Aṅguttara Nikāya
IX. Navaka Nipāta
II. Sīhanāda Vagga

Sutta 12

Sa-Upādisesa Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[351]

[1][pts][olds][upal] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati||
Jetavane Anāthapiṇḍikassa ārāme.|| ||

Atha kho āyasmā Sāriputto pubbaṇha-samayaṁ nivāsetvā patta-cīvaram ādāya Sāvatthiṁ piṇḍāya pāvisi.|| ||

Atha kho āyasmato Sāriputtassa etad ahosi:|| ||

"Atippago kho tāva Sāvatthiyaṁ piṇḍāya carituṁ,||
yan nūn-ā-haṁ yena añña-titthiyānaṁ paribbājakānaṁ ārāmo ten'upasaṅkameyyan" ti.|| ||

Atha kho āyasmā Sāriputto yena añña-titthiyānaṁ paribbājakānaṁ ārāmo ten'upasaṅkamī.|| ||

Upasaṅkamitvā tehi añña-titthiyehi paribbājakehi saddhiṁ sammodi,||
sammodanīyaṁ kathaṁ sārāṇīyaṁ vīti-sāretvā eka-m-antaṁ nisīdi.|| ||

2. Tena kho pana samayena tesaṁ añña-titthiyānaṁ paribbājakānaṁ sannisnnānaṁ sanni-patitānaṁ ayam antarā-kathā udapādi:|| ||

"So hi koci āvuso sa-upādiseso kālaṁ karoti,||
sabbo so aparimutto Nirayā,||
aparimutto tiracchāna-yoniyā,||
aparimutto petti-visayā,||
aparimutto apāya,||
duggati,||
vinipātā" ti.|| ||

3. Atha kho āyasmā Sāriputto tesaṁ añña-titthiyānaṁ paribbājakānaṁ bhāsitaṁ||
n'eva abhinandi,||
na paṭikkosi.|| ||

Anabhinan'ditvā appaṭikositvā uṭṭhāy āsanā pakkāmi,||
"Bhagavato santike etassa bhāsitassa atthaṁ ājāni-s-sāmī" ti.|| ||

Atha kho āyasmā Sāriputto Sāvatthiyaṁ piṇḍāya caritvā pacchā-bhattaṁ piṇḍa-pāta-paṭikkanto yena Bhagavā ten'upasaṅkami.|| ||

Upasaṅkamitvā Bhagavantaṁ abhivādetvā eka-m-antaṁ nisīdi.|| ||

Eka-m-antaṁ nisinno kho āyasmā Sāriputto Bhagavantaṁ etad avoca:|| ||

"Idāhaṁ bhante pubbaṇha-samayaṁ nivāsetvā patta-cīvaram ādāya Sāvatthiṁ piṇḍāya pāvisiṁ.|| ||

Tassa mayhaṁ bhante etad ahosi:|| ||

'Atippago kho tāva Sāvatthiyaṁ piṇḍāya carituṁ,||
yan nūn-ā-haṁ yena añña-titthiyānaṁ paribbājakānaṁ ārāmo ten'upasaṅkameyyan' ti.|| ||

Atha khv'āhaṁ bhante yena añña-titthiyānaṁ paribbājakānaṁ ārāmo ten'upasaṅkamiṁ,||
upasaṅkamitvā tehi añña-titthiyehi paribbājakehi saddhiṁ sammodiṁ.|| ||

Sammodanīyaṁ kathaṁ sārāṇīyaṁ vīti-sāretvā eka-m-antaṁ nisīdiṁ.|| ||

Tena kho pana bhante samayena tesaṁ añña-titthiyānaṁ paribbājakānaṁ sanni-sinnānaṁ sanni-patitānaṁ ayam antarākatha udapādi:|| ||

'Yo hi koci āvuso sa-upādiseso kālaṁ karoti,||
sabbo so aparimutto Nirayā,||
aparimutto tiracchāna-yoniyā,||
aparimutto petti-visayā,||
aparimutto apāya duggati vinipātā' ti.|| ||

