Aṇguttara Nikāya
IX. Navaka Nipāta
VIII. Samma-p-padhāna Vagga
Adapted from the 1995 edition of the digital version of the Sri Lanka Buddha Jayanti Tripitaka Series.
Sutta 73
Sikkhā-Du-b-balya Samma-p-Padhāna Suttaṃ
Sāvatthi nidānaṃ|| ||
"Pañcamāni bhikkhave sikkhā-dubbalyāni.|| ||
Katamāni pañca?|| ||
Pāṇātipāto,||
adinnādānaṃ,||
kāmesu miccācāro,||
musā-vādo,||
surā-mera-yamajja-pamā-daṭṭhānaṃ.|| ||
Imāni kho bhikkhave pañca sikkhā dubbalyāni.|| ||
§
Imesaṃ kho bhikkhave pañcannaṃ sikkhā-dubbalyānaṃ pahānāya||
cattāro samma-p-padhānā bhāvetabbā.|| ||
Katame cattāro?|| ||
Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ||
anuppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ pāpakānaṃ akusalānaṃ dhammānaṃ||
pahānāya chandaṃ janeti vāyamati viriyaṃ ārabhati cittaṃ paggaṇhāti padahati|| ||
■
Anuppannānaṃ kusalānaṃ dhammānaṃ||
uppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ kusalānaṃ dhammānaṃ||
ṭhitiyā asammosāya bhīyyobhāvāya vepullāya bhāvanāya pāripūriyā chandaṃ janeti vāyamati viriyaṃ ārabhati cittaṃ paggaṇhāti padahati.|| ||
Imesaṃ kho bhikkhave pañcannaṃ sikkhā-dubbalyānaṃ pahānāya||
ime cattāro samma-p-padhānā bhāvetabbā" ti.|| ||
Sutta 74
Nīvaraṇa Sammappadhāna Suttaṃ
Sāvatthi nidānaṃ|| ||
"Pañc'imāni bhikkhave nivaraṇāni.|| ||
Katamāni pañca?|| ||
Kāma-c-chanda-nīvaraṇaṃ,||
vyāpāda-nīvaraṇaṃ,||
thīna-middha-nīvaraṇaṃ,||
uddhacca-kukkucca-nīvaraṇaṃ,||
vicikicchā-nīvaraṇaṃ.|| ||
Imāni kho bhikkhave pañca nīvaraṇāni.|| ||
§
Imesaṃ kho bhikkhave pañcannaṃ nīvaraṇānaṃ pahānāya||
cattāro samma-p-padhānā bhāvetabbā.|| ||
Katame cattāro?|| ||
Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ||
anuppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ pāpakānaṃ akusalānaṃ dhammānaṃ||
pahānāya chandaṃ janeti vāyamati viriyaṃ ārabhati cittaṃ paggaṇhāti padahati|| ||
■
Anuppannānaṃ kusalānaṃ dhammānaṃ||
uppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ kusalānaṃ dhammānaṃ||
ṭhitiyā asammosāya bhīyyobhāvāya vepullāya bhāvanāya pāripūriyā chandaṃ janeti vāyamati viriyaṃ ārabhati cittaṃ paggaṇhāti padahati.|| ||
Imesaṃ kho bhikkhave pañcannaṃ nīvaraṇānaṃ pahānāya||
ime cattāro samma-p-padhānā bhāvetabbā" ti.|| ||
Sutta 75
Kāmaguṇa Sammappadhāna Suttaṃ
Sāvatthi nidānaṃ|| ||
"Pañc'ime bhikkhave kāma-guṇā.|| ||
Katame pañca?|| ||
Cakkhu-viññeyyā rūpā iṭṭhā kantā manāpā piya-rūpā kām'ūpasaṃ-hitā rajanīyā.|| ||
Sota-viññeyyā saddā iṭṭhā kantā manāpā piya-rūpā kām'ūpasaṃ-hitā rajanīyā.|| ||
ghāna-viññeyyā gandhā iṭṭhā kantā manāpā piya-rūpā kām'ūpasaṃ-hitā rajanīyā.|| ||
jivhā-viññeyyā rasā iṭṭhā kantā manāpā piya-rūpā kām'ūpasaṃ-hitā rajanīyā.|| ||
kāya-viññeyyā phoṭṭhabbā iṭṭhā kantā manāpā piya-rūpā kām'ūpasaṃ-hitā rajanīyā.|| ||
Ime kho bhikkhave pañca kāma-guṇā.|| ||
§
Imesaṃ kho bhikkhave pañcannaṃ kāma-guṇānaṃ pahānāya||
cattāro samma-p-padhānā bhāvetabbā.|| ||
Katame cattāro?|| ||
Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ||
anuppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ pāpakānaṃ akusalānaṃ dhammānaṃ||
pahānāya chandaṃ janeti vāyamati viriyaṃ ārabhati cittaṃ paggaṇhāti padahati|| ||
■
Anuppannānaṃ kusalānaṃ dhammānaṃ||
uppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ kusalānaṃ dhammānaṃ||
ṭhitiyā asammosāya bhīyyobhāvāya vepullāya bhāvanāya pāripūriyā chandaṃ janeti vāyamati viriyaṃ ārabhati cittaṃ paggaṇhāti padahati.|| ||
Imesaṃ kho bhikkhave pañcannaṃ kāma-guṇānaṃ pahānāya||
ime cattāro samma-p-padhānā bhāvetabbā" ti.|| ||
Sutta 76
Upādāna-k-khandha Sammappadhāna Suttaṃ
Sāvatthi nidānaṃ|| ||
"Pañc'ime bhikkhave upādāna-k-khandā.|| ||
Katame pañca?|| ||
Rūp'upādāna-k-khandho,||
vedan'ūpādāna-k-khandho,||
saññ'ūpādāna-k-khandho,||
saṇkhār'ūpādāna-k-khandho,||
viññāṇ'ūpādāna-k-khandho.|| ||
Ime kho bhikkhave, pañc'ūpādāna-k-khandhā.|| ||
§
Imesaṃ kho bhikkhave pañcannaṃ upādāna-k-khandānaṃ pahānāya||
cattāro samma-p-padhānā bhāvetabbā.|| ||
Katame cattāro?|| ||
Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ||
anuppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ pāpakānaṃ akusalānaṃ dhammānaṃ||
pahānāya chandaṃ janeti vāyamati viriyaṃ ārabhati cittaṃ paggaṇhāti padahati|| ||
■
Anuppannānaṃ kusalānaṃ dhammānaṃ||
uppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ kusalānaṃ dhammānaṃ||
ṭhitiyā asammosāya bhīyyobhāvāya vepullāya bhāvanāya pāripūriyā chandaṃ janeti vāyamati viriyaṃ ārabhati cittaṃ paggaṇhāti padahati.|| ||
Imesaṃ kho bhikkhave pañcannaṃ upādāna-k-khandānaṃ pahānāya||
ime cattāro samma-p-padhānā bhāvetabbā" ti.|| ||
Sutta 77
Orambhāgiya Sammappadhāna Suttaṃ
Sāvatthi nidānaṃ|| ||
"Pañcamāni bhikkhave oram-bhāgiyāni saṃyojanāni.|| ||
Katamāni pañca?|| ||
Sakkāya-diṭṭhi,||
vici-kiccā,||
sīla-b-bata-parāmāso,||
kāma-c-chando,||
vyāpādo.|| ||
Imāni kho bhikkhave pañc'oram-bhāgiyāni saṃyojanāni.|| ||
§
Imesaṃ kho bhikkhave pañcannaṃ oram-bhāgiyānaṃ saṃyojanānaṃ pahānāya||
cattāro samma-p-padhānā bhāvetabbā.|| ||
Katame cattāro?|| ||
Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ||
anuppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ pāpakānaṃ akusalānaṃ dhammānaṃ||
pahānāya chandaṃ janeti vāyamati viriyaṃ ārabhati cittaṃ paggaṇhāti padahati|| ||
■
Anuppannānaṃ kusalānaṃ dhammānaṃ||
uppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ kusalānaṃ dhammānaṃ||
ṭhitiyā asammosāya bhīyyobhāvāya vepullāya bhāvanāya pāripūriyā chandaṃ janeti vāyamati viriyaṃ ārabhati cittaṃ paggaṇhāti padahati.|| ||
Imesaṃ kho bhikkhave pañcannaṃ oram-bhāgiyānaṃ saṃyojanānaṃ pahānāya||
ime cattāro samma-p-padhānā bhāvetabbā" ti.|| ||
Sutta 78
Gati Sammappadhāna Suttaṃ
Sāvatthi nidānaṃ|| ||
"Pañc'imā bhikkhave gatiyo.|| ||
Katame pañca?|| ||
Nirayo,||
tiracchāna-yoni,||
petti-visayo,||
manussā,||
devā.|| ||
Imā kho bhikkhave pañca gatiyo.|| ||
§
