Aṅguttara Nikāya
X. Dasaka-Nipāta
XV: Ariya-Vagga

Sutta 151

Bhāvetabba Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[246]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

2. "Bhāvetabbañ ca vo bhikkhave dhammaṁ desissāmi,||
na bhāvetabbañ ca.|| ||

Taṁ suṇātha sādhukaṁ manasi-karotha bhāsissāmī" ti.|| ||

"Evaṁ bhante" ti kho te bhikkhu Bhagavato paccassosuṁ.|| ||

Bhagavā etad avoca:|| ||

"Katamañ ca bhikkhave na bhāvetabbo dhammo?

Micchā-diṭṭhi,||
micchā-saṅkappo,||
micchā-vācā,||
micchā-kammanto,||
micchā-ājīvo,||
micchā-vāyāmo,||
micchā-sati,||
micchā-samādhi,||
micchā-ñāṇaṁ,||
micchā-vimutti.|| ||

Ayaṁ vuccati bhikkhave na bhāvetabbo dhammo.|| ||

 

§

 

Katamañ ca bhikkhave bhāvetabbo Dhammo?|| ||

Sammā-diṭṭhi,||
sammā-saṅkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi,||
sammā-ñāṇaṁ,||
sammā-vimutti.|| ||

Ayaṁ vuccati bhikkhave bhāvetabbo Dhammo" ti|| ||