Timbaruka Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[22]

[1][pts][bodh][than][olds] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.|| ||

2. Atha kho Timbaruko paribbājako yena Bhagavā ten'upasaṅkami.|| ||

Upasaṅkamitvā Bhagavatā saddhiṁ sammodi.|| ||

Sammodanīyaṁ kataṁ sārāṇīyaṁ vīti-sāretvā eka-m-antaṁ nisīdi.|| ||

3. Eka-m-antaṁ nisinno kho Timbaruko paribbājako Bhagavantaṁ etad avoca:|| ||

4. "Kin nu kho bho Gotama||
sayaṁ kataṁ dukkha-sukhanti" ti?|| ||

"Mā hevaṁ Timbaruka" ti Bhagavā avoca.|| ||

5. "Kim pana bho Gotama||
parakataṁ dukkha-sukhanti" ti?|| ||

"Mā hevaṁ Timbaruka" ti Bhagavā avoca.|| ||

6. "Kin nu kho bho Gotama||
sayaṁ katañ ca parakatañ ca dukkha-sukhanti" ti?|| ||

"Mā hevaṁ Timbaruka" ti Bhagavā avoca.|| ||

7. "Kim pana bho Gotama||
asayaṁ-kāraṁ apara-kāraṁ adhicca-samuppannaṁ dukkha-sukhanti" ti?|| ||

"Mā hevaṁ Timbaruka" ti Bhagavā avoca.|| ||

8. "Kin nu kho bho Gotama||
n'atthi dukkha-sukhanti" ti?|| ||

"Na kho Timbaruka||
n'atthi dukkhaṁ.|| ||

Atthi kho Timbaruka||
dukkha-sukhanti" ti.|| ||

9. "Tena hi bhavaṁ Gotamo dukkhaṁ||
na jānāti||
na passatī" ti?|| ||

"Na khv'āhaṁ Timbaruka dukkhaṁ||
na jānāmi||
na passāmi.|| ||

Jānāmi khv'āhaṁ Timbaruka dukkhaṁ||
passāmi khv'āhaṁ Timbaruka dukkha-sukhanti" ti.|| ||

■

10. "'Kin nu kho bho Gotama||
sayaṁ-kataṁ dukkha-sukhanti' ti||
iti puṭṭho samāno||
'mā hevaṁ Timbaruka' ti vadesi.|| ||

[23] 'Kim pana bho Gotama parakataṁ dukkha-sukhanti' ti||
iti puṭṭho samāno||
'mā hevaṁ Timbaruka' ti vadesi.|| ||

'Kin nu kho bho Gotama||
sayaṁ-katañ ca parakatañ ca dukkha-sukhanti' ti||
iti puṭṭho samāno||
'mā hevaṁ Timbaruka' ti vadesi.|| ||

'Kim pana bho Gotama asayaṁ-kāraṁ apara-kāraṁ adhicca-samuppannaṁ dukkha-sukhanti' ti||
iti puṭṭho samāno||
'mā hevaṁ Timbaruka' ti vadesi.|| ||

'Kin nu kho bho Gotama n'atthi dukkha-sukhanti' ti||
iti puṭṭho samāno||
'na kho Timbaruka n'atthi dukkhaṁ||
atthi kho Timbaruka dukkha-sukhanti' ti vadesi.|| ||

'Tena hi bhavaṁ Gotamo dukkhaṁ na jānāti||
na passatī' ti||
iti puṭṭho samāno||
'na khv'āhaṁ Timbaruka dukkhaṁ||
na jānāmi||
na passāmi.|| ||

Jānāmi khv'āhaṁ Timbaruka dukkhaṁ||
passāmi khv'āhaṁ Timbaruka dukkha-sukhanti' ti vadesi.|| ||

Ācikkhatu me bhante Bhagavā dukkhaṁ||
desetu me bhante Bhagavā dukkha-sukhanti" ti.|| ||

■

11. "'Sā vedanā, so vediyatī' ti||
kho Timbaruka,||
ādito sato||
'sayaṁ kataṁ sukha-dukkha-sukhanti' ti||
evam pahaṁ na vadāmi.|| ||

12. 'Aññā vedanā añño vediyatī' ti||
kho Timbaruka,||
vedanā-bhitunnassa sato||
"paraṁ kataṁ sukha-dukkha-sukhanti' ti,||
evam pahaṁ na vadāmi.|| ||

18. Ete te Timbaruka||
ubho ante anupagamma majjhena Tathāgato dhammaṁ deseti:|| ||

Avijjā-paccayā saṅkhārā,||
saṅkāra-paccayā viññāṇaṁ,||
viññāṇa-paccayā nāma-rūpaṁ,||
nāma-rūpa-paccayā saḷāyatanaṁ,||
saḷāyatana-paccayā phasso,||
phassa-paccayā vedanā,||
vedanā-paccayā taṇhā,||
taṇhā-paccayā upādānaṁ,||
upādāna-paccayā bhavo,||
bhava-paccayā jāti,||
jāti-paccayā jarā-maraṇaṁ||
soka-parideva-dukkha-domanass'ūpāyāsā sambhavanti.|| ||

Evam etassa kevalassa dukkha-k-khandhassa samudayo hoti.|| ||

Avijjāya tv'eva [21] asesa-virāga-nirodhā saṅkhāra-nirodho,||
saṅkhāra-nirodhā viññāṇa-nirodho||
viññāṇa-nirodhā nāma-rūpa-nirodho||
nāma-rūpa-nirodhā saḷāyatana-nirodho||
saḷāyata-nanirodhā phassa-nirodho||
phassa-nirodhā vedanā-nirodho||
vedanā-nirodhā taṇhā-nirodho||
taṇhā-nirodhā upādāna-nirodho||
upādāna-nirodhā bhava-nirodho||
bhava-nirodhā jāti-nirodho||
jāti-nirodhā jarā-maraṇaṁ||
soka-parideva-dukkha-domanass'ūpāyāsā nirujjhanti.|| ||

Evam etassa kevalassa dukkha-k-khandhassa nirodho hotī" ti.|| ||

14. Evaṁ vutte acelo Timbaruka Bhagavantaṁ etad avoca:|| ||

"Abhikkantaṁ bhante!|| ||

Abhikkantaṁ bhante!|| ||

Seyyathā pi bhante||
nikkujjitaṁ vā ukkujjeyya||
paṭi-c-channaṁ vā vivareyya||
mūlhassa vā Maggaṁ ācikkheyya||
andha-kāre vā tela-pajjotaṁ dhāreyya||
cakkhu-manto 'rūpāni dakkhintī' ti.|| ||

Evam evaṁ Bhagavatā aneka-pariyāyena Dhammo pakāsito||
es'āhaṁ bhante Bhagavantaṁ saraṇaṁ gacchāmi||
Dhammañ ca||
bhikkhu-saṅghañ ca" ti|| ||

Upāsakaṁ maṁ bhavaṁ Gotamo dhāretu ajja-t-agge pāṇupetaṁ saraṇaṁ gatanti.|| ||