Imāsaṃ kho bhikkhave pañcannaṃ gatīnaṃ pahānāya||
cattāro samma-p-padhānā bhāvetabbā.|| ||
Katame cattāro?|| ||
Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ||
anuppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ pāpakānaṃ akusalānaṃ dhammānaṃ||
pahānāya chandaṃ janeti vāyamati viriyaṃ ārabhati cittaṃ paggaṇhāti padahati|| ||
■
Anuppannānaṃ kusalānaṃ dhammānaṃ||
uppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ kusalānaṃ dhammānaṃ||
ṭhitiyā asammosāya bhīyyobhāvāya vepullāya bhāvanāya pāripūriyā chandaṃ janeti vāyamati viriyaṃ ārabhati cittaṃ paggaṇhāti padahati.|| ||
Imāsaṃ kho bhikkhave pañcannaṃ gatīnaṃ pahānāya||
ime cattāro samma-p-padhānā bhāvetabbā" ti.|| ||
Sutta 79
Macchariya Sammappadhāna Suttaṃ
Sāvatthi nidānaṃ|| ||
"Pañc'imāni bhikkhave macchariyāni.|| ||
Katamāni pañca?|| ||
Āvāsa-macchariyahaṃ,||
kula-macchariyaṃ,||
lābha-macchariyaṃ,||
vaṇṇa-macchariyaṃ,||
dhamma-macchariyaṃ.|| ||
Imāni kho bhikkhave pañca macchariyāni.|| ||
§
Imesaṃ kho bhikkhave, pañcannaṃ macchariyānaṃ pahānāya||
cattāro samma-p-padhānā bhāvetabbā.|| ||
Katame cattāro?|| ||
Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ||
anuppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ pāpakānaṃ akusalānaṃ dhammānaṃ||
pahānāya chandaṃ janeti vāyamati viriyaṃ ārabhati cittaṃ paggaṇhāti padahati|| ||
■
Anuppannānaṃ kusalānaṃ dhammānaṃ||
uppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ kusalānaṃ dhammānaṃ||
ṭhitiyā asammosāya bhīyyobhāvāya vepullāya bhāvanāya pāripūriyā chandaṃ janeti vāyamati viriyaṃ ārabhati cittaṃ paggaṇhāti padahati.|| ||
Imesaṃ kho bhikkhave, pañcannaṃ macchariyānaṃ pahānāya||
ime cattāro samma-p-padhānā bhāvetabbā" ti.|| ||
Sutta 80
Uddhamabhāgiya Sammappadhāna Suttaṃ
Sāvatthi nidānaṃ|| ||
"Pañc'imāni bhikkhave, uddham-bhāgiyāni saṃyojanāni.|| ||
Katamāni pañca?|| ||
Rūpa-rāgo,||
arūpa-rāgo,||
māno,||
uddhaccaṃ,||
avijjā.|| ||
Imāni kho bhikkhave pañc'uddham-bhāgiyāni saṃyojanāti.|| ||
§
Imesaṃ kho bhikkhave pañcannaṃ uddham-bhāgiyānaṃ saṃyojanānaṃ pahānāya||
cattāro samma-p-padhānā bhāvetabbā.|| ||
Katame cattāro?|| ||
Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ||
anuppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ pāpakānaṃ akusalānaṃ dhammānaṃ||
pahānāya chandaṃ janeti vāyamati viriyaṃ ārabhati cittaṃ paggaṇhāti padahati|| ||
■
Anuppannānaṃ kusalānaṃ dhammānaṃ||
uppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ kusalānaṃ dhammānaṃ||
ṭhitiyā asammosāya bhīyyobhāvāya vepullāya bhāvanāya pāripūriyā chandaṃ janeti vāyamati viriyaṃ ārabhati cittaṃ paggaṇhāti padahati.|| ||
Imesaṃ kho bhikkhave pañcannaṃ uddham-bhāgiyānaṃ saṃyojanānaṃ pahānāya||
ime cattāro samma-p-padhānā bhāvetabbā" ti.|| ||
Sutta 81
Cetokhila Sammappadhāna Suttaṃ
Sāvatthi nidānaṃ|| ||
"Pañc'ime bhikkhave ceto-khīlā.|| ||
Katame pañca?|| ||
Idha, bhikkhave, bhikkhu satthari kaṇkhati vicikicchati nādhi-muccati na sampasīdati.|| ||
