Āraññaka-Nāg'Opama Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][than] Evaṁ me sutaṁ:|| ||

Sāvatthi nidānaṁ.|| ||

"Yasmiṁ bhikkhave samaye āraññakassa nāgassa gocara-pasutassa hatthī pi||
hatthiniyo pi||
hattikalabhā pi||
hatthicchā pi||
purato gantvā tiṇaggāni chindanti,||
tena bhikkhave āraññako nāgo aṭṭhiyati harāyati jigucchati.|| ||

Yasmiṁ bhikkhave, samaye āraññakassa nāgassa gocara-pasutassa hatthī pi||
hatthiniyo pi||
hatthikalabhā pi||
hatthicchāpā pi||
ohaggobhaggaṁ sākhābhaṅgaṁ khādanti.|| ||

Tena bhikkhave, āraññako nāgo aṭṭīyati harāyati jigucchati.|| ||

Yasmiṁ bhikkhave,||
samaye āraññakassa nāgassa ogāhaṁ otiṇṇassa hatthī pi||
hatthiniyo pi||
hatthikalabhā pi||
hatthicchāpā pi||
purato purato ganatvā soṇḍāya udakaṁ ālolonti.|| ||

Tena bhikkhave, āraññako nāgo aṭṭīyati harāyati jigucchati.|| ||

Yasmiṁ bhikkhave, samaye āraññakassa nāgassa ogābhaṁ otiṇṇassa hatthīniyo kāyaṁ upanighaṁsantiyo gacchanti,||
tena bhikkhave,||
āraññako nāgo aṭṭhiyati harāyati jigucchati.|| ||

2. Tasmaṁ bhikkhave, samaye āraññakassa nāgāssa evaṁ hoti:||
'ahaṁ kho etarahi ākaṇṇo viharāmi,||
hatthihi hatthinīhi hatthikalabhehi hatthicchāpehi,||
chinnaggāni c'eva tiṇāni khādāmi.|| ||

Obhaggobhaggañ ca me sākhabhaṅgaṁ khādanti.|| ||

Āvilāni ca pānīyāni pivāmi||
ogāhaṁ ca me otiṇṇassa hatthiniyo kāyaṁ upanighaṁsanniyo gaccanti||
yan nūn-ā-haṁ eko gaṇasmā vūpakaṭṭho vihareyyan' ti.|| ||

So aparena samayena eko gaṇasmā vūpakaṭṭho viharati||
accinnaggāni c'eva tiṇāni khādati.|| ||

Ohaggobhaggañ c'assa [436] sākhābhaṅgaṁ na khādanti anāvilāni ca pāniyāni pivati.|| ||

Ogāhañ c'assa otiṇṇassa na hatthiniyo kāyaṁ upanighaṁsanniyo gaccanti.|| ||

Tasmiṁ bhikkhave, samaye āraññakassa nāgāssa evaṁ hoti:||
'Ahaṁ kho pubbe ākiṇṇo vihāsiṁ hatthihi hatthinīhi hatthīkalabhehi hatthiccāpehi,||
chinnaggāni c'eva tiṇāni khādiṁ,||
ohaggobhaggañ ca me sākhābhaṅghaṁ khādiṁsu.|| ||

Āvilāni ca pānīyāni āpāyiṁ,||
ogāhañ ca me otiṇṇassa hatthiniyo kāyaṁ upanighaṁsanniyo agamaṁsu.|| ||

So'haṁ etarahi eko gaṇasmā vūpakaṭṭho viharāmi,||
acchinnaggāni c'eva tiṇāni khādāmi.|| ||

Obhaggobhaggañ ca me sākhābhaṅgaṁ na khādanti||
anāvilāni ca pānīyāni pivāmi,||
ogāhañ ca otiṇnassa na bhatthiniyo kāyāṁ upanighaṁsantiyo gaccantī' ti.|| ||

'So soṇḍāya sākhābhaṅgaṁ bhañjitvā sākhābhaṅgena kāyaṁ parimadditvā atta-mano kaṇḍuṁ saṁhanti.|| ||

[3] Evam eva kho bhikkhave, yasmiṁ samaye bhikku ākiṇṇo viharati||
bhikkhuhi bhikkhunīhi upāsakehi upāsākāhi||
raññā rāja-mahā-mattehi titthiyehi titthiyasāvakehi,||
tasmiṁ samaye bhikkhussa evaṁ hoti:||
'ahaṁ kho etarahi ākiṇṇo viharāmi,||
bhikkhuhī bhikkhunīhi upāsakehi upāsikāhi||
raññā rāja-mahā-mattehi titthiyehi titthiyasāvakehi.|| ||

Yan nūn-ā-haṁ eko gaṇasmā vūpakaṭṭho vihareyyan' ti.|| ||

So vicittaṁ sen'āsanaṁ bhajati araññaṁ [437] rukkha-mūlaṁ pabbataṁ kandaraṁ giri-guhaṁ susānaṁ vana-patthaṁ abbhokāsaṁ palālapuñjaṁ.|| ||

So arañña-gato vā rukkhamūgato vā suññ-ā-gāra-gato vā nisīdati pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭha-petvā.|| ||

So abhijjhaṁ loke pahāya vigatābhijejhana cetasā viharati,||
abhijjhāya cittaṁ parisodheti.|| ||

Vyāpāda-padosaṁ pahāya akhyāpannacitto viharati||
sabba-pāṇa-bhuta-hit-ā-nukampī,||
vyāpāda-padosā cittaṁ parisodheti.|| ||

Thīna middhaṁ pahāya vigata-thīna-middho viharati||
āloka-saññi sato sampajāno,||
thinamiddhā cittaṁ parisodheti.|| ||

Uddhacca-kukkuccaṁ pahāya anuddhato viharati||
ajjhattaṁ vūpasanta-citto uddhacca-kukkuccā cittaṁ parisodheti.|| ||

Vici-kicchaṁ pahāya tiṇṇa-vici-kiccho viharati||
akathaṁ-kathi kusalesu dhammesu,||
vicikicchāya cittaṁ parisodheti.|| ||

So ime pañca nīvaraṇe pahāya cetaso upakkilese paññāya dubbalī-karaṇe vivicc'eva kāmehi||
vivicca akusalehi dhammehi||
sa-vitakkaṁ sa-vicāraṁ||
viveka-jaṁ pīti-sukhaṁ||
paṭhamaṁ-jhānaṁ upasampajja viharati.|| ||