Aṅguttara Nikāya
X. Dasaka-Nipāta
X: Upāsaka-Vagga
Sutta 100
Bhabb-ā-Bhabba Suttaṁ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṁ samayaṁ Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṁ.|| ||
Bhagavā etad avoca:|| ||
2. "Dasa yime bhikkhave dhamme a-p-pahāya abhabbo Arahattaṁ sacchi-kātuṁ.|| ||
Katame dasa?|| ||
Rāgaṁ||
dosaṁ||
mohaṁ||
kodhaṁ||
upanāhaṁ||
makkhaṁ||
palāsaṁ||
issaṁ||
macchariyaṁ||
mānaṁ.|| ||
Ime kho bhikkhave dasa dhamme a-p-pahāya abhabbo Arahattaṁ sacchi-kātuṁ.|| ||
§
Dasayime bhikkhave dhamme pahāya bhabbo Arahattaṁ sacchi-kātuṁ.|| ||
Katame dasa?|| ||
Rāgaṁ||
dosaṁ||
mohaṁ||
kodhaṁ||
upanāhaṁ||
makkhaṁ||
palāsaṁ||
issaṁ||
macchariyaṁ||
mānaṁ.|| ||
Ime kho bhikkhave dasa dhamme pahāya bhabbo Arahattaṁ sacchi-kātun" ti.|| ||