Yo so bhikkhave bhikkhu satthari kaṇkhati,||
vicikicchati,||
nādhi-muccati na sampasīdati,||
tassa cittaṃ na namati ātappāya anuyogāya sāta-c-cāya padhānāya,||
yassa cittaṃ na namati ātappāya anuyogāya sāta-c-cāya padhānāya,||
ayaṃ paṭhamo ceto-khīlo.|| ||
■
Puna ca paraṃ bhikkhave bhikkhu dhamme kaṇkhati vicikicchati nādhi-muccati na sampasīdati.|| ||
Yo so bhikkhave bhikkhu dhamme kaṇkhati,||
vicikicchati,||
nādhi-muccati na sampasīdati,||
tassa cittaṃ na namati ātappāya anuyogāya sāta-c-cāya padhānāya,||
yassa cittaṃ na namati ātappāya anuyogāya sāta-c-cāya padhānāya,||
ayaṃ dutiyo ceto-khīlo.|| ||
■
Puna ca paraṃ bhikkhave bhikkhu saṇghe kaṇkhati vicikicchati nādhi-muccati na sampasīdati.|| ||
Yo so bhikkhave bhikkhu saṇghe kaṇkhati,||
vicikicchati,||
nādhi-muccati na sampasīdati,||
tassa cittaṃ na namati ātappāya anuyogāya sāta-c-cāya padhānāya,||
yassa cittaṃ na namati ātappāya anuyogāya sāta-c-cāya padhānāya,||
ayaṃ tatiyo ceto-khīlo.|| ||
■
Puna ca paraṃ bhikkhave bhikkhu sikkhāya kaṇkhati vicikicchati nādhi-muccati na sampasīdati.|| ||
Yo so bhikkhave bhikkhu sikkhāya kaṇkhati,||
vicikicchati,||
nādhi-muccati na sampasīdati,||
tassa cittaṃ na namati ātappāya anuyogāya sāta-c-cāya padhānāya,||
yassa cittaṃ na namati ātappāya anuyogāya sāta-c-cāya padhānāya,||
ayaṃ catuttha ceto-khīlo.|| ||
Yo so bhikkhave bhikkhu sabrahma-cārisu kupito hoti anatta-mano abhātacitto kilajāto,||
tassa cittaṃ na namati ātappāya anuyogāya,||
sāta-c-cāya padhānāya.
Yassa cittaṃ na namati ātappāya anuyogāya sāta-c-cāya,||
ayaṃ pañcamo ceto-khilo.|| ||
Ime kho bhikkhave pañca cetokīlā.|| ||
§
Imesaṃ kho bhikkhave pañcannaṃ ceto-khīlānaṃ pahānāya||
cattāro samma-p-padhānā bhāvetabbā.|| ||
Katame cattāro?|| ||
Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ||
anuppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ pāpakānaṃ akusalānaṃ dhammānaṃ||
pahānāya chandaṃ janeti vāyamati viriyaṃ ārabhati cittaṃ paggaṇhāti padahati|| ||
■
Anuppannānaṃ kusalānaṃ dhammānaṃ||
uppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ kusalānaṃ dhammānaṃ||
ṭhitiyā asammosāya bhīyyobhāvāya vepullāya bhāvanāya pāripūriyā chandaṃ janeti vāyamati viriyaṃ ārabhati cittaṃ paggaṇhāti padahati.|| ||
Imesaṃ kho bhikkhave pañcannaṃ ceto-khīlānaṃ pahānāya||
ime cattāro samma-p-padhānā bhāvetabbā" ti.|| ||
Sutta 82
Vinibandha Sammappadhāna Suttaṃ
Sāvatthi nidānaṃ|| ||
"Pañc'ime bhikkhave cetaso vinibandhā.|| ||
Katame pañca?|| ||
Idha, bhikkhave, bhikkhu kāmesu avīta-rāgo hoti avigata-chando avigata-pemo avigata-pipāso avigata-pariḷāho avigata taṇho.|| ||
Yo so bhikkhave bhikkhu kāmesu avīta-rāgo hoti avigata-chando avigata-pemo avigata-pipāso avigata-pariḷābho avigata-taṇho,||
tassa cittaṃ na namati ātappāya anuyogāya sāta-c-cāya padhānāya.|| ||
Yassa cittaṃ na namati ātappāya anuyogāya sāta-c-cāya padhānāya,||