Atha khv'āhaṁ bhante tesaṁ añña-titthiyānaṁ paribbājakānaṁ bhāsitaṁ||
n'eva abhinandiṁ||
na paṭikkosiṁ.|| ||

Anabhinan'ditvā a-p-paṭikkositvā uṭṭhāy āsanā pakkāmiṁ:|| ||

'Bhagavato santike etassa bhāsitassa atthaṁ ājānissāmi' ti.|| ||

 

§

 

4. Keci Sāriputta añña-titthiyā paribbājakā bālā akhyattā,||
keci sa-upādisesaṁ vā 'sa-upādiseso' ti jānissanti,||
anupādisesaṁ vā 'anupādiseso' ti jānissanti.|| ||

■

Nava yime Sāriputta puggalā sa-upādisesā kālaṁ kurumānā parimuttā Nirayā,||
parimutto tiracchāna-yoniyā,||
parimuttā petti-visayā,||
parimuttā apāya duggati vinipātā.|| ||

Katame nava?|| ||

5. Idha Sāriputta ekacco puggalo||
sīlesu paripūra-kārī hoti,||
samādhismiṁ paripūra-kārī||
paññāya na paripūra-kāri.|| ||

So pañcannaṁ oram-bhāgiyānaṁ saṁyojānanaṁ parikkhayā||
antarā-parinibbāyī hoti.|| ||

Ayaṁ Sāriputta, paṭhamo puggalo sa-upādiseso kālaṁ kurumāno parimutto Nirayā,||
parimutto tiracchāna-yoniyā,||
parimutto petti-visayā,||
parimutto apāya duggati vinipātā.|| ||

■

6. Puna ca paraṁ Sāriputta idh'ekacco puggalo||
sīlesu paripūra-kārī hoti,||
samādhismiṁ paripūra-kārī,||
paññāya na paripūra-kāri.|| ||

So pañcannaṁ oram-bhāgiyānaṁ saṁyojānanaṁ parikkhayā upahacca-parinibbāyī hoti.|| ||

Ayaṁ Sāriputta, dutiyo puggalo sa-upādiseso kālaṁ kurumāno parimutto Nirayā,||
parimutto tiracchāna-yoniyā,||
parimutto petti-visayā,||
parimutto apāya duggati vinipātā.|| ||

■

Puna ca paraṁ Sāriputta idh'ekacco puggalo||
sīlesu paripūra-kārī hoti,||
samādhismiṁ paripūra-kārī,||
paññāya na paripūra-kāri.|| ||

So pañcannaṁ oram-bhāgiyānaṁ saṁyojānanaṁ parikkhayā a-saṅkhāra-parinibbāyī hoti.|| ||

Ayaṁ Sāriputta, tatiyo puggalo sa-upādiseso kālaṁ kurumāno parimutto Nirayā,||
parimutto tiracchāna-yoniyā,||
parimutto petti-visayā,||
parimutto apāya duggati vinipātā.|| ||

■

Puna ca paraṁ Sāriputta idh'ekacco puggalo||
sīlesu paripūra-kārī hoti,||
samādhismiṁ paripūra-kārī,||
paññāya na paripūra-kāri.|| ||

So pañcannaṁ oram-bhāgiyānaṁ saṁyojānanaṁ parikkhayā sa-saṅkhāra-parinibbāyī hoti.|| ||

Ayaṁ Sāriputta, catuttho puggalo sa-upādiseso kālaṁ kurumāno parimutto Nirayā,||
parimutto tiracchāna-yoniyā,||
parimutto petti-visayā,||
parimutto apāya duggati vinipātā.|| ||

■

Puna ca paraṁ Sāriputta idh'ekacco puggalo||
sīlesu paripūra-kārī hoti,||
samādhismiṁ paripūra-kārī||
paññāya na paripūra-kāri.|| ||

So pañcannaṁ oram-bhāgiyānaṁ saṁyojānanaṁ parikkhayā uddhaṁ-soto hoti akaṇiṭṭhagāmī.|| ||

Ayaṁ Sāriputta, pañcamo puggalo sa-upādiseso kālaṁ kurumāno parimutto Nirayā,||
parimutto tiracchāna-yoniyā,||
parimutto petti-visayā,||
parimutto apāya duggati vinipātā.|| ||

