Aṅguttara Nikāya
Atthaka Nipāta
Rāgādi Peyyālaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Sutta 94
Aṭṭha-Maggaṅga Suttaṃ
[94.1][pts][bodh] Evaṃ me sutaṃ:|| ||
Ekaṃ samayaṃ Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
"Rāgassa bhikkhave pariññāya aṭṭha dhammā bhāvetabbā.|| ||
Katame aṭṭha?|| ||
Sammā-diṭṭhi,||
sammā-saṅkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi.|| ||
Rāgāssa bhikkhave pariññāya ime aṭṭhadhammā bhāvetabbā" ti.|| ||
Sutta 95
Abhibhāyatana Suttaṃ
[95.1][pts] Evaṃ me sutaṃ:|| ||
Ekaṃ samayaṃ Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
"Rāgassa bhikkhave pariññāya aṭṭha dhamma bhāvetabbā.|| ||
Katamāni aṭṭha?|| ||
2. Ajjhattaṃ rūpa-saññī eko bahiddhā rūpāni passati parittāni su-vaṇṇa-du-b-baṇṇāni.|| ||
'Tāni abhibhuyya jānāmi passāmī' ti||
evaṃ saññī hoti.|| ||
3. Ajjhattaṃ rūpa-saññī eko bahiddhā rūpāni passati appamāṇāni su-vaṇṇa-du-b-baṇṇāni.|| ||
'Tāni abhibhuyya jānāmi passāmī' ti evaṃ saññi hoti.|| ||
4. Ajjhattaṃ arūpa-saññī eko bahiddhā rūpāni passati parittāni su-vaṇṇa-du-b-baṇṇāni.|| ||
'Tāni abhibhuyya jānāmi passāmī' ti evaṃ saññi hoti.|| ||
5. Ajjhattaṃ arūpa-saññī eko bahiddhā rūpāni passati appamāṇāni su-vaṇṇa-du-b-baṇṇāni.|| ||
'Tāni abhibhuyya jānāmi passāmī' ti evaṃ saññi hoti.|| ||
Idaṃ catutthaṃ abhibh'āyatanaṃ.|| ||
6. Ajjhattaṃ arūpa-saññī eko bahiddhā rūpāni passati nilāni nīla-vaṇṇāni nīlani-dassanāni nīlani-bhāsāni.|| ||
'Tāni abhibhuyya jānāmi passāmī' ti evaṃ saññi hoti.|| ||
7. Ajjhattaṃ arūpa-saññī eko bahiddhā rūpāni passati pītāni pīnata-vaṇnāni pītani-dassanāni pītani-bhāsāni.|| ||
'Tāni abhibhuyya jānāmi passāmī' ti evaṃ saññi hoti.|| ||
8. Ajjhattaṃ arūpa-saññī eko bahiddhā rūpāni passati lohita-kāni lohitaka-vaṇṇāni lohitakani-dassanāni lohitakani-bhāsāni.|| ||
'Tāni abhibhuyya jānāmi passāmī' ti evaṃ saññi hoti.|| ||
9. Ajjhattaṃ arūpa-saññī eko bahiddhā rūpāni passati odātāni oda-vaṇṇātāni odātani-dassanāni odātani-bhāsāni.|| ||
'Tāni abhibhuyya jānāmi passāmī' ti evaṃ saññi hoti.|| ||
"Rāgassa bhikkhave pariññāya imi aṭṭha dhamma bhāvetabbā ti.|| ||
Sutta 96
Aṭṭha-Vimokkha Suttaṃ
[96.1][pts] Evaṃ me sutaṃ:|| ||
Ekaṃ samayaṃ Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
"Rāgassa bhikkhave pariññāya aṭṭha dhamma bhāvetabbā.|| ||
Katamāni aṭṭha?|| ||
2. Rūpi rūpāni passati.|| ||
2. Ajjhattaṃ arūpa-saññī eko bahiddhā rūpāni passati.|| ||
3. Subhan t'eva adhimutto hoti.|| ||
4. Sabbaso rūpa-saññānaṃ samati-k-kamā paṭigha-saññānaṃ atthaṅ-gamā nānatta-saññānaṃ amana-sikārā|| ||
'Anatto ākāso' ti|| ||
Ākāsanañ-c'āyatanaṃ upasampajja viharati.|| ||
5. Sabbaso Ākāsanañ-c'āyatanaṃ samati-k-kamma|| ||
'Anattaṃ viññāṇan' ti|| ||
Viññāṇañ-c'āyatanaṃ upasampajja viharati.|| ||
6. Sabbaso Viññāṇañ-c'āyatanaṃ samati-k-kamma|| ||
'N'atthi kiñcī' ti|| ||
Ākiñcaññ'āyatanaṃ upasampajja viharati.|| ||
7. Sabbaso Ākiñcaññ'āyatanaṃ samati-k-kamma||
N'eva-saññā-nā-saññ'āyatanaṃ upasampajja viharati.|| ||
8. Sabbosa N'eva-saññā-nā-saññ'āyatanaṃ samati-k-kamma||
saññā-vedayitaṃ nirodhaṃ upasampajja viharati.|| ||
Ime kho bhikkhave aṭṭha vimokkhā ti.|| ||
"Rāgassa bhikkhave pariññāya ime aṭṭha dhamma bhāvetabbā.|| ||
[Following the pattern in the above three suttas:]
97: AṭṭhaMaggaṅga: rāgassa pari-k-khayāya
98: Abhibhāyatana: rāgassa pari-k-khayāya
99: Aṭṭhavimokkha: rāgassa pari-k-khayāya
100: AṭṭhaMaggaṅga: rāgassa pahānāya
101: Abhibhāyatana: rāgassa pahānāya
102: Aṭṭhavimokkha: rāgassa pahānāya
103: AṭṭhaMaggaṅga: rāgassa khayāya
104: Abhibhāyatana: rāgassa khayāya
105: Aṭṭhavimokkha: rāgassa khayāya
106: AṭṭhaMaggaṅga: rāgassa vayāya
107: Abhibhāyatana: rāgassa vayāya
108: Aṭṭhavimokkha: rāgassa vayāya
109: AṭṭhaMaggaṅga: rāgassa virāgāya
110: Abhibhāyatana: rāgassa virāgāya
111: Aṭṭhavimokkha: rāgassa virāgāya
112: AṭṭhaMaggaṅga: rāgassa nirodhāya
113: Abhibhāyatana: rāgassa nirodhāya
114: Aṭṭhavimokkha: rāgassa nirodhāya
115: AṭṭhaMaggaṅga: rāgassa cāgāya
116: Abhibhāyatana: rāgassa cāgāya
117: Aṭṭhavimokkha: rāgassa cāgāya
118: AṭṭhaMaggaṅga: rāgassa paṭinissaggaāya
119: Abhibhāyatana: rāgassa paṭinissaggaāya
120: Aṭṭhavimokkha: rāgassa paṭinissaggaāya