ayaṃ paṭhamo cetaso vinibandho.|| ||
■
Puna ca paraṃ bhikkhave bhikkhu kāye avīta-rāgo hoti avigata-chando avigata-pemo avigata-pipāso avigata-pariḷāho avigata taṇho.|| ||
Yo so bhikkhave bhikkhu kāye avīta-rāgo hoti avigata-chando avigata-pemo avigata-pipāso avigata-pariḷābho avigata-taṇho,||
tassa cittaṃ na namati ātappāya anuyogāya sāta-c-cāya padhānāya.|| ||
Yassa cittaṃ na namati ātappāya anuyogāya sāta-c-cāya padhānāya,||
ayaṃ dutiyo cetaso vinibandho.|| ||
■
Puna ca paraṃ bhikkhave bhikkhu rūpe avīta-rāgo hoti avigata-chando avigata-pemo avigata-pipāso avigata-pariḷāho avigata taṇho.|| ||
Yo so bhikkhave bhikkhu rūpesu avīta-rāgo hoti avigata-chando avigata-pemo avigata-pipāso avigata-pariḷābho avigata-taṇho,||
tassa cittaṃ na namati ātappāya anuyogāya sāta-c-cāya padhānāya.|| ||
Yassa cittaṃ na namati ātappāya anuyogāya sāta-c-cāya padhānāya, ayaṃ tatiyo cetaso vinibandho.|| ||
■
Puna ca paraṃ bhikkhave bhikkhu yāva-datthaṃ udarāvadehakaṃ bhuñjitvā seyya-sukhaṃ phassa-sukhaṃ middha-sukhaṃ anuyutto viharati avīta-rāgo hoti avigata-chando avigata-pemo avigata-pipāso avigata-pariḷāho avigata taṇho.|| ||
Yo so bhikkhave bhikkhu yāva-datthaṃ udarāvadehakaṃ bhuñjitvā seyya-sukhaṃ phassa-sukhaṃ middha-sukhaṃ anuyutto viharati,||
avīta-rāgo hoti avigata-chando avigata-pemo avigata-pipāso avigata-pariḷābho avigata-taṇho,||
tassa cittaṃ na namati ātappāya anuyogāya sāta-c-cāya padhānāya.|| ||
Yassa cittaṃ na namati ātappāya anuyogāya sāta-c-cāya padhānāya,||
ayaṃ catuttho cetaso vinibandho.|| ||
■
Puna ca paraṃ bhikkhave bhikkhu aññataraṃ deva-nikāyaṃ paṇidhāya Brahma-cariyaṃ carati,||
imin-ā-haṃ sīlena vā vatena vā tapena vā brahma-cariyena vā devo vā bhavissāmi deva-ñ-ñataro vā'ti.|| ||
Yo so bhikkhave bhikkhu aññataraṃ deva-nikāyaṃ paṇidhāya Brahma-cariyaṃ carati imin-ā-haṃ sīlena vā vatena vā tapena vā brahma-cariyena vā devo vā bhavismi deva-ñ-ñataro vāti,||
tassa cittaṃ na namati ātappāya anuyogāya, sāta-c-cāya padhānāya.|| ||
Yassa cittaṃ na namati ātappāya anuyogāya sāta-c-cāya padhānāya,||
ayaṃ pañcamo cetaso vinibandho.|| ||
Ime kho bhikkhave, pañca cetaso vinibandhā.|| ||
§
Imesaṃ kho bhikkhave pañcannaṃ cetaso vinibandhanaṃ pahānāya||
cattāro samma-p-padhānā bhāvetabbā.|| ||
Katame cattāro?|| ||
Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ||
anuppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ pāpakānaṃ akusalānaṃ dhammānaṃ||
pahānāya chandaṃ janeti vāyamati viriyaṃ ārabhati cittaṃ paggaṇhāti padahati|| ||
■
Anuppannānaṃ kusalānaṃ dhammānaṃ||
uppādāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||
■
Uppannānaṃ kusalānaṃ dhammānaṃ||
ṭhitiyā asammosāya bhīyyobhāvāya vepullāya bhāvanāya pāripūriyā chandaṃ janeti vāyamati viriyaṃ ārabhati cittaṃ paggaṇhāti padahati.|| ||
Imesaṃ kho bhikkhave pañcannaṃ cetaso vinibandhanaṃ pahānāya||
ime cattāro samma-p-padhānā bhāvetabbā" ti.|| ||