■

7. Puna ca paraṁ Sāriputta, idh'ekacco puggalo,||
sīlesu paripūra-kārī hoti,||
samādhismiṁ na paripūra-kārī||
paññāya na paripūra-kāri.|| ||

So tiṇṇaṁ saṁyojānanaṁ parikkhayā rāga-dosa-mohānaṁ tanuttā Sakad'āgāmī hoti,||
sakid eva imaṁ lokaṁ āgantvā dukkhass'antaṁ karoti.|| ||

Ayaṁ Sāriputta, chaṭṭho puggalo sa-upādiseso kālaṁ kurumāno parimutto Nirayā,||
parimutto tiracchāna-yoniyā,||
parimutto petti-visayā,||
parimutto apāya duggati vinipātā.|| ||

■

8. Puna ca paraṁ Sāriputta idh'ekacco puggalo||
sīlesu paripūra kārī hoti,||
samādhismiṁ na paripūra-kāri,||
paññāya na paripūra-kāri.|| ||

So tiṇṇaṁ saṁyojānanaṁ parikkhayā eka-bījī hoti,||
ekaṁ yeva mānusakaṁ bhavaṁ nibbattetvā dukkhass'antaṁ karoti.|| ||

Ayaṁ Sāriputta sattamo puggalo sa-upādiseso kālaṁ kurumāno parimutto Nirayā,||
parimutto tiracchāna-yoniyā,||
parimutto petti-visayā,||
parimutto apāya duggati vinipātā.|| ||

■

9. Puna ca paraṁ Sāriputta idh'ekacco puggalo||
sīlesu paripūra-kārī hoti,||
samādhismiṁ mattasokārī,||
paññāya mattasokārī.|| ||

So tiṇṇaṁ saṁyojānanaṁ parikkhayā kolaṅkolo hoti,||
dve vā tīṇi vā kulāni sandhāvitvā saṁsaritvā dukkhass'antaṁ karoti.|| ||

Ayaṁ Sāriputta, aṭṭhamo puggalo sopādisoso kālaṁ kurumāno parimutto Nirayā,||
parimutto tiracchāna-yoniyā,||
parimutto petti-visayā,||
parimutto apāya duggati vinipātā.|| ||

■

10. Puna ca paraṁ Sāriputta idh'ekacco puggalo||
sīlosu paripūra-kārī hoti||
samādhismiṁ mattasokārī,||
paññāya mattasokārī.|| ||

So tiṇṇaṁ saṁyojānanaṁ parikkhayā satta-k-khatt'uparamo hoti,||
satta-k-khatt'uparamaṁ deve ca mānuse ca sandhāvitvā saṁsaritvā dukkhass'antaṁ karoti.|| ||

Ayaṁ Sāriputta navamo puggalo sa-upādiseso kālaṁ kurumāno parimutto Nirayā,||
parimutto tiracchāna-yoniyā,||
parimutto petti-visayā,||
parimutto apāya duggati vinipātā.|| ||

Keci Sāriputta añña-titthiyā paribbājakā bālā avyattā,||
keci 'sa-upādisesaṁ vā sa-upādisesao' ti jānissanti||
'anupādisesaṁ vā anupādiseso' ti jānissanti.|| ||

Ime kho Sāriputta nava puggalā sa-upādisesā kālaṁ kurumānā parimuttā Nirayā,||
parimuttā tiracchāna-yoniyā,||
parimuttā petti-visayā,||
parimuttā apāya duggati vinipātā.|| ||

 

§

 

Na tāvāyaṁ Sāriputta dhamma-pariyāyo paṭibhāsi bhikkhūnaṁ bhikkhunīnaṁ upāsakānaṁ upāsikānaṁ.|| ||

Taṁ kissa hetu?|| ||

Mā yimaṁ dhamma-pariyāyaṁ sutvā pamādaṁ āhariṁsu,||
api ca mayā Sāriputta dhamma-pariyāyo pañhādhippāyena bhāsito" ti.|| ||