Upavāṇa Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[41]

[1][pts][bodh][olds] Evaṁ me sutaṁ:|| ||

Ekaṁ samayaṁ Sāvatthiyaṁ-|| ||

2. Atha kho āyasmā Upavāṇo yena Bhagavā ten'upasaṅkami.|| ||

Upasaṅkamitvā Bhagavantaṁ abhivādetvā eka-m-antaṁ nisīdi.|| ||

Eka-m-antaṁ nisinno kho āyasmā Upavāṇo Bhagavantaṁ etad avoca:|| ||

3. Santi hi bhante,||
eke samaṇa-brāhmaṇā kamma-vādā sayaṁ-kataṁ sukha-dukkhaṁ paññāpenti.|| ||

Santi hi pana bhante,||
eke samaṇa-brāhmaṇā kamma-vādā paraṁ-kataṁ sukha-dukkhaṁ paññāpenti.|| ||

Santi hi pana bhante,||
eke samaṇa-brāhmaṇā kamma-vādā sayaṁ-katañ ca paraṁ-katañ ca sukha-dukkhaṁ paññāpenti.|| ||

Santi hi pana bhante,||
eke samaṇa-brāhmaṇā kamma-vādā asayaṁ-kāraṁ aparaṁ-kāraṁ adhicca-samuppannaṁ sukha-dukkhaṁ paññāpenti.|| ||

4. Idha no bhante Bhagavā kiṁ vādī,||
kim akkhāyī?|| ||

Kathaṁ vyākaramānā ca mayaṁ vutta-vādino c'eva Bhagavato assāma||
na ca Bhagavato abhūtena abbhācikkheyyāma?|| ||

Dhammassa c'ānudhammaṁ vyākareyyāma||
na ca koci saha-dhammiko vādānupāto gārayhaṁ ṭhānaṁ āgaccheyyā" ti?|| ||

5. Paṭicca-samuppannaṁ kho Upavāṇa dukkhaṁ vuttaṁ mayā.

Kim paṭicca?|| ||

Phassaṇ paṭicca.|| ||

Iti vadaṁ vuttavādī c'eva me assa||
na ca maṁ abhūtena abbh'ācikkheyya||
Dhammassa c'ānudhammaṁ vyākareyya||
na ca koci saha-dhammiko vādānupāto gārayhaṁ ṭhānaṁ āgaccheyya.|| ||

6. Tatra Upavāṇa ye te samaṇa-brāhmaṇā kamma-vādā sayaṁ-kataṁ dukkhaṁ paññāpenti,||
tad api phassapacacayā.|| ||

Ye pi te samaṇa-brāhmaṇā kamma-vādā paraṁ-kataṁ dukkhaṁ paññāpenti||
tad api phassa-paccayā.|| ||

Ye pi te samaṇa-brāhmaṇā kamma-vādā sayaṁ-katañ ca paraṁ-katañ ca dukkhaṁ paññāpenti,||
tad api phassa-paccayā.|| ||

Ye pi te samaṇa-brāhmaṇā kamma-vādā asayaṁ-kāraṁ aparaṁ-kāraṁ adhicca-samuppannaṁ dukkhaṁ paññāpenti,||
tad api phassa-paccayā.|| ||

[42] 7. Tatra Upavāṇa ye te samaṇa-brāhmaṇā kamma-vādā sayaṁ-kataṁ dukkhaṁ paññāpenti,||
te vata aññatra phassā paṭisaṁvedissantī' ti||
n'etaṁ ṭhānaṁ vijjati.|| ||

Ye pi te samaṇa-brāhmaṇā kamma-vādā paraṁ-kataṁ dukkhaṁ paññāpenti,||
te vata aññatra phassā paṭisaṁvedissantī' ti||
n'etaṁ ṭhānaṁ vijjati.|| ||

Ye pi te samaṇa-brāhmaṇā kamma-vādā sayaṁ-katañ ca paraṁ-katañ ca dukkhaṁ paññāpenti,||
te vata aññatra phassā paṭisaṁvedissantī' ti||
n'etaṁ ṭhānaṁ vijjati.|| ||

Ye pi te samaṇa-brāhmaṇā kamma-vādā asayaṁ-kāraṁ aparaṁ-kāraṁ adhicca-samuppannaṁ dukkhaṁ paññāpenti,||
te vata aññatra phassā paṭisaṁvedissantī' ti||
n'etaṁ ṭhānaṁ vijjatī" ti.|| ||