Aṅguttara Nikāya
VIII. Navaka Nipāta
III. Satt'Āvāsa Vagga

Sutta 23

Taṇhā Mūlaka Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[400]

[1][pts] Evaṁ me sutaṁ ekaṁ samayaṁ Bhagavā Sāvātthiyaṁ viharati Jetavane Anāthapiṇḍikassa ārāme.|| ||

"Nava bhikkhave, taṇhā mūlake dhamme desessāmi.|| ||

Taṁ suṇātha, sādhukaṁ manasi-karotha, bhāsissāmī" ti.|| ||

"Evaṁ bhante" ti kho te bhikkhu Bhagavato paccassosuṁ.|| ||

Bhagavā etad avoca:|| ||

"Katame ca bhikkhave, nava tanhā mulakā dhammā?|| ||

2. Taṇhaṁ paṭicca pariyesanā;||
pariyesanaṁ paṭicca lābho;||
lābhaṁ paṭicca vinicchayo;||
viniccayaṁ paṭicca chanda-rāgo;||
chanda-rāgaṁ paṭicca ajjhosānaṁ;||
ajjhosānaṁ paṭicca pariggaho;||
pariggahaṁ paṭicca macchariyaṁ;||
macchiriyaṁ paṭicca ārakkhā,||
ārakkh-ā-dhikaraṇaṁ,||
daṇḍ'ādāna- [401] Satth'ādāna-kalaha-viggaha-vivādā||
tuvaṁ-tuva-pesuñña-musā-vāda||
aneke pāpakā akusalā dhammā sama-bhavanti.|| ||

Ime kho bhikkhave, nava taṇhā mūlakā dhammā" ti.|| ||