Aṅguttara Nikāya
X. Dasaka-Nipāta
I. Ānisaṁsa Vagga

Sutta 2

Cetanā-Karaṇīya Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[2]

[1][pts][bodh] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuṁ.|| ||

Bhagavā etad avoca:|| ||

"Sīla-vato bhikkhave||
sīla-sampannassa||
na cetanāya karaṇīyaṁ:|| ||

'Avi-p-paṭisāro me uppajjatu' ti.|| ||

Dhammatā esā bhikkhave||
yaṁ sīla-vato||
sīla-sampannassa||
avi-p-paṭisāro uppajjati.|| ||

■

Avi-p-paṭisārissa bhikkhave||
na cetanāya karaṇīyaṁ:|| ||

'Pāmojjaṁ uppajjattu' ti.|| ||

Dhammatā esā bhikkhave||
yaṁ avi-p-paṭisārissa||
pāmojjaṁ uppajjati.|| ||

■

Pamuditassa bhikkhave||
na cetanāya karaṇīyaṁ|| ||

'Pīti me uppajjatu' ti.|| ||

Dhammatā esā bhikkhavi||
yeṁ pamuditassa||
[3] pīti uppajjati.|| ||

■

Pīti-manassa bhikkhave||
na cetanāya karaṇīyaṁ|| ||

'Kāyo me passambhatu' ti.|| ||

Dhammatā esā bhikkhave||
yaṁ pīti-manassa||
kāyo passambhati.|| ||

■

Pa-s-saddha-kāyassa bhikkhave||
na citenāya ya karaṇīyaṁ

'Sukhaṁ vediyāmī' ti.|| ||

Dhammatā esā bhikkhave||
yaṁ passaddha-kāyo||
sukhaṁ vediyati.|| ||

■

Sukhino bhikkhavi||
ne cetanāya karaṇīyaṁ:|| ||

'Cittaṁ me samādhiyatu' ti.|| ||

Dhammatā esā bhikkhave khave||
yaṁ sukhino||
cittaṁ samādhiyati.|| ||

■

Samāhitassa bhikkhave||
na citenāya karaṇīyaṁ:|| ||

'Yathā-bhūtaṁ jānāmi passāmī' ti.|| ||

Dhammatā esā bhikkhave||
yaṁ samāhito||
yathā-bhūtaṁ jānāti passati.|| ||

■

Yathā-bhūtaṁ bhikkhave jānato passato||
na cetanāya karaṇīyaṁ:|| ||

'Nibbindāmi Virajjāmī' ti.|| ||

Dhammatā esā bhikkhave||
yaṁ yathā-bhūtaṁ jānaṁ passaṁ||
nibbindati virajjati.|| ||

■

Nibbindassa bhikkhave virajjantassa||
na cetanāya karaṇīyaṁ:|| ||

'Vimutti-ñāṇa-dassanaṁ sacchi-karomī mī' ti.|| ||

Dhammatā esā bhikkhave||
yaṁ nibbiṇṇo viratto vimutti-ñāṇa-dassanaṁ||
sacchi-karoti.|| ||

 

§

 

Iti kho bhikkhave nibbidā-virāgo||
vimutti-ñāṇa-dassanattho||
vimutti-ñāṇa-dassanā-nisaṁso.|| ||

Yathā-bhūta-ñāṇa-dassanaṁ nibbidā virāgatthaṁ nibbidā virāgā-nisaṁsaṁ.|| ||

Samādhi yathā-bhūta-ñāṇa-dassanattho yathā-bhūta-ñāṇa-dassanā-nisaṁso.|| ||

Sukhaṁ samādhatthaṁ samādhā-nisaṁsaṁ.|| ||

Passaddhi sukhatthā sukhā-nisaṁsā.|| ||

Pīti passaddhatthā passaddhā-nisaṁsā.|| ||

Pāmojjaṁ pītatthaṁ pītā-nisaṁsaṁ.|| ||

Avi-p-paṭisāro pāmojjattho pāmojjā-nisaṁso.|| ||

Kusalāni sīlāni avi-p-paṭisāra-t-thāni avi-p-paṭisārā-nisaṁsāni.|| ||

Iti kho bhikkhave dhammā-vadhamme [4] abhisandenti,||
dhammā-vadhamme paripūrenti a-pāra-apāraṁ gamanāyā" ti.|| ||