sampanno hoti?|| ||
Idha bhikkhave mātu-gāmo pāṇ-ā-tipātā paṭiviratā hoti,||
adinn'ādānā paṭiviratā hoti||
kāmesu micchā-cārā paṭiviratā hoti||
musā-vādā paṭiviratā hoti||
surā-mera-yamajja-pamā-daṭṭhānā paṭiviratā hoti.|| ||
Evaṃ kho bhikkhave, mātu-gāmo sīla sampannā hoti.|| ||
■
12. Kathañ ca bhikkhave, mātu-gāmo cāga-sampanno hoti?|| ||
Idha bhikkhave mātu-gāmo vigata-mala-maccherena cetasā agāraṃ ajjhā-vasati muttācāgā payata-pāṇī vossagga-ratā yā cayogā dāna-saṃvibhāga-ratā.|| ||
Evaṃ kho bhikkhave, mātu-gāmo cāga-sampannā hoti.|| ||
■
13. Kathañ ca bhikkhave, mātu-gāmo paññā-sampanno hoti?|| ||
Idha bhikkhave, mātu-gāmo paññavā hoti uday'attha-gāminiyā paññāya samannāgato ariyāya nibbedhi-kāya sammā-dukkha-k-khaya-gāminiyā.|| ||
Evaṃ kho bhikkhave, mātu-gāmo paññā-sampannā hoti.|| ||
Imehi kho bhikkhave, catūhi dhammehi samannāgato mātu-gāmo paraloka-vijayāya paṭipannā hoti,||
parassa loko āraddho hotī ti.|| ||
Susaṃvihita-kammantā saṅgahīta-parijjanā||
Bhattu manāpaṃ carati sambhataṃ anurakkhati.|| ||
Saddhā sīlena sampannā vadaññū vītamaccharā,||
Niccaṃ Maggaṃ visodheti sotthānaṃ samparāyikaṃ|| ||
Icc'ete aṭṭha dhammā ca yassā vijjanti nāriyā,||
Tam pi sīla-vatiṃ āhu dhamm'aṭṭhaṃ saccāvadiniṃ.|| ||
Soḷas-ā-kāra-sampannā aṭṭh'aṅga-susamāgatā,||
Tādisī sīla-vatī upāsikā uppajjati deva-lokaṃ manāpaṃ.|| ||
