Aṇguttara Nikāya
X. Dasaka-Nipāta
XIII: Parisuddha-Vagga

Sutta 125

Tatiya Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[238]

[1][pts] Evaṃ me sutaṃ:|| ||

Ekaṃ samayaṃ Bhagavā Sāvatthiyaṃ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.|| ||

Bhagavā etad avoca:|| ||

2. "Dasa ime bhikkhave dhammā maha-p-phalā mahā-nisaṃsā||
āññatra Sugata-Vinayā.|| ||

Katame dasa?|| ||

Sammā-diṭṭhi,||
sammā-saṇkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi,||
sammā-ñāṇaṃ,||
sammā-vimutti.|| ||

Ime kho bhikkhave dasa dhammā maha-p-phalā mahā-nisaṃsā||
āññatra Sugata-Vinayā" ti|| ||